JEREMIA 10:10 - Khumi Common Language Bible

¹⁰ Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 10:10 Iomraidhean Croise

ATITI AWM ANGCHEI NAI 21:33

Naibaly Abraham ly Beraseba meingtym y pangli maicha keungrei ui ato i, mymy ly deungtasarei awm jojo nai Areng Tameuh ai chiu bo.

1 ARENG KEH 18:39

Hina naichi niu nai khala y khumichi ly khaileaung y atlym u i, “Areng ly Tameuh ne; Areng leaungrei naini Tameuh tatang ne!” nanai aeu u bo.

1 ARENG KEH 8:60

Hunai deaungkho y Areng leaungrei naini Tameuh tatang ne; Tameuh takhra by y, nanai khaileaung pri i cheng cheaungkhangchi my pany u ai.

1 NENG SATANG 29:11

Nang ly nang parai iy sa thai naira phum-ang, haiho, nang parai naira kawi angym nai ne. Kani khusang hawi khaileaung salo y awm nai ngiereichi peang iy, nang ly khumi cheng cheaungkhangchi ai, sa thai naira phum-ang hawi peang nai samrang ne.

2 NENG SATANG 15:3

Israela chengchi teng y Tameuh meitang awm pi jo y, thui parip ai nai pathyp pi nai keungchi by y, reita py by y.

JOBA 9:6

Tameuh ly kalei theu hai iy, khaileaung amchyh hai. Mymy ly khaileaung i sangum langdeng yhmtawichi ai ahyn hai bo.

SAM 10:16

Areng ly deungtasarei samrang ne; tameuh takhrachi ai chiu nai khumichi ly mychi i pri dengdairei tama u pawn ai.

SAM 100:3

Areng ly Tameuh ne, nanai pany u. Mymy ly achi ai sa iy, achi ly mymy i ne. Achi ly mymy i khumichi ne; mymy kry nai beram kanghuchi ne.

SAM 100:5

Areng ly hawi nai ne; mymy i tamen nai ly deungtasarei khaw iy, mymy i ka-ym awm nai sai py, deung bawibawi tym pa-rei awm jojo ai.

SAM 104:32

Nang ly khaileaung ai khen nai khala y, khaileaung ly amchyh na; mawichi ai kiu pajeung hawi teaung i, mawichira i nai maikhyh theu bo.

SAM 114:7

Khaileaung awi, Areng ang jeu nai thym khala y, mymy i mo y jei hyn naimy kaso theu u; Jakob i Tameuh i mo y ly jei kaji naimy kaso theu u.

SAM 145:13

Nang i pri ly deungtasarei ne; nang py deungtasarei samrang ne. Areng ly mymy i adeu naichi khaw hai iy, sa nai ngiereichira y tamen naira amteng nai ne.

SAM 146:6

Mymy ly kani, khaileaung, pangli hawi vanrei, hunichi bawibawi ai sa nai ne. Mymy i ka-ym awm nai ai ly kry jojo.

SAM 18:7

Naibaly Tameuh i kado theu nai molam y, khaileaung amchyh na pa-rei kalei theu hai. Mawichi ly kheutang mang dengdairei amchyh. Sabawmra nga ai nai kai i aeu nai raawi, mymy ly thai bo.

SAM 29:10

Areng ly tui thiu parai nairachi ai peang. Mymy ly deungtasa peang nai samrang ne.

SAM 31:5

Kai ly kaimy ai nang i kiu y kang-au bo. Aw Areng, nang ly kai ai atleu ai; nang ly ka-ym awm nai Tameuh ne.

SAM 42:2

Tameuh kangheng napi nai, nang ai kai ly kadeaung bo. Kai ly mana khala y nang i mo y ahihawi iy, chiu sa pajau ai mo?

SAM 68:11

Areng my leu pei nai deaungkho y, neampachy neangneangchi ly,

SAM 68:8

khaileaung ly amchyh i, kani mang dengdairei kani nai bo; ati mana nai mo nabaly Sinai mawi i Tameuh, napi nai Israela chengchi i Tameuh ly ang jeu nai deaungkho y ne.

