JAKOB 4:10 - Khumi Common Language Bible

¹⁰ Areng i mei ka-niu y ly tahm apanem u, hunaibaly ni my ang palo ai.

JAKOB 4:10 Iomraidhean Croise

2 NENG SATANG 7:14

Nichi ly kai teng y chiu sa naimy uikheih iy, mymychi i sa nai kamngo khai u su baly, kai ly kani pri mang dengdairei nichi i chiu sa nai tangai pi ai. Nichi i kamngo palawi pi iy, nichi i pri y paitiu thym hai teang ai.

JOBA 22:29

Tameuh ly paleung len nai khumichi ai tahm anem hai iy, tahm apanem nai khumichi ai atleu ai.

JOBA 5:11

Tahm anem naichi ai tahm asang hai iy, vo tangam nai khumi bawibawichi ai amo theu hai nai keung ly Tameuh ne.

SAM 113:7

Mymy ly khumi kamawnchi ai spryh theung i dengdairei tahm pasang iy, kamawn katichi ai anyn cheaungnawi theung i nai pasang bo.

SAM 147:6

Mymy ly tahm anem nai khumichi ai tahm pasang iy, khumi aso y naichi ai ly khaileaung y tym pa-rei atlym hai bo.

SAM 27:6

Hunai deaungkho y kai ly kai ai ang takimeuh nai paleung ka-echi ai eaung naira nga ai. Kai ly amo theu aeu naimy Achura yhm y apathyp ai. Khulym thui naimy Areng ai palo ai.

SAM 28:9

Aw Areng, nang i khumichi ai atleu kyh ba. Nangmy peang nai khumichi ai amtheaungra pei kyh ba. Nichi ai beram typ keung kamta, kry jojo kyh ba.

SAM 30:1

Aw Areng, kai ai atleu nai deaungkho y py, kai i patang nai molam y paleung ka-echi my paleung ateng hai ai nai pei y nai deaungkho y py, nang ai kai ly kang palo nai ne.

THEU NAI 10:3

Mosi nini Aron ly samrang teng y chei i ni teng y, “Hebrai chengchi i Areng Tameuh my, ‘Kai i khumichi ly kai ai chiu u ai nai molam y nang ly akhi veangveang ai bo a?,’ ” napi.

LEU KACHENG 29:23

Amlyh am-e parai nai khumi ly tahm by y ai. Na i py paleung apanem nai khumi ly tahm asang naira nga ai.

Ezekiela 21:26

Hini ly sa thai naira angym nai kai, Areng i thui nai leu ne. Nang i samrang lukym hawi lupeu aleng vui jau; awm nai sai bawibawi ly alie veng bo. Khumi kamawnchi teng y sa thai naira pei iy, sa thai naira awm nai khumichi ai tahm anem hai ai!

MATTHAI 23:12

Ami py tahm apasang nai ngierei ai ly tahm panem ai; ami py tahm apanem nai ngierei ai ly tahm pasang ai.

LUKA 1:52

Arengchi ai ly mychi i atehra i nai tasyh vui i, Cheng katheangchi ai ang pasang bo.

LUKA 14:11

Ami py tahm apasang nai ngierei ai ly tahm panem ai; tahm apanem nai ai ly tahm pasang ai,” napi.

LUKA 18:14

Kang thui pi, huni khumi tleaung y ly hini khumi ly eaung naimy yhm y vawi kathiu bo. Tahm apasang nai ngierei ai ly tahm panem ai, na i py tahm apanem nai ai ly tahm pasang ai,” napi.

I PETERA 5:6

Hunai deaungkho y neng khyp nai khala y ly nangchi ai tahm ang pasang thai ai nai, Tameuh i ham parai nai kiu anui y apanem u ly;

1 SAMUELA 2:7

Mymy ly khumi phyreichi ai nang hai iy, phyreichi ai mawn hai; phyreichi ai panem iy, phyreichi ai ly pasang bo.

1 SAMUELA 2:9

Mymy ly mymy ai ym nai khumichi i hengra kry pi; na i py khumi kamngochi ly kaveng theung y tama u ai; khumi ly amy i atho haiho hawi eaung naira ngo pajau y leang.