JAKOB 3:6 - Khumi Common Language Bible

⁶ Naibaly palai ly mai ne; achi i tlang kangpreichi theung y hawi y reng naira ly palai ne:huni ly tlang bomrei chai hai y i, khaileaung pri ai kang hai, naibaly ngari angawm ly palai ai kang hai teang.

JAKOB 3:6 Iomraidhean Croise

2 SAMUELA 16:20

Naibaly Abasalom my Ahithophela mang y amhi iy, “Vai, kaichi ly ati sa ai mo? kaichi ai tau pei kyh ba,” napi.

2 SAMUELA 19:43

Israela mipuichi my py, “Samrang Davida ly nangchi thui nai kamta nangchi i cheng theaung ne lawh teu i py, kaichi ly nangchi tleaung y phy horei abi keh nai ne. Nangchi ly ati mana nai y kaichi ai khen nau u lawh mo? Meitang khyp, samrang aipalau ali teang ai nai thui manme naichi ly kaichi ne,” napi. Na i py hini molam y Juda pri khumichi i thui nai ly Israela pri khumichi tleaung y ho keh nai ne.

2 NENG SATANG 13:17

Abijah hawi ni i tavaimi kamkawm ly Israela chengchi ai tiu pajau nai deaungkho y, Israela sorai risa leaung 500,000 rei dei nai ne.

SAM 140:3

Nichi i palai ly thailai kaso nai pavui hawi atawm iy, nichi i leu ly thauvau i thailai hawi atawm nai ne.

SAM 64:3

Nichi ly mychi i palai ai haisau kamta kata u; kapahenra by y nai leuchi, napi nai thailihochi pateung u yb bo.

LEU KACHENG 15:1

Naujyp chy nai leu ly kado theu nai ai rym hai reng; na i py leu raawi len nai ly kado theu ai nai kachyh reng nai ne.

LEU KACHENG 16:27

Khumi hawi y naichi ly khumi takhrachi ai, patang hai ai nai lam hau u reng. Nichi i katheu nai leuchi malawn py, kang hai nai mai kamta ne.

LEU KACHENG 7:5

Hunichi my ly nang ai ami i ajuchi, labeaung palai hawi parawi reng nai neampachychi teng i nai py amkyn hai ai.

ISAIA 30:27

Areng i sa thai naira hawi nang parai naira ai kamlo mang my niu pajau nai ne. Mai kangvang hawi maikhyhchi ly mymy i kado theu nai sai patei pi bo. Mymy leu pei nai khala y labeaung mang theu nai leuchi ly mai kamta kang hai bo.

ISAIA 50:11

Khumi takhrachi ai tamyh pawn ai nai dawn paviu nai khumi bawibawichi awi, nangchi ly nangmychi i dawn paviu nai hawimy, myh kang u ai. Areng mymy kypkyp my, hini atitichi tym hai ai. Nichi ly ngari kamtang avum u ai.

JEREMIA 20:10

Kai ly khumichi i leu kamsyh y thui nai raawi thai nai ne. Nichi ly kai ai, “Meingtym tleirei y jei hyn ai hawi nai khumi!” nanai amyn pei iy, “Ni i satang ai peang nai keungchi teng y thai hai u sina!” napi u. Kai hawi amrawi keh nai ahawi ka-dawichi malawn py, kai atlym nai ajeng u bo. Nichi my, “Ni ai achi my li-tapawp pajau lym ai; li hyp naimy patiu iy vawitheung tha pajau ai,” nanai thui u nai ne.

JEREMIA 28:16

nang ai nawi su veng ai, nanai Areng my thui khyp veng bo. Nang ly Areng ai khumichi my tiu ai nai kachyh nai ne i, hini saneng dym y naimy dei ai,” napi.

Kati Nai 25:2

Huni neampachychi my Moba tameuh teng y apathyp nai pawi sa naira y nichi ai palau. Israela chengchi ly Peor meingtym i Bala tameuh teng y apathyp nai teicha teinei cha iy,

Kati Nai 31:16

Hini neampachychi ly Balam my tau pei nai kamta, Peor meingtym y awm nai thym khala Areng ai ym y ai nai Israela neampachochi ai taphra nai ly pany u. Huna nai kamngo sa nai molam y, Areng i khumichi ai no kanghawi tym hai nai ne.

MATTHAI 12:24

Na i py Pharisaichi ly huna nai thai iy, “Hini khumi ly vawinam areng Beelzibula ny y baly vawinamchi ai patheu nai ny y leang,” napi.

MATTHAI 5:22

Na i py kai ly kang thui pi, ami py mymy i amjo amnau i tlang tleaung y kado theu nai ngierei ai ly tara chih ai nai avo; naibaly ami py mymy i amjo amnau teng y, ‘Nang ly ati sai py ny y,’ napi nai ngierei ai ly tara chih nai keungchi i mo y tym hai ai nai avo; naibaly ami py, ‘Nang ly kamthu,’ napi nai ngierei ai ly ngari angawm y aphi ai nai avo.

MARKA 7:15

khumi angam mang i dengdairei mymy i taku theung y kun nai ly ni ai chai hai thai y ai nai ha py by y leang; khumi i taku theung i dengdairei theu naichi naini huni khumi ai chai hai y nai ne.

LUKA 16:24

Naibaly aeu i, ‘Ngaai Abraham awi, kai ai pahen ly; Lazara ly my i kiu pajeung kadeaung tui y padeung iy kai i palai padam ai nai ni ai pato kyh; hini mai kangveaung y kai khrikhri pa-rei no na ly,’ napi.

AMTAW 20:30

Nangmychi theung i khumi kypkyp py abangnaichi ai nichi teng y abi hai ai nai thui thli nai awm ai mang.

AMTAW 5:3

Na i py Petera my, “Anania, Phailo Kachai ai ka-chawi thui ai nai hawi, meingtym vang ly phyrei um mai veng ai nai py ati mana nai nang i paleung y Setan my kawi hai lawh?

AMTAW 6:13

Naibaly thui tapawp ai tau naichi ai angdo hai i hunichi my, “Hini khumi ly hini yhm kachai ai hawi, Reita ai anawn y pa-rei thui tamawn jojo:

Leu Thui Nai 13:6

“Nang i amjo amnau, nang i cho chanau, nang i tamen nai aju, nang i amrawi keh nai ahawi leaungleaungrei my malawn py, nang hawi nang i amsi pajochi my jangni i ka-so chiu vai y nai takhra tameuhchi ai chiu ai nai kangviu y ang parawi lym ai.

TITA 1:11

nichi ly kamran hau reng i patiu ngau y nai leu patiu iy, dengtheung vereichi ai atlym hai.

JAKOB 2:7

Nichi ly nangchi ai pathi nai amyn kahawi ai ly thui tamawn y a?

JAKOB 3:7

Mawichi, tavochi, avah naichi, pangli theung y awm naichi ly, hunichi cheaungkhang ai ly khumichi my khawn thai, khawn py khawn reng bo.

II PETERA 3:3

Hini ly pany u man ba; kani kangkhym y ly panui hai nai keungchi ly mymychi i ngai phi teng y nai kamta tako iy,

III JOHAN 1:10

Huni deungkho y kai kang jeu nai khala baly ni i atiti sa naichi, kaichi i tlang tleaung y ni i leu hawi y nai thui iy, ni i leu peung nai sai ly kang pany hai vau bi ai; huni py ni ly hawi bo ti y rai, mymy kypkyp ly amjo amnauchi ai kawn y, kawn ai ngai naichi ai py paka lawh iy, palau takhra kamkawm theung i dengdairei ang patheu vui veng.

AMTENG HAI NAI 12:9

Naibaly khaileaung pri bawibawi ai tapawp nai keung, jangni jangkhawn kha i awm nai pavui, Diabola hawi Setan napi nai, naka kalen pui ai ly khaileaung y aphi kathiu bo, mymy i amtaw thau naichi py mymy hawi vanrei aphi kathiu teang.

AMTENG HAI NAI 13:14

Naibaly ni ly huni mawi kasi i mei ka-niu y atiti ka-ma-ra sa ai nai nga nai deaungkho y, khaileaung pri y awm naichi ai ang tapawp; naibaly haisau y tamo nga iy heng asai nai mawi kasi i myn sa u ai nai, khaileaung pri y awm naichi teng y leu pei bo.

AMTENG HAI NAI 18:23

Maisi kangvang py nang teng y tlen py angvang bi ai ny y; aju palyn nai keung hawi deaung vawi nai anglo i raawi py nang teng y tlen py thai bi ai ny y : nang i ka-pai sa nai keungchi ly khaileaung pri i khumi kalenchi ne lawh; nang i atam nai deaungkho y py cheng cheaungkhangchi ai tapawp nai bo.

AMTENG HAI NAI 19:20

Naibaly mawi kasi ai hawi, mymy i mei ka-niu y atiti rengrang sa nai deaungkho y mawi kasi i ka-ma-ra nga nai hawi ni i myn y chiu naichi ai lam tamang hai nai tapawp nai amo ai py mymy hawi vanrei patiu u bo; nini leaung nyhrei ai ly kan hawi mai kang nai angawm y ly heng nai tarawi y aphi hawi mei.