JAKOB 5:16 - Khumi Common Language Bible

¹⁶ Hunaibaly no hawi ang sa pi thai ai nai nangchi i kamngo ly mang mang ahui u ly, mang mang py chiu aso u. Khumi kahawi i chiu sa nai ly khrikhri pa-rei atiti sa thai.

JAKOB 5:16 Iomraidhean Croise

ATITI AWM ANGCHEI NAI 19:29

Na i py Tameuh my Lota awm nai adym i mary bawibawi ai py taphra nai khala, Tameuh my Abraham ai pany jo i, Lota ai ly tleaung hai nai ne.

ATITI AWM ANGCHEI NAI 20:17

Abraham i aju Sarah molam y samrang Abimelek i yhm y awm nai neampachy bawibawichi ly deaungdi so y ai nai Areng my sa pi vui nai ne. Hunai deaungkho y Abimelek i vui Abraham my chiu sa pi i, ni ai Tameuh my no hawi hai bo. Mymy i aju py, mymy i miseaung neampachychi ai py, chanau sa ali teang ai nai no hawi sa pi bo.

ATITI AWM ANGCHEI NAI 20:7

Na i py vai ly neampachy ai juvo teng y tha pi ali teang. Mymy ly amo leaungrei ne i, nang i vui chiu so pi na mang; hunaibaly nang ly dei y ai. Na i py nangmy pei pi ali teang y baly nang i khumichi hawi nang ly dei takengkei ai, nanai kaimy leu kang pei,” napi.

ATITI AWM ANGCHEI NAI 32:28

Huni khumi my, “Nang i amyn ly Jakob, nanai kang palau y ai. Nang ly khumi hawi py, Tameuh hawi py ani i nangmy pajau bo; hunai deaungkho y nang i amyn ly Israela ne sy,” napi.

2 SAMUELA 19:19

“Nang parai nai samrang awi, nang, Jerusalem mary i theu nai thym khala y, kai i tamang naichi pahen pi kyh ba. Huni molam y kai i tlang tleaung y paleung angai y nai khai moh ba. Huni ai ly pany pi jo moh kyh ba.

1 ARENG KEH 13:6

Samrang Jeroboam ly amo teng y, “Pahen parai naimy kai i kiuban hawi teang ai nai, nang i Areng Tameuh teng y chiu so pi ba!” nanai takeng. Amo ly Areng teng y chiu sa pi i, samrang i kiuban ly hawi ali teang bo.

2 NENG SATANG 30:20

Areng ly Hezekia i chiu sa nai pathang pi nai ne. Mymy ly nichi i kamngo pahen pi iy, nichi ai patang naira tym hai y bo.

JOBA 42:8

Si katai beaungjeaung saryhrei hawi, beram katai saryhrei Joba teng y vai, syn pi iy, nangmychi i vui apathyp u. Joba ly nangchi i vui chiu ang sa pi ai; kai ly ni i chiu sa nai tangai pi ai i, nangchi ai kamngo hawi kamlau kang chih y leang. Nangchi ly kai i satang ai Joba kamta, kateng khyp thui u y,” napi.

SAM 34:15

Areng ly khumi kahawichi ai kry iy, nichi i aeu nai raawi pathang pi bo.

THEU NAI 17:11

Mosi i kiuban pheu nai khala Israela chengchi my pajau; na i py ni i kiuban pala vui baly, Amalek chengchi my pajau nai ne.

THEU NAI 9:33

Naibaly Mosi ly samrang teng i nai theu iy mary angam mang y theu i, kiu pheu naimy Areng teng y chiu sa. Naibaly kani nai nai, kani pajyh nai, ji tla naichi py aham ryp bo.

LEU KACHENG 15:29

Areng ly khumi kahawichi i chiu sa nai tangai pi; na i py khumi hawi y naichi i chiu sa nai ai ly dawndan pi y nai ne.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

LEU KACHENG 28:9

Reita leu pei naichi ai tangai y nai khumi i chiu sa nai ly Tameuh my paso ai.

JEREMIA 15:1

Naibaly Areng my kai teng y, “Mosi hawi Samuela nini ly hini meingtym y angdo iy, kai teng y ahui kajeaung kaji lawh teu i py, hini khumichi ai kapahen ai ny y. Nichi ai kai i mei ka-niu i nai theu u pawn ai nai kaparyh veng.

JEREMIA 33:3

“Kai ai palau; kang pathang pi ai. Lyh ai awm iy rengrang nai atitichi kang patei pi ai.

JEREMIA 42:2

kai teng y, “Kaichi i takeng nai so pi kyh ba! Kaichi i Areng Tameuh teng y kaichi i vui chiu so pi kyh. Heng jo rai nai kaichi bawibawi i vui chiu so pi. Vaichi khala ly kaichi py vuikanai nawi parai. Na i py vai ly nang i niu nai kamta, kaichi ly maidenrei chy khyh bo.

Kati Nai 11:2

Naibaly Khumi mipuichi ly sabawmra nga ai nai Mosi ai palau u; Mosi my Areng teng y chiu sa pi i, mai ly rym chauchau vui bo.

MATTHAI 21:22

Naibaly nangchi i ati cheaungkhang ym naimy chiu sa nai hnei nai ngierei ly nga ai,” napi nai pathang.

MATTHAI 3:6

mymy teng y chei u iy mymychi i kamngo ahui u nai Jordan tavo y mymy teng y baptisma nga u bo.

