JAKOB 5:10 - Khumi Common Language Bible

¹⁰ Amjo amnauchi awi, Areng i amyn y leu thui nai amochi i patang nai sai hawi, kham pajau nai sai ly dawn pata u.

JAKOB 5:10 Iomraidhean Croise

2 NENG SATANG 36:16

Na i py nichi ly Tameuh i amtaw thauchi ai panui hai iy, leu pei nai tangai u y. Amochi ai panui hai u bo. Na i py kangkhym y Areng ly khri pa-rei kado theu nai deaungkho y, nichi tleaung pajau ai nai pei y.

ISAIA 39:8

Hini amti pi nai leu ai samrang Hezekia ly my i deung y tlamsa naira hawi chymme naira awm ai, nanai dawn lawh nai ne i, “Kai teng y nang i amti pi nai Areng i leu ly hawi nai ne,” napi.

JEREMIA 2:30

Kai ly nangchi ai kang parip i py, kamran by y. Nangchi ly thui rip nai ai ngai u y. Khri pa-rei kado theu nai khrangsi kamta, nangchi ly nangmychi i amochi ai padei u bo.

JEREMIA 23:22

Nichi ly kai i kangviu y dawn tau naichi pany u lawh i khyly, kai i leu pei naichi kai i khumichi teng y thui pi ai i, mychi i hawi y sa naichi hawi, mychi i kamngochi khai su pajau ai.

JEREMIA 26:16

Huna nai khala lu sa naichi hawi khumichi my pathyp pi nai keungchi hawi amochi teng y, “Hini khumi ly achi i Areng Tameuh i amyn y achi ai leu ang thui pi nai deaungkho y, ni ai padei ai nai avo y,” nanai thui u bo.

LUKA 13:34

Aw Jerusalem, Jerusalem amochi ai padei nai keung nang teng y pato naichi ai ly lengseaung y aphi ka nai keung awi: A nu my mymy i chochi ai pakhi anui y o hai achu nai kamta, nang i chanuchi ai o hai achu ai nai tlen majirei kang tau mo? Na i py nangchi ly ngai u y.

LUKA 6:23

Huna nai kani y ly kawn u ly, amo theu naimy achaw u; khen cham, kani pri mang y nangchi i kawn nai vang ka-teng ny y nai awm; huna nai kamta teang nichi i amsi sangumchi ly amochi i tlang tleaung y sa reng nai ly.

AMTAW 3:21

ni ai ly ati cheaungkhang sa palai nai neng tym y ryrei ly kani my kawn ai nai tla rai: huni leu ly Tameuhmy khaileaung palum angchei khyp khala i dengairei amo kachaichi i labeaung y thui yb bo.

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

HEBRAI 13:7

Nangchi ai kry nai, Tameuh i leu ang thui pi nai keungchi ai ly pany u jojo ly: nichi i awm nai reita y atiti theu naichi ly dawn iy, nichi i ym nai sai amtiu u.

JAKOB 4:11

Amjo amnauchi awi, apreaung u reng moh. Ami py amy i amjo amnau ai preaung iy, amy i amjo amnau ai cheh baly, Reita ai preaung iy, Reita ai py cheh:naibaly nang ly Reita ai cheh baly, nang ly Reita patawm nai keung ny y, tara chih nai keung tla lawh veng.

JAKOB 5:13

Nangchi theung y ami mo patang nai awm a? Chiu so sy. ami mo amo theu nai awm a? Palo nai khulym thui sy.

JAKOB 5:7

Hunaibaly amjo amnauchi awi, Areng jeu y ryrei ly kham tanga pa-rei awm u. Khen cham, hlau sa nai khumi ly kani nai angchei nai hawi, nai pakhym nai kani palo y ryrei ly khaileaung i athai teng parai nai ly kham tanga pa-rei ajeng.

JAKOB 5:9

Amjo amnauchi awi, sum naira ngo y ai nai nangmychi tengtawi jo sei u reng moh; khen cham, tara chih nai keung ly katheu pa-kho ahawi y angdo ryhryh bo.