JAKOB 5:19 - Khumi Common Language Bible

¹⁹ Kai i amjo amnauchi awi, nangchi theung y ami py leu meitang i dengdairei tamang iy, ami my mo ni ai pahawi ali hai sy;

JAKOB 5:19 Iomraidhean Croise

SAM 119:118

Nang ly reita leuchi tangai y nai khumi bawibawichi ai khai su bo; huni khumichi i tapawp nai ka-dawnchi ly tyhtyh teu bo.

SAM 119:21

Nang ly paleung len amlyh nai khumichi ai parip patyp nai ne; nang i reita leu pei naichi tangai y nai khumichi ly taham si u bo.

LEU KACHENG 19:27

Deang awi, nang ly cheng naira amtiu nai anawn vui lawh baly, nangmy i pany yb naichi malawn py tami pawn ai.

ISAIA 3:12

Tangka paseng nai khumichi ly kai i khumichi ai ana u bo. Paisa tangka ko nai khumichi my, nichi ai li-tapawp u bo. Kai i khumichi awi, nangchi ai lu sa naichi ly nangchi ai lam kateng patei y nai deaungkho y, nangchi ly mani lam mang y tako ai mo, nanai malawn py, pany u pajau y nai ne.

Ezekiela 34:16

“Kai ly tama nai beramchi ai hau iy, lam tamang nai beramchi ai palau teang ai. Tamo nga nai beramchi ai kanih hawi bam iy, no nai beramchi ai asi sa pi ai. Na i py veung hawi iy atho awm nai beramchi ai tleh ai. Ati mana nai mo na baly kai ly kateng sa reng nai beram typ keung ne nai deaungkho y ne.

Ezekiela 34:4

Kreaung nai beramchi ai khen y, no nga nai beramchi ai py asi so pi y; tamo nga nai beramchi ai kanih hawi bam pi y, lam tamang nai beramchi ai pakym y; tama nai beramchi ai py hau y naimy, nangchi ly huni beramchi ai pahen ai nai pany u y.

MATTHAI 18:15

“Naibaly ngamjo ngamnau my nang i tlang tleaung y atiti hawi y nai sa baly chei ly, ni hawi nangmyni leaung nyhrei ka-thai y ni i tamang nai dawn hai; ni ly ang tangai baly ngamjo ngamnau ai ly nangmy nga teang nai bo.

LUKA 22:32

na i py nang i ym naira phra y ai nai chiu kang sa pi bo; nang ly hi ali teang nai khala y ly nangmy i amjo amnauchi ai khaw hai ba,” napi.

KALATIA 6:1

Amjo amnauchi awi, ami my kamngo ati py sa nai thym khala y theaugma nai awm khyly nangchi phailo mang y, asa naichi awi, “Kai py parawi naira avum teang lawh na,” nanai hawihai atyp u nai tarawi y huna nai khumi ai ly leu kanem chy y my angdo hai u.

I TIMOTHEI 6:10

Tangka yhmtheaung ai khri pa-rei ngai nai ly kamngo neangneang i pakeung ne; phyreichi ly huni ai paleung no i ym naira ai ly khai su iy, amymy ai paleung mawn naira khri pa-rei nawi nai my ly athun krai veng lawh.

I TIMOTHEI 6:21

phyreichi ly huni ai ly nga bo, nanai thui iy ym naira ai ly tako u akawi vui bo. Pahenra ly nang teng y awm sy.

II TIMOTHEI 2:18

nini ly “Angthau bi nai ly vai py ne palai veng bo,” na hawi iy, leu meitang lam ai ly tako hawi akawi veng i, phyreichi i ym naira ai ly atlym hai bo.

HEBRAI 5:2

naibaly mymy kypkyp ai ly ham y naira my taki teang nai deaungkho y, ni ly ati sai py pany y nai hawi lam tamang naichi i tlang tleaung y neaung kham thai reng nai ne;

JAKOB 1:16

Amjo amnau ngai parai naichi awi, tamang u moh.

JAKOB 1:19

Amjo amnau ngai parai naichi awi, huna nai nangchi pany. Na i py khumi leaung leaungrei tangai akaneu sy, leu thui ai nai awn moh sy, kado theu ryp moh sy;

JAKOB 3:14

Naibaly nangchi paleung y paleung ano naira khota nai hawi aei naira awm baly, leu meitang ai am-e hai u lawh moh, paka ai nai py ka-chawi thui u moh.

JAKOB 5:20

mymy ly khumi kamngo ai lam tamang naira i dengdairei pahawi ali hai nai deaungkho y, dei ai naira i dengdairei phailo ai ly paheng ai, naibaly kamngo neangneang ai py khiu ai, nanai pany sy.

II PETERA 3:17

Hunaibaly ngai parai naichi awi, nangchi ly huni satang pany rym nai deaungkho y amkym u, hu ti y baly khumi kamngochi i teng y naira y ang pahawi iy khaw u nai thym khala y ly atlym u lawh na.

JUDA 1:11

Nichi ly taham si! Mymychi ly Kaina i lam y tako i, vang nga ai nai Balam i tamang naira y angpreng lengleang naimy, korah i aei naira y ly tama nai bo.