JEREMIA 1:15 - Khumi Common Language Bible

¹⁵ Kai ly tosyh mang i khumi cheng cheaungkhangchi ai kapalau bo,” nanai Areng my leu pei nai ne. Nichi i samrangchi ly jeu iy, mychi i samrang atehra ai Jerusalem mary ka-ki hawi, mary apai katheu pa-khochi sahawi y py, Juda marychi tengpang sahawi y py, khai u ai.

JEREMIA 1:15 Iomraidhean Croise

ISAIA 22:7

Paitiu khuta hawi nai Juda leaunghawichi ly keaungngo ka-richi kawi mang na iy, keaungngo atang nai risachi ly Jerusalem mary apai katheu pa-khochira y angdo u nai ne.

JEREMIA 10:22

Tangai u! Satang harei angym bo! Tosyh mang i cheng harei ly khri pa-rei khrukhra naira theu bo. Nichi ly Juda marychi ai khivachi aeungra, khumi angso savai tlang naira lawm hai ai,” napi.

JEREMIA 10:25

Nang ai kado theu hai iy, nang ai chiu y nai chengchi tlang tleaung y nang i kado theu naira leih pi kyh ba. Nichi ly nang i khumichi ai tleh u bo. kaichi ai py tamyh pawn iy, kaichi i pri ai py phra seaungkhrang hai bo.

JEREMIA 13:20

Jerusalem mary awi, khen cham! Nang i paleung ka-echi ly tosyh mang dengdairei ang jeu dudu bo! Kry ai nai nang teng y kang-au nai khumichi my tahm khai nai khumichi ly ma mang y awm u pawn mo?

JEREMIA 25:28

Nichi ly nangmy kiu i khau la iy nei ai nai akhi u lawh baly, ati cheaungkhang sa thai nai keung Areng my nei hai nai ne, nanai thui pi.

JEREMIA 25:9

‘Kai ly tosyh mang i khumi chengchi hawi, kai i miseaung Babulon samrang Nebukhadnezar ai palau iy, Juda pri khumi bawibawichi hawi, pri deaungpa i khumi cheng bawibawichi ai tiu hai ai. Kai ly hunichi ai taphra iy phra seaungkhrang hai jojo nai deaungkho y, niu naichi ly jei naimy kaso tahyn theu u ai. Hini ly kai, Areng i thui nai leu ne.

JEREMIA 33:10

Areng my, “Hini meingtym ly khutaha daichi ka-vym kamta khumi angso, tawnbawichi by y naira ne, nanai khumichi thui u lengleang nai ne. Juda marychi hawi Jerusalem mary lamchira y khumi angso, tawnbawichi savai tlang veng bo, nanai ly teng khyp nai ne. Na i py huni meingtymchira y,

JEREMIA 34:1

Babulon samrang Nebukhadnezar hawi tavaimichi anui y awm nai pri ngiereichi hawi, khumi cheng cheaungkhangchi i tavaimichi kasabawmra hawi, Jerusalem mary hawi tengpang sahawi i marychi ai tiu nai thym khala, Areng ly kai teng y leu ang pei nai ne.

JEREMIA 34:22

Huni tavaimichi ai kaimy leu pei nai deaungkho y, nichi ly vawi ali iy, hini mary ai tiu chum baly mai leng pawn ai. Kai ly Juda marychi ai khumi angso by y nai, khutaha daichi ka-vym lawm hai ai. Hini ly kai, Areng i thui nai leu ne,” napi.

JEREMIA 39:3

(Jerusalem mary ai peang vui nai khala Nerkala sareza, Shamka Nebo, Sarsekhim hawi takhra Nerkala Sarezachi raurei, Babulon samrang i bangtangchi ly umtang i katheu pa-kho mang y chei iy ateh u bo.)

JEREMIA 4:16

Nichi ly pri kamlo mang i dengdairei paleung ka-echi ang jeu u bo, nanai khumi cheng cheaungkhangchi teng y pany hai iy, Jerusalem mary y thai hai u bo. Paleung ka-echi ly Juda marychi ai ryh nai katyn sa u ai.

JEREMIA 4:6

Zion mary mang y chei tapai u! Chymme naira mang y angpreng u! Patyh u moh! Areng my khri pa-rei phra naira hawi ka-jeira ai tosyh mang dengdairei ang tym hai ai.

JEREMIA 43:10

Hunaibaly nichi teng y, Israela chengchi i Tameuh, ati cheaungkhang sa thai nai keung kai, Areng ly kaimy i miseaung Babulon samrang Nebukhadnezar ai hini meingtym y kahawi ai. Kaimy up hai nai hini lengseaungchi salo y, ni i areng atehra sa iy ni i kanih yhm kaimy kadai ai.

JEREMIA 44:6

Hunai deaungkho y kai ly Juda marychi hawi Jerusalem lamchi salo y, kai i kado theu naira kaleih iy, huni marychi ai mai kang hai ai. Huni marychi ly phra seaungkhrang naimy awm iy, vaini niu nai kamta khumichi i mei ka-niu y ka-jeira lawm bo.

JEREMIA 46:24

Aikupta khumichi ly kangji nga u bo. Nichi ai tosyh mang i khumichi my pajau vui bo; Hini ly kai Areng i thui nai leu ne,” napi.

JEREMIA 5:15

Areng my Israela mipuichi teng y, “Kai ly nangchi ai tiu hai ai nai pri kamlora i khumi kamkawm harei kang hawi ai. Nichi ly atho len iy jangni jangkhawn i khumi cheng, nangchi pany thai y nai leu katheu nai khumi cheng ne.

JEREMIA 6:22

Areng my, “Tosyh mang y awm nai pri hareira i khumichi ly tavai thau u ai. Kamlora i atho len nai khumi cheng ly tavai tiu ai nai angveirym bo.

JEREMIA 9:11

Areng my, “Kai ly Jerusalem mary ai kasuichi aeungra, yhm hlau kaphrachi pakheng achu nai meingtym lawm hai ai. Juda marychi py khumi angso savai tlang nai tui by y nai daichi ka-vym lawm ai,” napi.

TANGAM NAI LEU 5:11

Kaichi i ajuchi ly Zion mawi y my, pajang nai avum u bo. Juda avang tleirei y awm nai kaichi i chaniu anglochi ai kamjau kamteang khai iy, hawi y naichi sa u.

Ezekiela 32:30

“Tosyh mang i samrang i chapochi hawi Sidon mary i khumichi py huni meingtym y awm; vaichi khala mymychi i sa thai naira hawi khumi takhrachi ai jei hyn na pa-rei sa u teu i py, vai ly tavai keung y dei nai khumichi hawi vanrei tahm by y naimy dei iy, lengkhym takip y nai khumichi hawi vanrei tavau pri y ang vum i, tahm by y bo.

JOELA 2:20

Kai ly tosyh ngan mang jeu nai akhutama kanghuchi tama hai vui ai. Akhu-tama phyreichi ai khutaha meingtym mang y paryh vui ai. Nichi i mo kamtheungchi ai, pangli kadei theung mang y, nithun mang amtleng naichi ai ly mrethe pangli theung mang y tla hai ai. Nichi i nganchi ly veaung iy mui ai. Nangchi tlang tleaung y nichi my sa nai molam y, kai ly nichi ai tamyh ai.

ZEKHARIAH 6:6

Keaungngo kamnumchi my ryh nai keaungngo ka-ri ly tosyh Babulon pri mang y, keaungngo kangleungchi my ryh nai keaungngo ka-ri ly nidym mang y, keaungngo kariurachi my ryh nai keaungngo ka-ri ly tokalawi mang y chei u nai ne.