JAKOB 5:3 - Khumi Common Language Bible

³ Nangchi i muku hawi tangka py ei cha be bo; huni ei cha nai ly nangmychi i sum nai sai pany hai nai ne, naibaly nangchi i tlang ai ly mai my kang nai ka-tawm ang cha ai. Nangchi ly kani kangkhym y ly yhmtheaung pateung achu lawh ly.

JAKOB 5:3 Iomraidhean Croise

ATITI AWM ANGCHEI NAI 31:48

Labana my Jakob teng y, “Hini lengseaung pakheng achu nai ly ani leaung nyhrei pany jo ai nai ka-ma-ra ne,” napi. Huna nai y hini meingtym ai Kaleed, nanai amyn pathi nai ne.

ATITI AWM ANGCHEI NAI 31:52

Kai ly hini lengseaung leng nai hawi lengseaung pakheng achu nai katlen vui iy nang ai tiu ai ny y, nanai py, nang py hini lengseaung leng nai hawi lengseaung pakheng achu nai katlen vui iy kai ai tiu ai ny y, nanai py, hini lengseaung leng nai hawi lengseaung pakheng achu nai ly pany jo ai nai ka-ma-ra ne sy.

ATITI AWM ANGCHEI NAI 49:1

Jakob ly chapochi ai palau iy, “Kai i sahawi y jeu u achu, kai my vai momang y nangchi teng tym ai nai sai kang thui pi ai:

JOBA 16:8

Nang ly kai ai patiu vui bo; nang ly kai i paleung ka-e lawm bo. Kai teng y hiu hawi peih naini awm khyh bo. Hini molam y thui ai nabaly, khumichi my kai i tlang tleaung y kamngo awm, nanai thui u nai ne.

ISAIA 2:2

Isaia my vai mo mang i neng khala y vai, Achura yhm awm nai mawi ly mawi bawibawichi ai cho iy, asang keh nai lawm ai. Khumi cheng bawibawichi py, huni mawi y jeu u ai.

JEREMIA 19:9

Paleung ka-echi ly mary katanmeuh iy nichi ai tleh ai nai atho sa u ai. Nichi ly mychi tengtawi acha u ai. Mychi i cho chanauchi ai malawn py cha u ai,” nanai leu thui pi ai nai kai ai leu pei nai ne.

MIKHA 3:3

Nangchi ly kai i khumichi i ngan cha u. Nichi i pei leih iy hiuchi tawp piupa i, mawi biu kamta akei hawi abai u bo.

MIKHA 4:1

Mo mang i neng y Achura yhm awm nai mawi ly asang keh nai mawi lawm ai. Mawi bawibawichi tleaung y py asang ai. Khumi cheng neangneangchi ly huni mawi mang y jeu achu iy,

AMTAW 2:17

‘Naibaly Tameuh my, Kangkhym i neng y ly hina nai awm ai. Ngan bawibawi tleaung y kai i Phailo kang lei ai: Nangchi i chapo chaniuchi my py kai i leu thui ai: Nangchi i thawndeangchi my py atiti amteng nai niu ai: Nangchi i miteaung neampachochi my py amang mang y amang ai:

ROM AVANGCHI TENG Y PAWLA I CHA PA NAI 2:5

Na i py nang i atangai y nai hawi uikhei y nai paleung awm nai deaungkho y kado theu naira hawi, Tameuh i tara chih naira hawi parai nai amteng ai nai kani i vui ly, nang i tlang tleaung y kado theu naira pateung achu amang nai ne.

II TIMOTHEI 2:17

mymychi i leu ly angvawi hawi y parai nai kamta angdai ryh angdai ryh ai; mymychi theung y Humenai nini Phileta abawi hawi nai ne;

JOSUA 24:27

Josua my khumi bawibawichi teng y, “Hini lengseaung ly achi i vui pany hai naira lawm ai. Achi teng y Areng my leu pei nai ngiereichi ai, hini lengseaung ly thai ai. Hunai deaungkho y nangchi ly nangchi i Tameuh ai tiu lawh baly, hini lengseaung ly pany hai naira lawm ai,” nanai leu pei bo.

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

AMTENG HAI NAI 17:16

Naibaly nang i niu nai taki horei hawi mawi kasi my py neampachy kamleaung ai niu ngai y ai i, ni ai ly ati sai py ny y nai hawi tlang ka-keu naimy khai ai, ni i ngan py cha u ai i mymy ai mai y kang hai bebe ai.

AMTENG HAI NAI 20:15

Naibaly ami i amyn ly heng naira cha-iu y tajiu angchi nai niu y baly mymy ai ly mai ang y aphi vui teang.

AMTENG HAI NAI 21:8

Na i py jei naichi hawi, ym y naichi hawi, amso ngailai naichi hawi, khumi ai padei naichi hawi, angai naichi hawi, atam kawp naichi hawi, myn y chiu naichi hawi, ka-chawi thui nai bawibawichi py mai hawi kan kang nai ang y phy nga ai nai nichi i vui ne ai: huni ly pa-nyh dei naira ne,” napi.