JEREMIA 1:16 - Khumi Common Language Bible

¹⁶ Hina nai kamta kai ly kamngo sa tamang nai khumichi, kai ai khai su nai khumichi, tameuh takhrachi teng y mui katuichi leng patlum nai khumichi hawi, mychi i sa nai mynchi ai chiu nai khumichi ai ly kapajeng ai.

JEREMIA 1:16 Iomraidhean Croise

2 ARENG KEH 22:17

Nichi ly kai ai hivui iy, tameuh takhrachi teng y apathyp u bo. Nichi hina naichi sa nai ly kai ai kado theu hai nai deaungkho y, Jerusalem mary y rym pajau y nai kado theu nai mai kang hai ai.

2 NENG SATANG 15:2

Azariah ly samrang Asa teng y chei i, ni teng y, “Aw samrang Asa hawi vanrei Juda hawi Benjamin theaungchi awi, kai i leu tangai u! Nangchi ly Areng teng y awm nai ryrei, mymy ly nangchi hawi vanrei awm ai. Nangchi ly mymy ai hau u baly mymy ly nangchi hawi ka-vum sa ai. Na i py nangchi ly mymy ai nithun thun u lawh baly, mymy py nangchi ai ang khai su ai.

2 NENG SATANG 28:2

Israela samrangchi i hawi y sa nai lam y tako bo. Ni ly Bala tameuh i mynchi sa hai iy,

2 NENG SATANG 34:25

Nichi ly kai ai khai su iy, tameuh takhrachi teng y apathyp u bo. Hunai deaungkho y nichi ly mymychi i sa nai atitichi molam y, kai ai kado theu hai ra bo. Kai ly Jerusalem mary ai kado theu hai bo i, huni kado theu nai ly rym ai ny y.

2 NENG SATANG 7:19

Na i py nang hawi nang i khumichi ly kai i Reitachi hawi leu pei naichi taphra iy, tameuh takhrachi ai chiu u lawh baly,

ISAIA 2:8

Nichi i pri ly mynchi hawi kawi na i, khumichi ly mychi kiu hawi sa naichi ai chiu u bo.

ISAIA 37:19

Nichi i tameuhchi ai ly mai veang pawn nai ly kaichi pany. Huni tameuhchi ly tameuh tatang ny y. Khumi i kiu y sa nai dengkeaung myn hawi lengseaung mynchi teu.

ISAIA 44:15

Khumi ly dengkeaung keung phyreichi ai theng palawn iy, phyrei ai ly myn sa ai nai teaung bo. Dengkeaung phyreichi ai mai a-awm ai nai hawi, tako paawp ai nai mai paeng iy, takhra phyreichi ai ly tameuh myn sa iy chiu nai ne.

ISAIA 65:3

Na i py nichi ly kangji by y. Kai ai kado theu pa-rei sa u. Nichi ly khaileaung kathau tameuhchi ai akhobaichira y apathyp u. Myn chiu nai maichamchi salo y mui katuichi leng patlum u.

JEREMIA 10:15

Hunichi ly atyhtyh teu iy, paso ai naira naini lawm bo. Areng ly pajeng ai nai ang jeu nai khala, hunichi taphra pawn ai.

JEREMIA 10:3

Huni khumichi i reita ly ati sai py ny y leang. Daichi theung y dengkeaung paliu iy, myn-o kawp nai keung ly seuchi hawi myn-o iy,

JEREMIA 11:12

Huna nai khala Juda khumichi hawi Jerusalem mary i khumichi ly mymychi i apathyp nai tameuhchi teng y aeu naimy kasabawmra hnei u ai. Na i py huni tameuhchi ly ka-jeira tym nai thym khala y, sabawm pi thai ai ny y.

JEREMIA 11:17

“Ati cheaungkhang sa thai nai keung kai, Areng ly Israela pri hawi Juda pri ai palum pachai pi ai. Na i py vai kai ly huni pri y ka-jeira tym hai ai. Nichi ly sa tamang u nai deaungkho y, Bala tameuh teng y apathyp u nai molam y, nichi ly kai ai kado patheu u lawh nai ne.”

JEREMIA 15:6

Nangchi ly kai ai khai u su bo. Nangchi ly kai ai nithun thun u bo. Kai ly kado theu nai am-yh keaung nai deaungkho y, kiu pheu iy nangchi ai kang taphra bo,” napi.