MARKA 1:5

Naibaly Judai pri i khumi bawibawi hawi, Jerusalem i khumi bawibawi theu u i, mymy teng y chei u; naibaly mymychi i kamngo ahui nai Jordan tavo y mymy teng y baptisma nga u.

LUKA 9:6

Naibaly nichi amsa i avang tleirei y chei preiprei iy, Satang Kahawi thui pi i no naichi ai py hawi sa pi.

JOHAN 9:31

Tameuh my khumi kamngo i leu tangai pi y, nanai achi pany; na i py ami py Tameuh ai chiu iy mymy i kangai sa baly, Tameuh ly mymy ai tangai pi reng.

AMTAW 10:38

Nazaret Isu i molam leu ly, huna nai Tameuh my ni ai ly Phailo Kachai hawi, atiti sa thai naira y khai takhra nai sai ly; mymy ly atiti kahawi sa nai hawi, diabola i ana nai bawibawichi ai hawi sa pi ai nai amki. Tameuh my mymy teng y awm nai deaungkho y.

AMTAW 19:18

Naibaly ym naichi theung i neangneangchi ly jeu iy, mymychi i atiti sa naichi ly ahui i atapheaung bo.

AMTAW 8:24

Naibaly Simon ly, “Nangchi i atiti thui naichi ly kai i tlang tleaung y ati sai py tym y ai nai Areng teng y chiu so pi kyh,’. nanai pathang.

ROM AVANGCHI TENG Y PAWLA I CHA PA NAI 3:10

“Ami py khumi kahawi by y, ne, leaung py by y;

ROM AVANGCHI TENG Y PAWLA I CHA PA NAI 5:19

Khumi leaunrei i leu tangai y nai sai deaungkho y khumi neangneangchi ly kamngo lawn bo; hunai kamta khyp teang khumi leaungrei i leu tangai nai sai deaungkho y khumi neangneangchi ly khumi kahawi lawn bo.

KOLOSA 1:9

Hunai deaungkho y kaichi ly huni satang pany nai kani dengdairei nangchi ly phailo mang i cheng naira hawi, pany thai naira bawibawi i saho y mymy i kangai pany naira kawi u thai ai nai hawi,

I THESALONIKA 5:17

cheaungkhangra y kawn nai leu thui u jojo:

I THESALONIKA 5:23

Naibaly aly nai Tameuh kypkyp my nangchi ai angym pa-rei pachai sy; naibaly nangchi i phailo hawi, paleung hawi, tlang ai ly achi i Areng Isu Krista ang jeu nai khala y ly cheh ai nai by y pa-rei my bom verei chymme naimy awm sy.

I THESALONIKA 5:25

Amjo amnauchi awi, kaichi i vui chiu so pi kyh.

HEBRAI 11:4

Ym naira deaungkho y Abela ly Kaina tleaung y apathyp naira hawi keh nai Tameuh teng y talam bo, huni deaungkho y mymy ly khumi kahawi ne, nanai pany hai naira nga bo; ati mana nia mo nabaly Tameuh my ni i atiti talam nai pany pi bo; naibaly huni deaungkho y mymy ly dei nai bo y py leu thui asai rai nai ne.

HEBRAI 11:7

Ym naira deaungkho y Nova ly atiti amteng y rai naira y Tameuh my tau pei i, Tameuh ai tahm khai iy dengtheungchi ai paheng ai nai paleaung sa bo; huni deaungkho y mymy ly khaileaung pri ai pasum iy, ym naira i saho y nga nai hawi naira ai amtym nai keung lawn bo.

HEBRAI 12:13

naibaly kheu kangbai ly awi hai du y naimy hawihai thai ai nai nangchi i kheu i vui lam ka-dyh so u.

HEBRAI 13:18

Kaichi i vui chiu so pi kyh; kaichi ly cheaungkhangra y hawihai palai awm ai nai tau iy, hawi nai hawi y nai pany naira chai parai nai ly awm, nanai kaichi ly teng khyp naimy apany bo.

JOSUA 10:12

Amori tavaimichi ai Israela chengchi kiu y, Areng my au nai kani y Josua ly “Aw kanito awi, Kibeon mary salo y anawn ba; aw lo awi, Akalon mary leaunghawira y anawn ba,” nanai Israela chengchi i mo y thui bo.

I PETERA 2:24

achi ly kamngo lam mang y dei veng iy hawi naira lam mang y heng thai ai nai mymy kypkyp ly achi i kamngochi ai dengkeaung tleaung y mymy i tlang y ang pho pi bo; nangchi ai ly mymy i pakhau nai satlang y hawi ang sa pi bo.

I JOHAN 3:22

hunaibaly achi ly mymy i leu pei naichi patawm iy, mymy i mei ka-niu y atiti kawn ai awm naichi sa reng nai deaungkho y, achi i hnei nai ngierei ly mymy teng i dengdairei nga jojo.

1 SAMUELA 1:12

Hannah ly Areng teng y kra parai pa-rei chiu sa; naibaly Eli ly ni i labeaungteng ai khen patawm nai ne.

1 SAMUELA 12:17

Vai i neng ly jengha nai kanipui ne. Na i py kaimy chiu sa baly, Areng ly kani pajyh hai iy, kani nai hai ai. Huna nai khala y samrang ai nangchi hnei u lawh nai kamngo ly mana tanrei len na mo, nanai nangchi pany u ai.

1 SAMUELA 12:18

Naibaly Samuela ly chiu sa i, huni kani y my Areng ly kani pajyh hai iy, kani nai hai ryp bo. Naibaly khumi bawibawichi ly Areng hawi Samuela ai khri pa-rei jei u bo.