JAKOB 5:11 - Khumi Common Language Bible

¹¹ Khen cham achi ly kham pajau tanga nai keungchi ly tahm hawi, napi. Joba kham pajau nai sai py nangchi thai u bo, naibaly Areng i kangkhym y sa nai sai py nangchi niu u bo, Areng ly pahen naira hawi neaung hawi naira my kawi.

JAKOB 5:11 Iomraidhean Croise

1 NENG SATANG 21:13

Davida ly Kad teng y, “Kai ly khri pa-rei rai naira theung y tym lawh bo ly! Na i py khumi my pajeng nai ly kangai y. Areng my pajeng na sy. Ati mana nai mo na baly mymy ly pahen nai keung ne,” napi.

2 NENG SATANG 30:9

Nangchi ly Areng teng y jeu u ali teang baly patiu iy langheng y hawi nai nangmychi i amjo amnauchi ai nichi my pahen ai i, nangchi i pri y vawi hai ali teang ai. Nangchi i Areng Tameuh ly tamen nai hawi pahen nai keung ne. Nangchi ly mymy teng y jeu u ali teang baly, mymy ly nangchi ai kawn ai,” nanaichi abawi nai ne.

NEHEMIA 9:17

Nichi ly nang i leu tangai u y; nang i sa pi naichi tami vui; nang i patei pi nai rengrang ka-ma-rachi py pany y veng bo. Amlyh am-e naimy miseaung achei nai Aikupta pri mang y hawi ali teang ai nai lu sa nai leaungrei ai vawi takhra u nai ne. Na i py nang ly kamngochi pahen pi nai Tameuh ne; neaung hawi iy paleung sau. Pahen naira ly len parai nai deaungkho y, nang ly nichi ai khai su y nai ne.

NEHEMIA 9:31

Na i py pahen naira len parai nai hawimy, nang ly nichi ai khai su y nai ne; Phra naira hawi tama naira y tym hai y. Nang ly tamen iy pahen naira hawi angym nai keung Tameuh ne na a!

JOBA 1:1

Uz pri y Joba napi nai khumi leaungrei awm; ni ly hawi naira angym i, Tameuh ai jei kaji nai khumi, hawi y naira asyn ai nai pany nai khumi ne.

JOBA 1:2

Ni ly chapo leaung saryhrei hawi chaniu leaung thomrei awm.

JOBA 2:10

Joba my, “Nang ly neampachy ka-khum kamta katheu lawh ly! Achi ly Tameuh teng i dengdairei, tlamsa naira nga baly, patang naira py avum ai nai tlo y a?,” napi. Joba ly hini patang naira avum teu i py, Tameuh i tlang tleaung y labeaung palai hawi malawn py tamang y nai ne.

JOBA 23:10

Na i py Tameuh ly kai i kheukanchi niu nai ne. Mymy ly kai ai cham lawh baly, kai teng y kamngo by y, nanai pany ai.

SAM 103:13

Ampo ly chanauchi ai pahen nai kamta, Areng ly mymy ai jei naimy tahm khai naichi ai pahen nai ne.

SAM 103:8

Areng ly tamen nai hawi pahen nai keung ne iy, paleung sau neaung hawi nai deaungkho y, khaw parai nai tamen naira hawimy kawi angym nai ne.

SAM 116:5

Areng ly hawi i pahen; achi i Tameuh ly pahen nai keung ne.

SAM 119:132

Nang ai tamen nai khumichi ai pahen nai kamta, kai ai khen iy pahen teang kyh ba.

SAM 145:8

Areng ly tamen nai paleung ka-dawn hawi, neaung kham pajau nai paleung ka-dawn awm iy, khaw parai nai tamen naira angym nai ne.

SAM 37:37

Khumi kahawi ai khen cham; leu meitang teaung nai khumi ai khen paryp cham; tlamsa naira nga nai khumi ly katu chanau deung akai nai ne.

SAM 51:1

Aw Tameuh, nang i khaw parai nai tamen naira hawimy kai ai pahen kyh ba. Khri pa-rei pahen naira len parai nai hawimy kai i kamngochi palawi pi kyh ba!

SAM 78:38

Na i py Tameuh ly mymy i khumichi ai pahen nai ne. Nichi i kamngochi pahen pi iy, nichi ai myh kang hai y leaung. Mymy i kado theu nai ly avawrei am-yh pi iy, nichi i tlang tleaung y kado theu y naimy awm pi nai ne.

SAM 86:15

Na i py aw Areng, nang ly pahen nai hawi tamen reng nai Tameuh ne; nang ly neaung hawi jojo nai ne; avawrei pahen naimy ka-ym awm bo.

SAM 86:5

Nang teng y ly kaichi i tlang tleaung y hawi naira hawi, kamngo palawi pi thai naira awm; nang teng y chiu sa nai khumi bawibawichi tlang tleaung y tym nai, khaw parai nai tamen naira ly kawi na bo.

SAM 94:12

Aw Areng, nangmy thui parip nai khumi, reita leu hawi kamlau, nangmy parip nai khumi ly taham hawi!

THEU NAI 34:6

Naibaly Areng ly Mosi teng y chei tapai iy, “Kai, Areng ly pahen naira angym nai Tameuh, neaung hawi iy tamen naira nang parai nai Tameuh, ka-ym awm nai Tameuh ne.

