JAKOB 5:7 - Khumi Common Language Bible

⁷ Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.

JAKOB 5:7 Iomraidhean Croise

JEREMIA 5:24

Neng tleirei khuma kani hawi, kangkhym kani nai hai iy saneng tleirei, amti amjang pakym achu ai nai neng sa pi nai keung kai ai nangchi ly tahm khai u vai y.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

JOELA 2:23

“Aw Zion mary i khumichi awi, amo theu u; nangchi tlang tleaung y nangchi i Areng Tameuh my ang sa pi nai sai molam y amo theu u. Mymy ly nangchi ai kaseih kani angym pa-rei nai hai bo. Kaseih khei nai kani ai py, vaichi khala i kamta nai hai iy, kanipui kamteaung kani ai py, nangchi teng y nai hai bo.

ZEKHARIAH 10:1

Nisa theu nai khala y kani nai hai ai nai, Areng teng y hnei u. Khupanymchi pato ly kani nai hai iy khumi neangneangchi i vui, li hlauchira y amti amjang thawn hai nai keung ly Areng ne.

MATTHAI 16:27

Naibaly Khumi i Chapo ly mymy i kani pri i amtaw thau naichi hawi Ampo i nang parai naira apu naimy ang jeu ai, hunai khala y ly khumi leaung leaungrei ai ni i atiti sa nai kamta heung teang ai.

MATTHAI 16:28

Meitang khyp kang thui pi, hi i angdo nai phyreichi ly Khumi i Chapo ly mymy i pri peang ai nai jeu nai niu u y ryrei ly dei naira den py pateng ai ny y,” napi.

MATTHAI 24:27

Amlosadi ly nisi mang y theu iy, ni dym mang y tym pa-rei amteng nai kamta ly, Khumi i Chapo i jeu nai ly ne teang ai.

MATTHAI 24:44

Hunai deaungkho y nangchi py aeng ryhryh naimy awm u, nangchi i dawn y nai neng khala y ly Khumi i Chapo ly ang jeu ai.

LUKA 18:8

Kang thui pi, mymy ly nichi ai vawitheung tha pi praw ai. Na i py Khumi i Chapo jeu ai nai neng khala ly khaileaung pri y ym naira niu ai a?” napi.

LUKA 21:27

Huna nai khala y ly Khumi i Chapo ly atiti sa thai naira hawi, khri pa-rei nang parai naira hawi khupanym theung y jeu nai niu u ai.

LUKA 8:15

Naibaly khaileaung kahawira y tla nai ly hinichi he: paleung kateng kahawi naimy leu thai iy patawm jojo i hawihai palai athai.

JOHAN 21:22

Isu my ni teng y, “Kai kang jeu bi nai khala khrairei mymy awm jo ai nai kai ngai baly nang ly mana sa nai? Nang ly abang phai abang,” napi.

JOHAN 21:23

Hunaibaly huni abangnai ly dei y ai nai leu ly amjo amnauchi theung y amthang hai; na i py Isu ly, “Dei y ai,” nanai ni teng y thui y: “Kai kang jeu bi nai khala khrairei mymy awm jo ai nai kai ngai baly, nang ly mana sa nai?” napi nai khyh.

ROM AVANGCHI TENG Y PAWLA I CHA PA NAI 15:4

Achi ly Tameuh i cha-iu deaungkho y kham pajau naira hawi awmnem naira nga iy, athang khai naira nga thai ai nai, jangni i tajiu nai ngierei ly achi ai ang patiu ai nai tajiu nai ne.

ROM AVANGCHI TENG Y PAWLA I CHA PA NAI 2:7

atiti kahawi sa naira y kham pajau iy, nang parai naira hawi tahm asang naira hawi, veaung thai y naira hau nai keungchi teng y ly deungtasarei hengra pei ai;

I KORINTH 1:7

hunaibaly achi i Areng Isu Krista i amteng nai ai ajeng nai, atiti sa thai naira pei ryry naira y nangchi ly ngo y nai ny y leang;

KALATIA 5:5

Achi ly Phailo i saho y ym naira deaungkho y hawi naira i athang khai naira ajeng nai ne.

KALATIA 6:9

Hunaibaly atiti kahawi sa ai nai palei u reng moh sina; achi ly apatlaw jo y baly neng khyp nai khala y ly pakym ai.

Leu Thui Nai 11:14

Huna khala naini mymy ly nangchi i vui choh, kreip hang, olive asitui, nangchi i tawnbawichi i vui achachi prau ai nai kaseih kani, kanipui kani ly

KOLOSA 1:11

Naibaly nangchi ly amo theu parai naimy kham pajau naira hawi, amnym naira cheaungkhang nga u ai nai, mymy i nang parai naira ham nai sai kamta sa thai naira y ham naimy,

I THESALONIKA 1:3

tamen nai deaungkho y nangchi i sa akawm nai sai hawi, achi i Areng Isu Krista ai athang khai nai deaungkho y nangchi i kham pajau nai sai py tami y naimy pany jo i, kaichi i chiu sa naira y ly nangchi i amyn tabawi iy, nangmychi bawibawi deaungkho y kaichi ly Tameuh teng y kawn nai leu thui jojo nai ne.

I THESALONIKA 2:19

Achi i Areng Isu ang jeu nai khala y ly mymy i mo y kaichi i athang khai naira mo, amo theu naira mo, areng lukhym amlyh naira mo ati awm mo?

I THESALONIKA 3:13

nangmychi mang y kaichi i tamen nai kamta ly, Areng ly nangmychi mang y atamen leungtang naira hawi, khumi bawibawi mang y tamen naira ly peung hai sy, panawi py panawi sy.

HEBRAI 6:15

Hunaibaly mymy ly pajau tanga pa-rei kham nai bo y leu adeu nai ly nga khyp bo.

JAKOB 4:11

Amjo amnauchi awi, apreaung u reng moh. Ami py amy i amjo amnau ai preaung iy, amy i amjo amnau ai cheh baly, Reita ai preaung iy, Reita ai py cheh:naibaly nang ly Reita ai cheh baly, nang ly Reita patawm nai keung ny y, tara chih nai keung tla lawh veng.

JAKOB 5:10

Amjo amnauchi awi, Areng i amyn y leu thui nai amochi i patang nai sai hawi, kham pajau nai sai ly dawn pata u.

JAKOB 5:3

Nangchi i muku hawi tangka py ei cha be bo; huni ei cha nai ly nangmychi i sum nai sai pany hai nai ne, naibaly nangchi i tlang ai ly mai my kang nai ka-tawm ang cha ai. Nangchi ly kani kangkhym y ly yhmtheaung pateung achu lawh ly.

II PETERA 3:4

panui hai nai tarawi y ang tym iy, “Ni ly ang jeu bi ai nai leu adeu nai ly ma mang y mo? Amsi sangumchi i, i ngym veng nai kani i dengdairei khaileaung palum kha i nai kamta ly atiti bawibawichi ly awm veangveang chy bo,” nanai thui ai. Hini satang nichi ly tami akhikan :