SAM 74:12

Na i py aw Tameuh, nang ly angchei khala i dengdairei kaichi i samrang ne. Nang ly kaichi ai neng neangneang atleu pi bo.

SAM 76:7

Na i py aw Areng, nang ai khumi bawibawichi ly jei u nai ne; Nang kado theu nai khala y ami py nang i mo y angdo vam y nai ne.

SAM 76:8

Nang ly nangmy i tara chih nai sai ai kani pri mang dengdairei thai hai bo.

SAM 77:18

Nang i alipakang katyn ly amsau na i, amlosadi kangvang py, khaileaung pri verei y ang teaung na; khaileaung ly amchyh neung na bo.

SAM 84:2

Huni meingtym y awm ai nai ngai parai! Kai ly Areng i Achura yhm i lengseaung apai ai kadeaung nai ne. Tameuh kangheng teng y, kai ly tlang phailo verei amo theu naimy palo nai khulym thui ai.

SAM 9:8

Khaileaung pri y leu meitang naimy peang iy, khumi cheng cheaungkhangchi ai adyh adawi naimy tara chih nai ne.

SAM 90:11

Nang i kado theu nai haiho ai ly ami avum bawi pajau ai mo? nang i kado theu nai ly mana tanrei jei ai hawi na mo, nanai ami pany pajau ai mo?

SAM 90:2

Mawichi lawm y rai khala y hawi, khaileaung pri palum y rai khala y nang ly awm yb nai Tameuh ne; tem naira by y nai Tameuh py ne.

SAM 93:2

Aw Areng, nang i areng atehra ly angchei khala i dengdairei khaw parai nai ne; nang ly ati sai py by y rai khala my awm yb bo.

SAM 97:4

Mymy i amlosadichi ly khaileaung pri verei y angvang hai; huna naichi niu nai khala y, khaileaung ly amchyh neung bo.

ISAIA 37:17

Aw Areng, vai kaichi i hnei nai tangai pi kyh ly kaichi ai khen ba. Tameuh kangheng napi nai nang ai thui tamawn nai keung Senakheri i thui nai ngiereichi tangai cham.

ISAIA 37:4

Asuria empara samrang ly my i tavailu areng ai pato iy, Tameuh kangheng ai mei aniu y nai leuchi thui hai bo. Nang i Areng Tameuh ly huni leuchi thai iy, huna nai thui nai khumichi ai, kamngolai pajeng na sy. Nang py heng rai nai kaichi mipuichi i vui Tameuh teng y chiu so pi ba,” napi.

ISAIA 40:15

Areng mo y khumi cheng cheaungkhangchi ly ati sai py ny y. Nichi ly tui paleaungdy nai ryrei khyh. Kamlora i tlawnchi py tamaiham tanrei kaji awm khyh nai ne.

ISAIA 40:28

Areng ly deungtasarei heng jojo nai Tameuh ne, nanai nangchi pany u y nai sai a? Thai u vai y nai sai a? Mymy ly khaileaung bom verei ai sa nai ne. Mymy ly mana khala py paha y, akawm nai by y. Amimi py mymy i dawn tau naichi pany pajau y.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 65:16

Mymy i pri y amtheaung naira nga nai khumi ngiereichi ly ka-ym awm nai keung Tameuh teng i amtheaung naira hnei u ai. Vaineng abeu nai ngiereichi py, ka-ym awm nai keung Tameuh i amyn y tau iy, vaineng abeu u ai. Jangni khala i ngari kamtangchi ly tama iy, hunichi ai khumichi ly tami u pawn ai,” napi.

JEREMIA 23:36

Hunai deaungkho y, ‘Areng i mynji,’ nanai nichi thui ai nai tlo y. Ati mana nai mo nabaly khumi leaungrei my huna nai thui lawh teu baly, kai i leu pei nai ai huna nai kamta thui nai keung ai ly mynji lawm hai angchi khyp ai. Khumichi ly mychi i Tameuh, ati cheaungkhang sa thai nai keung Areng, Tameuh kangheng i leuchi ai tamang hai piupa u bo.

JEREMIA 4:2

kai i amyn y tau iy vaineng abeu nai ly kataw kateng lawm ai. Huna nai khala y khumi cheng cheaungkhangchi ly mymychi amtheaung naira nga ai nai hnei takeng u ai. Kai ai py palo u ai,” napi.

JEREMIA 4:24

Kai ly mawichi mang y khen bi nai khala, mawi katheang kalenchi ly ahyn ka-lau nai ne.

JEREMIA 50:46

Babulon mary anawi nai khala, khri pa-rei katyn amsau nai deaungkho y, khaileaung pri verei amchyh nanai. Jei hyn naimy aeu nai katynchi ai py, khumi cheng cheaungkhangchi my thai u ai,” napi.

JEREMIA 51:29

Areng ly mymy i dawn tau naichi sa khyp nai deaungkho y, khaileaung ly amchyh na nai ne. Mymy ly Babulon mary ai khumi angso savai tlang nai meingtym lawm hai ai.

DANIELA 4:3

“Tameuh my achi teng y patei pi nai lyh ai nairachi ly khri pa-rei len parai na ly! Mymy i patei pi nai rengrang ka-ma-rachi ly khri pa-rei sa thai naira angym na ly! Tameuh ly deungtasarei samrang ne. Mymy ly khaileaung pri y neng tleirei peang jojo ai.

DANIELA 4:34

Samrang my, “Kai ly saneng saryhrei neng khei nai khala y, kani mang y khen kalau i, khumi paleung nga ali teang nai deaungkho y, nang parai nai Tameuh ai palo bo. Deungtasarei heng nai Tameuh i nang parai nai hawi, sa thai naira ai palo bo. “Mymy ly khaileaung pri y deungtasarei peang ai. Mymy i pri ly deungtasa khrairei awm jo ai.

DANIELA 6:26

Kai i empara pri verei y awm nai khumi bawibawichi awi, nangchi ly Daniela i ym nai Tameuh ai tahm khai u ai nai tla, nanai leu kang pei. “Mymy ly Tameuh kangheng ne iy, deungtasarei peang jojo ai. Mymy i pri ly mana khala py phra ai ny y. Mymy i sa thai naira ly mana khala py, tem ai ny y.

DANIELA 6:27

Mymy ly sabawm nai hawi atleu naimy, kani mang y py, khaileaung pri y py, lyh ai nairachi hawi rengrang ka-ma-rachi patei pi bo. Mymy ly Daniela ai khrangsichi teng i nai atleu bo,” nanai ne.

DANIELA 7:14

Naibaly cheng leu cheaungkhang katheu nai khumi ngiereichi ly ni i kalop sa hai ai nai mymy ly ni teng y, peang ai naira hawi sa thai naira py, samrang i sa thai naira py, pei pi nai ne. Ni i sa thai naira haiho ly deungtasarei khaw jo ai i, ni i pri ly mana khala py phra ai ny y.

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

MIKHA 1:4

Huna nai khala mawichi ly mai hawi avum nai phajeaungdeng kamta tlawn vui ai. Naibaly mawi salo mang dengdairei mawi anui y tui leaung nai kamta, leaunghawi mang y athui jawn ai.

NAHUM 1:5

Areng i mo y mawi puichi ly ahyn iy, mawi katheangchi ly tlawn pawn ai. Areng jeu nai khala kaleih theu iy, khaileaung pri hawi vanrei, khaileaung pri i khumi bawibawichi ly jei hyn u bo.

NAHUM 1:6

Mymy kado theu nai khala, ami kham pajau ai mo? Mymy i ka-jei awm nai kado theu nai haiho ly ami kham pajau ai mo? Mymy ly mai theu nanai kado theu nai ai lei nai deaungkho y, mymy mo i lengseaungchi ly dei lawm na bo.

HABAKKUK 3:10

Nang ai niu nai khala, mawichi ly amchyh u; Kani mang dengdairei tuichi leaung. Khaileaung theung i tuichi ly katyn amsau na; tui sampyhchi py asang na bo.

HABAKKUK 3:6

Mymy anawn nai khala y, khaileaung amchyh na. Tlenrei khen lau nai ryrei my, khumi cheng cheaungkhangchi ahyn u bo. Deungrei awm nai mawichi ly dei lawm vui iy, jangni jangkhawn i neng y mymy aleaung reng nai, mymy awm jojo nai mawi katheangchi ly tama pawn veng bo.

MALAKHI 3:2

Na i py ami nai ly nang jeu ai nai neng kani y ami aheu vui vam ai mo? Nang i amteng nai neng khala y, heng nai khumi awm rai na a? Hawi keh nai saibeung hawi py, vang kateng tamo patlawn nai mai hawi py atawm ai.

MATTHAI 16:16

Naibaly Simon Petera my ly, “Nang ly Krista, Tameuh kangheng i Chapo ne,” napi nai pathang.

MATTHAI 26:63

Na i py Isu my ly sai py katheu y. Naibaly pathyp pi nai keung kalen keh nai my ly mymy teng y, “Tameuh kangheng i amyn y kang thui nai bo: nang ly Krista Tameuh i Chapo ne a? nanai kaichi ai thui pi,” napi.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

AMTAW 14:15

“Arengchi awi, nangchi ly hina nai ly ati mana nai sa nai mo? Kaini py nangmychi ka-tawm khumi teang teu be; nangchi ly hini atiti rumramchi ai ly khai su iy, kani py, khaileaung py, pangli py, mymychi theung y awm nai bawibawichi ai sa nai keung Tameuh kangheng teng y ly amhi u ai nai kaini ly Satang Kahawi kang tym hai nai teu.

Leu Thui Nai 32:4

“Areng ly nangchi ai ama hai nai keung ne; mymy i sa nai ngiereichi ly angym iy hawi parai. Nangchi i Tameuh ly ka-ym awm nai hawi leu meitang py ne; mymy ly apu parai nai hawi, hawi parai nai Tameuh py ne.

Leu Thui Nai 5:26

Tameuh kang heng i raawi mai kangveaung theung mang dengdairei thai nai bo y, achi kamta heng nai khumi awm vai a?

I THESALONIKA 1:9

Mymychi kypkyp my kaichi i nangchi theung y kun ai nai ngai nai sai ly pany hai u reng; naibaly nangchi ly Tameuh kangheng hawi meitang i kalop sa ai nai hawi, mymy i Chapo (kadeichi theung i dengdairei pathau nai i kado theu nai tym ai naira i nai ang lawi hai nai keung Isu ly) kani pri mang i dengdairei satla nai ajeng ai nai,

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.

HEBRAI 10:31

Tameuh kangheng i kiu y tla ai nai ly atiti ka-jei awm parai nai ne.

JOSUA 3:10

Nangchi amsa u nai khala, Tameuh ly Kanan cheng, Hiti cheng, Hivit cheng, Perizi cheng, Kirakashi cheng, Amori cheng hawi Jebusi chengchi ai patheu takengkei ai.

I JOHAN 5:20

Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

AMTENG HAI NAI 20:11

Hunaibaly areng atehra kangleung kalen pui hawi, huni tleaung y ateh nai keung ai py kaniu; mymy i mei ka-niu dengdairei ly kani khaileaung preang pawn bo: hunini i vui y awmra py by y leang bo.

TARA CHIH NAI KEUNGCHI 5:4

Aw Areng, Sira mawi salo y nang jeu iy, Edom pri i dengdairei tavai thau nai khala, khaileaung amchyh na i, kani mang my kani nai hai. Khupanymchi dengdairei kanitui tla bo.

1 SAMUELA 17:26

Davida ly sahawi i khumichi teng y, “Hini Philistin khumi ai padei nai keung hawi, Israela chengchi kangji nga ai naira i, atleu pi nai khumi ly ati nga ai mo? Hini Tameuh by y nai Philistin chengchi ly ati mana naichi ne iy, Tameuh kangheng i tavaimichi ai ka-jo hau lawh mo?,” nanai thui.

1 SAMUELA 17:36

Kai ly khrangsi hawi tavym ai kapadei nai khumi ne i, Tameuh kangheng ai ym nai tavaimi ai ka-jo hau nai khumi, Tameuh by y nai Philistin khumi ai kapadei pajau.