Parip nai leu 7:8

Ati mo sai sairei ai patem vui nai ly amteaung nai tleaung y hawi keh; paleung amnym nai ly amlyh am-e nai tleaung y hawikeh.

ISAIA 63:7

Kai ly Areng i phra vai y nai tamen nai satang thui pi ai. Kaichi i vui sa pi nai atitichi molam y kapalo ai. Mymy ly mymy i tamen nai hawi pahen nai saho y, Israela chengchi teng y amtheaung naira kawi angym hai nai ne.

ISAIA 63:9

Nichi ai atleu nai keung ly kani pri amtaw thau ny y. Na i py Areng mymy kypkyp ne. Mymy ly tamen naira hawi pahen naira awm nai deaungkho y, nichi ai atleu nai ne. Jangni y mymy ly nichi ai kry jojo teu i py,

TANGAM NAI LEU 3:22

Areng i khei pajau y nai tamen naira hawi pahen naira ly

DANIELA 9:9

Kaichi ly nang i leu tangai y teu i py, nang ly kaichi ai pahen iy kaichi i kamngochi pahen pi bo.

JOELA 2:13

Nangchi ly nangmychi i ateaungchi sei nai ny y naimy, paleung apanem nai hawimy, nangchi i paleung si nai amteng sy.” Nangmychi i Areng Tameuh teng y vawi u teang ba. Mymy ly tamen nai hawi pahen naira kawi angym nai ne. Mymy ly neaung hawi iy, mymy i adeu nai kamta sa reng. Mymy ly kamngo palawi pi ai nai angveirym yb nai deaungkho y, pajeng ai ny y.

JONA 4:2

Hunai deaungkho y, “Aw Areng, kai ly kaimy i pri dengdairei amso y rai khala my, nang ly hina nai kamta sa ai, nanai kaimy kang thui pi yb nai ny y a? Hini molam y kai ly Spain mary mang y preang ai nai atho kasa nai ne! Nang ly tamen naira hawi pahen naira awm nai keung, neaung hawi naimy pahen jojo nai keung, kamngo pajeng ai nai avo khyp teu i py, pajeng y naimy law tleaung hai nai keung Tameuh ne, nanai kai pany.

MIKHA 7:18

Aw Areng, nang hawi pata ai nai tameuh takhra by y. Nang ly dei kamthum nang i khumichi my tiu nai kamngo pahen pi bo. Nang ly kado theu jojo y leang. Nang ly kaichi ai pahen.

Kati Nai 14:18

“Kai Areng ly neaung hawi nai ne. Tamen naira hawi ka-ym awm nai keung ne iy, kamngo nai hawi tiu naichi ai pahen pi nai ne. Na i py amhm ampochi i kamngo nai y, nichi i katu chanauchi ai deung thom deung palyh khrairei kapajeng ai, nanai adeu nai kamta kasa ai.

MATTHAI 10:22

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

LUKA 1:50

Mymy ai tahm khai naichi ai ly deung kangthau khrairei ang pahen jojo ai.

LUKA 11:10

Ami py hnei nai ngierei ly nga ai; ami py hau baly niu ai; ami py takhei baly ang paeaung pi ai.

LUKA 6:36

Ngampo ly amichi ai pahen nai kamta, nangchi py pahen u teang.

ROM AVANGCHI TENG Y PAWLA I CHA PA NAI 2:4

Ti y baly Tameuh i hawi naira my uikhei ai nai ang pahawi, nanai pany y naimy, mymy i hawi naira nawi nai sai hawi, amnym pajau nai sai hawi, kham pajau nai sai ai ly nang ly pate nai sai a?

EPHESI 1:6

Huni pahenra ly Ngai Parai Nai y jawm my ang pei;

EPHESI 2:4

na i py Tameuh ly pahen naira neangneang awm i, mymy i tamen nai len parai nai i saho y achi ai ang tamen nai deaungkho y,

HEBRAI 10:39

Na i py achi ly tama naira tym pa-rei ni thun mang y anaw nai kamkawm ny y leang; hengra lawi hai ai nai ym naira awm nai kamkawm ne lawh veng.

HEBRAI 3:14

achi my achi i ym amteaung angchei nai ly tem nai khala y khrairei khaw parai pa-rei my patawm cheng baly,

HEBRAI 3:6

na i py Krista ly Tameuh i dengtheungchi i tlang tleaung y Chapo y ka-ym awm nai ne, naibaly achi ly tem khala y khrairei vam naira hawi athang khai naira i amlyh naira khaw parai pa-rei my patawm cheng baly, achi ly mymy i dengtheungchi ne.

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

JAKOB 1:2

Kai i amjo amnauchi awi, nangchi i ym naira cham nai ly kham pajau naira sa, nanai pany iy

I PETERA 1:13

Hunai deaungkho y nangchi i paleung akry nai atyp u ly, Isu Krista amteng nai khala y ly nangchi ai nga hai ai nai pahenra mang y angym pa-rei athang khai u jojo.

I PETERA 3:14

Na i py nangchi ly hawi naira deaungkho y patang u baly, nangchi ly taham hawi; naibaly nichi i pajei naira ai ly jei u moh ly, paleung py bi u moh:

II PETERA 2:9

tumbaly Areng ly Tameuh ai dawn ryhryh naichi ai ly parawi naira i dengdairei palawi ai nai hawi, tara chih ai nai kani i vui y hawi y sa naichi ai pajeng ai khai nai py pany chy bo;