JAKOB 4:7 - Khumi Common Language Bible

⁷ Hunaibaly Tameuh i kangai awm u; na i py diabola ai ly paka u, hunaibaly ni ly angpreng veng ai mang.

JAKOB 4:7 Iomraidhean Croise

2 SAMUELA 15:26

Na i py kai ai aly ngai y lawh baly, mymy i ngai nai kamta so teu sy,” napi.

2 NENG SATANG 30:8

Nangchi ly nichi kamta paleung tang u moh. Areng i leu tangai u. Nangchi ly nangchi i Areng Tameuh my khai takhra nai Jerusalem mary y jeu u iy, mymy ai chiu u. Hunaibaly mymy ly nangchi ai kado ang theu hai ai ny y.

JOBA 1:21

“Kai ly tapen nai khala beng tlairei, beng tlairei kadei ai; Areng my ang pei i, vai ly la ali teang nai bo; mymy i amyn ly taham hawi sy,” nanai thui.

SAM 66:3

“Nang i sa nai saichi ly khrikhri pa-rei lyh ai hawi parai na ly! Nang i sa thai naira ly khri pa-rei len parai nai deaungkho y, paleung ka-echi ly nang i mo y jei naimy, abyh kajeaung kaji na bo.

SAM 68:30

Samji theung i daichi mawi kasi, napi nai Aikupta pri ai parip kyh ba. Si katai beaungjeaungchi hawi, nithun mang abang nai si nu tanglochi, napi nai khumi chengchi ly nang teng y lu meung iy langseaung talam nai pa-rei nichi ai parip ba. Tavai atiu ai ngai nai khumichi ai ahei hai ba.

JEREMIA 13:18

Areng ly kai teng y, “Samrang hawi my i amhm i apu parai nai areng lukhymchi ly mychi lu i nai tla pawp veng bo i, nichi teng y mymychi i samrang atehra i nai satlo u sy, nanai thui pi.

DANIELA 4:25

Nang ai ly khumichi theung i dengdairei patheu vui ai i, daichi mawichi hawi vanrei awm ai. Si kamta acha cha iy saneng saryh ryrei kadam sui ai i, abyhra by y nai meingtym y i ai. Naibaly tahm asang parai nai Tameuh ly khaileaung pri verei ai peang iy, mymy i ngai nai khumi ami ai py ne sy, samrang y palyn pajau, nanai nang adawn vau ai.

DANIELA 4:32

Nang ai ly khumi kamkawm i nai kang patheu vui ai i, daichi mawichi hawi awm ai nai tla ai. Saneng saryh ryrei si kamta, acha cha ai nai tla ai. Naibaly Tameuh ly khaileaung prichi ai peang iy, hunichi ai mymy i ngai nai khumi teng y pei pajau, nanai nang adawn vau ai,” napi.

MATTHAI 11:29

Kai i langvui apatli u ly, kai teng y amtiu u; kai ly paleung jypjyp nai hawi tahm apanem parai nai he: hunaibaly nangchi i phailo i vui anawn naira nga u ai.

AMTAW 26:19

“Hunai deaungkho y samrang Akripa awi, kani mang i amteng nai ly kai tangai y nai by y leang, na i py angchei y ly Damaska avang i khumichi teng y py,

AMTAW 9:6

na i py angthau ly avang y kun, hunaibaly nang i sa ai nai sai ang thui pi ai mang,” napi.

ROM AVANGCHI TENG Y PAWLA I CHA PA NAI 10:3

Nichi ly Tameuh i hawi naira pany y naimy, mymychi i hawi naira khaw hai ai nai tau iy, Tameuh i hawi naira y apei u y lawh.

ROM AVANGCHI TENG Y PAWLA I CHA PA NAI 14:11

“Areng my ly, ‘Khumi cheaungkhang kai i mo y meung ai i, Palai cheaungkhang py Tameuh teng y ahui ai, nanai Vaineng ka-beu nai ne,’ napi, nanai tajiu nai ne.

EPHESI 4:27

diabola ai ly meingtym aheng pi u moh.

EPHESI 5:21

Krista ai tahm khai nai tarawi y nangmychi tengtawi aau u leungtang.

EPHESI 6:13

Hunai deaungkho y nangchi ly kani hawi y nai khala y atiu u pajau ai nai hawi, nangchi sa u pajau bebe nai bo y angdo u pajau ai nai py, Tameuh i tavai ateaung kangym lo u.

HEBRAI 12:9

Huni harei khyh ny y i, achi ai ang parip ai nai achi i tlang mang i ampochi awm chy bo; achi ly nichi ai malawn py tahm khai y baly, heng naira nga ai nai mana tanrei phailochi i Ampo i ngai nai awm ai nai tla mo?

I PETERA 2:13

Areng my deaungkho y khumi i leu khai rym nai bawibawi teng y ly, samrang teng y mo (ni ly len keh nai ne),

I PETERA 5:6

Hunai deaungkho y neng khyp nai khala y ly nangchi ai tahm ang pasang thai ai nai, Tameuh i ham parai nai kiu anui y apanem u ly;

1 SAMUELA 3:18

Naibaly Samuela ly ati sai py takhawi y naimy, leu pei nai ngierei amti pi bo; Eli my, “Mymy ly Areng ne; mymy i ngai nai kamta so hai sy,” napi.