JEREMIA 1:10 - Khumi Common Language Bible

¹⁰ Khumi cheng cheaungkhangchi hawi pri cheaungkhangchi ai theih vui, panawi vui, taphra vui, nui phro vui, palum teang, ui teang thai nai sa thai naira, vaini nang ai kang pei bo,” napi.

JEREMIA 1:10 Iomraidhean Croise

1 ARENG KEH 17:1

Kilead pri Tishbe mary y awm nai amo Elija ly samrang Ahad teng y, “Kani nai ai, nanai kaimy kang thui pi ali y ryrei ly mo mang saneng nyh, saneng thomrei sala y kani khang ai. Kadam py tla ai ny y, nanai kai i chiu nai Tameuh kangheng Areng i amyn y kang thui pi,” napi.

1 ARENG KEH 19:17

Hazael my padei ai naira i tleaung nai khumi ai ly Jehu my padei ai; Jehu kiu i tleaung nai khumi ai ly Elisa my padei ai.

Parip nai leu 3:3

padei ai nai neng hawi no hawi sa ai nai neng py, taphra ai nai neng hawi sa palum ai nai neng py awm.

JEREMIA 1:5

“Kai ly nang ai hengra kang pei y rai khala my vawi takhra veng bo. Nang ai tapen y rai khala my khai takhra iy khumi cheng cheaungkhangchi i amo lawm ai nai kang khai bo,” nanai kai teng y leu pei.

JEREMIA 24:6

Nichi ai kry iy hini pri y kapahawi ali teang ai. Kai ly nichi ai taphra y naimy kapalum ai; akyn vui y naimy kaui ai.

JEREMIA 25:13

Kai ly hini khumi chengchi ai vaichi khala kapajei nai kamta, khumi cheng cheaungkhangchi ai Jeremia my thui pi nai pajeng nairachi hawi py, hini cha-iu theung y abawi nai pajeng nairachi hawi py, kaparip ai.

JEREMIA 31:28

Kai ly nichi ai akyn, panawi, taphra, paleang patlau, phra hai nai kamta, vai ly kapalum kapachai ali teang ai.

JEREMIA 31:40

Khumi kadei veuchi up nai hawi, anyn angso aphi nai leaunghawi verei py, nisi ngan keaungngo katheu pa-kho khrairei, Kidron micheaung ka-neang i angdym angdeang bawibawi py, kai i vui meingtym kachai lawm ai. Hini mary pui ai ly mana khala py, panawi iy taphra bi ai ny y,” napi.

JEREMIA 36:2

“Nang ly cha aeang harei la iy Israela pri, Juda pri hawi pri tleireichi molam y kai i leu pei naichi tajiu typ ba. Samrang Josia deung y kai i leu pei nai tangai u nai neng dengdai vaini khrairei, nang teng y leu kang pei nai bawibawi tajiu typ ba.

JEREMIA 44:27

Nangchi nang chawn ai nai tleaung y ly phra u ai nai kang sa ai. Aikupta pri y awm nai Juda khumichi ly leaungrei py tleaung y na pa-rei, tavai takai hawi, no kanghawi y dei u ai.

JEREMIA 45:4

“Na i py kai Areng ly kaimy i palum naichi ai taphra iy, ui naichi py akyn teang nai ne. Khaileaung pri verei y hina nai kamta kasa ai.

Ezekiela 21:19

Mymy ly “Nang khumicho awi, Babulon samrang ly tiu ai nai haisau pa iy ang jeu pajau nai lam nyhrei ma kheng ba. Huni lam nyhrei ly pri harei mang dengdai amteaung ai. Huni mary mang y chei nai lam kamprei sangumra y ka-ma-ra teangchi leng ba.

Ezekiela 23:36

Areng ly kai teng y, “Nang khumicho awi, nang ly Ahola hawi Aholiba nini ai tara chih ai nai angveirym bo a? Nini ly amso ngai nai atitichi sa hawi nai molam y tara pasau jau.

Ezekiela 32:18

Mymy ly “Nang khumicho awi, Aikupta pri khumi neangneangchi i vui y vo tangam hai ba. Nichi ai sa thai naira awm nai cheng takhra khumichi i chaniu anglochi hawi vanrei tavau pri y pato ba.

Ezekiela 36:36

Huna nai khala Areng ly phra pawn nai marychi sa palum teang iy, khai su nai li hlauchi pachai ali teang bo, nanai deira i tleaung nai tengpang sahawi i khumichi pany u ai. Kai, Areng ly hina naichi sa khyp ai, nanai adeu bo,” napi.

Ezekiela 43:3

Hini paleung mei y niu nai ly Tameuh my Jerusalem mary taphra ai nai ang jeu nai neng khala, kai i paleung mei y niu nai hawi Kheba tavo sahawi y kai i paleung mei y niu naichi ly atawm nai ne. Huna nai y kai ly atlym i, khaileaung y ambeu bo.

HOSEA 6:5

Naibaly kai ly amochi ai pato iy, nangchi ai tara chih ai nai satang hawi, taphra ai nai satang thui hai nai ne. Nangchi teng i kai aly ngai nai ly rai y.

AMOS 3:7

Sa thai naira angym nai Areng ly mymy i dawn nai ai, mymy i miseaung amochi teng y thui pi y naimy, ati sai py so y leang.

AMOS 9:11

Areng my, “Anawi nai yhm hlau kamta lawm nai Davida i pri ai, kaimy palum teang nai neng kani tym ai. Ako nai lengseaung apaichi ai kaimy palum teang ai. Jangni i awm nai kamta, kaimy palum teang ai.

ZEKHARIAH 1:6

Kai ly kaimy i amochi dengdairei, nangchi i amsi pajochi teng y leu pei naichi hawi pany hai nai leuchi kapei pi nai ne. Na i py nichi ly kai i leu ai dawndan u y nai deaungkho y, avo nai kamta pajeng naira avum u. Huna nai khala nichi ly uikheih u. Ati cheaungkhang sa thai nai kai, Areng ly kaimy i dawn yb nai kamta, nichi ai kamngo vang kamlau parip nai ne, nanai py pany u ai,” nanai nichi teng y thui pi ai nai leu pei nai ne.