JAKOB 4:6 - Khumi Common Language Bible

⁶ Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.

JAKOB 4:6 Iomraidhean Croise

2 NENG SATANG 32:26

Kangkhym y Hezekia hawi Jerusalem mary i khumichi ly tahm anem nai paleung awm u nai deaungkho y, Areng ly Hezekia i deung y khumi mipuichi ai pajeng pi y nai ne.

2 NENG SATANG 33:12

Samrang ly ngari kamtang avum nai khala y, mymy i Areng Tameuh teng y ali teang i, kasabawmra nga ai nai hnei takeng bo.

2 NENG SATANG 33:19

Samrang i chiu sa nai hawi Tameuh my pathang pi nai sai, ni i kamngo sa naichi hawi y naira sa naichi, ni i sa nai myn chiu naira meingtymchi, tameuhnu Asherah i tamkhawnchi hawi ni i chiu nai mynchi satang ly amochi i cha-iu theung y tajiu pi typ bo.

2 NENG SATANG 33:23

Na i py ni ly ampo kamta paleung apanem naimy Areng teng y ahihawi y. Ampo tleaung y malawn py kamngo sa nai ne.

2 NENG SATANG 34:27

Jerusalem mary i khumichi ai pajeng ai nai kaimy leumo pei nai thai nai khala y, nang ly vo bo; nangmy i ateaungchi sei iy uikheih naimy, kai i mo y paleung apanem nai ne. Naibaly kai ly nang i chiu sa hnei takeng nai thai nai deaungkho y,

JOBA 22:29

Tameuh ly paleung len nai khumichi ai tahm anem hai iy, tahm apanem nai khumichi ai atleu ai.

SAM 138:6

Nang ly tahm asang parai teu i py, tahm anem nai khumichi ai kry nai ne; paleung len amlyh nai khumichi ai ly kamlo mang my pany bo.

SAM 9:12

Tameuh ly patang naira avum naichi ai pany pi jo nai ne. Nichi i aeu nai raawi tami pi y leang. Nichi i tlang tleaung y hawi y sa nai khumichi ai pajeng nai ne.

THEU NAI 18:11

Areng ly Aikupta chengchi my Israela chengchi tlang tleaung y mei aniu y nai saichi sa nai molam y, Areng ly tameuhchi bawibawi tleaung y sa thai naira len, nanai vai kai pany bo,” napi.

LEU KACHENG 15:33

Areng ai jei kaji naimy tahm khai nai ly cheng naira amtiu nai ne. Tahm asang ai nai ngai nai khumi ly paleung apanem ai nai tla.

LEU KACHENG 18:12

Paleung apanem nai khumi naini, khumi takhrachi my tahm khai. Paleung len nai khumichi ly phra nai mang y amhi u nai ne.

LEU KACHENG 22:4

Areng ai jei kaji iy paleung apanem reng nai khumi ly nang chawn ai; tahm awm iy heng sau ai.

LEU KACHENG 29:23

Amlyh am-e parai nai khumi ly tahm by y ai. Na i py paleung apanem nai khumi ly tahm asang naira nga ai.

LEU KACHENG 3:34

Mymy ly paleung len nai khumichi ai niu ngai y i, paleung apanem nai khumichi ai ly meimai khen nai ne.

ISAIA 2:17

Khumichi i haiho jum iy paleung len amlyh naichi ly phra ai. Huni neng tym nai khala y, Areng leaungrei naini, tahm asang naira avum ai. Mynchi ly tama angchi khyp ai.

ISAIA 54:7

“Kai ly nangchi ai tanareichy kang khai su teu i py, tamen naira len parai nai hawimy, kang la ali teang ai.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

DANIELA 4:37

“Hunaibaly kai, samrang Nebukhadnezar ly kani pri mang y awm nai samrang ai kapalo bo. Nang parai nai hawi phum-ang ai py kapalo bo. Mymy i sa nai ngiereichi ly teng parai. Mymy ly leu meitang ne i, paleung len amlyh nai khumichi ai anem hai bo,” nanai tajiu nai ne.

MATTHAI 13:12

Ati mana nai mo nabaly ami py atiti awm nai ngierei teng y ly pei panawi bi ai, naibaly mymy ly bym pa-rei nga ai; na i py ami py atiti by y nai ngierei teng i nai ly mymy i awm yb nai angchi py la pi ra ai.

MATTHAI 23:12

Ami py tahm apasang nai ngierei ai ly tahm panem ai; ami py tahm apanem nai ngierei ai ly tahm pasang ai.

LUKA 1:52

Arengchi ai ly mychi i atehra i nai tasyh vui i, Cheng katheangchi ai ang pasang bo.

LUKA 14:11

Ami py tahm apasang nai ngierei ai ly tahm panem ai; tahm apanem nai ai ly tahm pasang ai,” napi.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

JAKOB 4:10

Areng i mei ka-niu y ly tahm apanem u, hunaibaly ni my ang palo ai.

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.

1 SAMUELA 2:3

Areng ly ati cheaungkhang pany nai sai angym nai ne iy, khumichi i sa nai ngierei tara chih pi i, nangchi ly aeu iy amlyh u moh. Labeaung mang paleung len nai leu theu moh sy.