JAKOB 4:2 - Khumi Common Language Bible

² Nangchi ly ngai phi i ngo y, nangchi ly khumi ai py padei, paleung py ano, na i py ngo thai y:nangchi ajo py ajo, atiu py atiu; nangchi ly hnei y nai deaungkho y ngo y.

JAKOB 4:2 Iomraidhean Croise

1 ARENG KEH 21:6

Samrang my, “Ati mana nai mo nabaly kai ly Naboth teng y, nang i kreip akho kaimy van si, ti y baly ni i kreip akho jeng y takhra kreip akho hawi angtheung ai nai thui pi i py Naboth my, ‘hini akho ai ly nang teng y kang pei pajau y leang,’ ang napi lawh. Hunai deaungkho y kai ly paleung ka-dawn hawi y nai ne!” napi.

LEU KACHENG 1:19

Atiu alawm nai ly atiu alawm nai khumi ai dei hai jojo reng. Hini ly hawi y sa naira y heng nai khumichi i avum reng nai khym taham ne.

Parip nai leu 4:8

Khumi ami mo leaungrei ly mymy tlairei awm; ni ly chapo py by y, amjo amnau py by y; na i py ni ly kalop sa jojo. Mymy teng y awm nai yhmtheaung katuichi hawi mana khala py paleung anyp vai y. Ni ly huna tanrei atho sa iy amo theu naira y py paleung apei y naimy awm nai ly ami i vui mo? Hini py atyhtyh teu, paleung phra ai hawi nai heng nai sai py ne.

ISAIA 7:12

Ahaz my, “Kai ly Areng ai cham ai nai ngai y. Hunai deaungkho y rengrang ka-ma-ra hnei ai ny y,” napi.

HABAKKUK 2:5

Nang chawn nai ly li-tapawp reng; ngai phi ala naichi ly paleung len amlyh iy, paleung khaw y. Nichi ly dei areng kamta, mana khala py paleung anyp vai y. Hunai deaungkho y nichi ly pri harei bo baly pri harei ai tiu iy peang vui reng nai ne.

JOHAN 16:24

Vai khrairei nangchi ly kaimy i amyn y ati sai py hnei y rai; hnei u. naibaly nangchi ly kawn angym ai nai nga u ai.

JOHAN 4:10

Isu my ni teng y, “Tameuh i atiti pei nai hawi, nang teng y Kai nei ai nai pei ba’ napi nai keung ai nang pany i khyly, nangmy ni teng y hnei lawh ai i, ni my ly tui kangheng ang pei ai bo,” nanai pathang.

JAKOB 1:5

Na i py nangchi theung y ami py cheng naira avaw baly, khumi bawibawi teng y jo y nai hawi pasai y naimy pei reng nai keung Tameuh teng y hnei sy, naibaly ang pei takengkei ai.

JAKOB 5:6

Khumi kahawi ai ly nangchi my pasum iy padei i, ni my ly nangchi ai paka y leang.

I JOHAN 3:15

Ami py amy i amjo amnau ai niu ngai y nai ngierei ly khumi ai padei nai keung ne; naibaly khumi ai padei nai keung ami py deungtasarei hengra ni i paleung theung y awm nai ha py by y leang, nanai ly nangchi pany.