JEREMIA 16:11

Naibaly nichi teng y Areng my, ‘Nangchi i amsi pajochi ly kai ai khai su iy tameuh takhrachi ai chiu u bo. Nichi ly kai ai khai su i, kai i leu py tangai u y bo.

JEREMIA 17:13

Aw Areng, nang ly Israela chengchi i athang khai naira ne. Nang ai khai su nai ngiereichi ly kangji nga u ai. Nichi ly hengra tuino, napi nai Areng nang ai khai su nai deaungkho y, spryhra y tajiu nai amynchi kamta, tama u pawn ai.

JEREMIA 18:15

Na i py kai i khumichi ly kai ai tami u bo. Nichi ly ati sai py ny y nai mynchi vui y mui katuichi leng patlum u lawh. Nichi ly mychi tako ai avo nai lam y athei iy, atlym u bo. Lam kangngym tako u y. Nichi ly ka-ma-ra khai y nai amny amcha y nai lam mang tako u nai ne.

JEREMIA 19:4

Ati mana nai mo nabaly khumichi ly kai ai khai su iy, Mymychi naimy mychi i amsi pajochi hawi, Juda samrangchi pany vai y nai tameuh takhrachi teng y apathyp nai molam y, hini meingtym y chai nem hai y nai deaungkho y ne. Nichi ly hini meingtym y kamngo by y nai khumichi i thi kawi hai iy,

JEREMIA 2:13

Kai i khumichi ly heng nai tuino, napi nai kai ai khai su iy tui atang y nai akosyn nai tui kadengra tuikanchi sa u iy, kamngo amjy nyhrei sa tamang u bo.

JEREMIA 2:17

Aw Israela, hini kalop ly nang i sa nai kalop ne na a! Kai ly nang ai lam patei iy kang pahawi nai thym khala y, kai, Areng ai khai u su bo.

JEREMIA 2:19

Nang i hawi y sa naimy ly nang ai ang pajeng ai. Nang i sa tamang naimy ly nang i kamngolai tara chih ai. Nangmy i Areng Tameuh ai khai su nai, kai ai jei kaji y naimy awm nai, hunichi ly ati mana tanrei hawi y na mo, nanai nang pany ai. Hini ly ati cheaungkhang sa thai nai keung, kai, Areng my thui nai leu ne,” napi.

JEREMIA 2:28

“Nangmychi i vui nangchi sa nai tameuhchi ly ma mang y mo? Nangchi patang naira tym nai khala y, huni tameuhchi my atleu pajau lawh baly atleu pi na sy. Aw Juda pri, nang i marychi nawi nai kamta, nang i sa nai tameuhchi khri pa-rei nawi parai na ly!

JEREMIA 4:12

Areng i leu pei nai kamta aho nai ali ly huni tleaung y khri pa-rei ho ai. Mymy i khumichi tlang tleaung y vai, pajeng nai keung ly Areng mymy kypkyp ne.

JEREMIA 4:28

Khaileaung ly vo tangam ai; kani khusang ly veng pam na bo. Areng my leu pei chum baly mymy paleung ly takhra lawh ai ny y. Paleung y dawn pasym chum baly mymy ly palai teang ai ny y.

JEREMIA 44:17

Kaichi ly kaimychi vaichi khala kasa u reng naichi ai naini kasa u ai. Juda marychi hawi Jerusalem lamchira y, kaichi hawi kaimychi i amsi pajochi, kaichi i samrang hawi lu sa naichi my sa reng nai kamta, kani khusang samrangnu, napi nai kani anglo teng apathyp iy, ni i vui kreip hang katalamrachi leih pi ai. Huna nai thym khala kaichi ly kajeu kawi pa-rei cha ai nai nga; nang chawn naimy patang palai nai py by y nai ne.

JEREMIA 5:29

“Na i py hini atitichi molam y nichi ai kai, Areng my pajeng ai. Hini khumichi ai kaimy vawitheung katha ai.

JEREMIA 5:9

Hina naichi molam y kai ly nichi i tlang tleaung y, pajeng y naimy awm ai nai avo na a? Hina nai mipuichi ai vawitheung tha y naimy awm ai nai avo na a?

JEREMIA 51:17

Hina nai sa nai deaungkho y khumi bawibawichi ly cheng naira, pany thai naira by y nai khumichi lawm u bo. Myn sa nai khumi ngiereichi ly mymychi i sa nai mynchi ly tameuh tatang ny y nai deaungkho y paleung phra u bo. Huni mynchi ly hengra py by y.

JEREMIA 7:17

Juda marychi, Jerusalem mary lamchira y nichi i sa nai saichi, nang ly niu y nai sai a?

JEREMIA 7:18

Cho deaungdichi ly theng acheaung i, neampacho ka-cheangchi my mai paeng iy, neampachy ka-cheangchi ly kani khusang samrang nu, napi nai kani anglo teng y talam ai nai, tako dei katlen iy paawp pi bo. Nichi ly kai ai paleung aleng hai ai nai tameuh takhrachi i vui kreip hang katalamrachi py leih iy talam u nai ne.

JEREMIA 7:9

Nangchi ly paviu nai, khumi ai padei nai, ami i aju ai taphra nai, ka-chawi naimy vaineng abeu nai, Bala tameuh teng y apathyp nai hawi nangmychi pany vai y nai tameuhchi ai chiu u bo.

Ezekiela 16:18

Nang ly kai i pei nai kaseaung pau myn thun nai ateaungchi hawi mynchi ai khiu bo. Huni mynchi ai kaimy pei nai olive asitui, mui katuichi hawi apathyp iy talam lawh nai ne.

Ezekiela 24:14

Hini ly Areng i leu pei nai ne. Kaimy pajeng ai nai neng ly tym bo. Kai ly nang i kamngochi khen teu ai ny y, kang pahen ai ny y, kang tamen ai ny y. Nangmy i sa nai molam y kamngo pajeng naira avum ai,” napi. Hini ly sa thai naira angym nai Areng i leu pei nai ne.

HOSEA 11:2

Na i py kai ly ni ai kapalau baly, kai teng i nai angpreng ra bo. Kai i khumichi ly Bala tameuh teng y apathyp iy, mynchi teng y rimui patawi u.

HOSEA 8:6

Israela cheng kupe lasa kakawp hawi sa nai myn ly tameuh ny y! Samari khumichi chiu nai muku si katai myn ly dei lawm piu vui ai!

JOELA 2:11

Areng ly mymy i tavaimichi ai, kani pajyh nai katyn ka-tawm hawi leu pei nai ne. Mymy i leu pei nai tangai u nai tavaimi risachi ly vuikanai nawi, sa thai naira py awm. Areng i neng kani ly khri pa-rei jei ai hawi na ly! Huni neng kani ai ami katlen vui pajau ai mo?

AMTAW 7:41

Naibaly hunai thym khala y ly si cho myn sa nai, huni myn y ly apathyp iy mymychi i kiu i sa naira y amo theu bo.

Leu Thui Nai 28:20

“Nangchi ly hawi y naichi sa iy Areng ai khai u su baly, nangchi i sa naira tleirei y sum naira, paleung bi naira hawi ngari kamtangchi tym hai ai. Hunai deaungkho y nangchi ly myh u kasa ai.

Leu Thui Nai 31:16

Areng my theung mang dengdairei Mosi teng y, “Nang ly kra y nai sala y dei ai, nang dei nai bo y Israela chengchi ly vaineng takan iy, nichi hawi kai asa nai Leu Maikawm taphra u ai. Nichi my kai ai khai su iy nichi awm ai nai pri i tameuh takhrachi ai chiu u ai.

JOSUA 24:20

Nangchi ly Areng ai khai su iy, tameuh takhrachi ai chiu u lawh baly, nangchi ai pahen nai Tameuh ly nangchi ai paleung ka-e khai iy, myh kang nai pa-rei pajeng ai,” napi.

AMTENG HAI NAI 9:20

Naibaly huni patang hai naira y padei nai kamthomchi ly vawinamchi hawi, muku mynchi hawi, tangka mynchi hawi kheupaja mynchi hawi, lengseaung mynchi hawi, dengkeaung mynchi hawi, niu py niu thai y nai, thai py thai y nai, tako py tako thai y naichi ai chiu u y ai nai, mychi i kiu y atiti sa naichi uikhei nai by y leang: