JAKOB 3:2 - Khumi Common Language Bible

² Atiti neangneangra y achi bawibawi tamang reng. Ami py leu thui naira y tamang y baly huni khumi ly khumi ka-cheang, mymy i tlang py bomrei amkym pajau nai khumi ne.

JAKOB 3:2 Iomraidhean Croise

1 ARENG KEH 8:46

“Kamngo so y nai khumi leaungrei py by y leang. Hunai deaungkho y nang i khumichi ly nang i tlang tleaung y kamngo sa u ai. Huna nai khala nang ly kado theu ai i, nichi ai paleung ka-echi i kiu y sum hai iy, pri takhra mang y nichi ai hawi jo ai.

2 NENG SATANG 6:36

“Kamngo so y nai khumi ly leaungrei py by y. Na i py nang i khumichi ly nang i tlang tleaung y kamngo sa u ai. Huna nai khala nang ly kado theu nai, nichi ai paleung ka-echi kiu y sum hai iy, pri takhra mang y hawi hai pawn ai. Huni pri ly khri pa-rei palo teu i py,

JOBA 15:13

Tameuh ai ati mana nai kado theu hai iy, hina nai katheu lawh mo?

SAM 34:13

Ngai u lawh baly chai y nai leu hawi, ka-chawi leu thui u moh.

SAM 39:1

“Kaimy i sa nai sai molam y adawn patyp ai; labeaung hawi malawn py tamang y ai nai adawn patyp ai. Khumi hawi y nai sahawi y kaawm nai thym khala y, kai ly ati sai py katheu y naimy awm ai,” nanai kai ly thui bo.

LEU KACHENG 10:19

Leu katheu nai nawi baly, tamang nai py nawi reng. Tau cheng nai khumi ly awm pypy nai ne.

LEU KACHENG 13:3

Leu amkyn nai khumi ly amy i hengra ai akry nai ne. Leu katheu ngaulau reng nai khumi ly phra ai.

LEU KACHENG 20:9

Khumi ami py, chai nai paleung awm, nanai py, amy teng y kamngo by y leang bo, nanai py, thui khyp pajau na a?

LEU KACHENG 21:23

Patang naira avum ai nai ngai y nai khumi ly labeaung palai amkyn ai nai tla.

Parip nai leu 7:20

Avawrei hawi naira sa iy hawi y nai pipi so vai y nai khumi, nanai ly khaileaung salo y leaungrei py by y.

ISAIA 64:6

Kaichi bawibawi ly kamngochochi ne. Kaichi i kahawi keh sa nai malawn py, amso ngailai nai cheichei teu bo. Kaichi ly kaimychi i kamngochi deaungkho y, ali my pakheang veng nai phaicham kajeichi hawi atawm.

Levi 13:39

pathyp pi nai keung ly huni khumi ai khen ai nai tla. Angvawi kaleung hup-hau lawh baly, nganpeihra man thai nai buhuthi teu i, ni ly reita leaungsai y chai nai ne.

MATTHAI 12:34

Pavui i kangpreangchi awi! Nangchi ly kamngo awm iy leu kahawi mana thui u thai ai mo? Paleung y kawi palai nai ly labeaung y thui reng.

MATTHAI 12:37

Nang i leu my ly nang ai eaung hai ai i, nang i leu my ly nang ai ang pasum hai teang ai,” napi.

ROM AVANGCHI TENG Y PAWLA I CHA PA NAI 3:10

“Ami py khumi kahawi by y, ne, leaung py by y;

ROM AVANGCHI TENG Y PAWLA I CHA PA NAI 7:21

Hunaibaly hini reita ly kapany bo; atiti kahawi sa ai kangai nai thym khala y kamngo ly kai teng y awm lawh nai ne.

I KORINTH 9:27

na i py kai ly kai i tlang y ka-tapheu ryry nai miseaung y kapalawn veng, ti y baly khumi takhrachi teng y leu kathui nai bo y kaimy kypkyp ai pasum lawh na.

KALATIA 3:22

Na i py Isu Krista ai ym nai deaungkho y atiti adeu nai ly mymy ai ym nai keungchi teng y pei nai lawn thai ai nai, Tameuh i cha-iu ly kamngo i anui y ati cheaungkhang bebe kho hai veng.

KALATIA 5:17

Tlang my ly Phailo ai tiu iy amymy ngaingai sa ai nai ngai: phailo py tlang ai tiu iy amymy ngaingai sa ai nai ngai; hunaibaly nangchi ly nangchi i atiti sa ai tau naichi ly so u thai y; hunini ly aawi hawi cheng vui veng.

KOLOSA 1:28

kaichi my khumi leaung leaungrei ai parip iy, khumi leaung leaungrei ai cheng naira cheaungkhang y patiu nai, mymy i satang kaichi my thui pi reng nai ne:

KOLOSA 4:12

Epaphra, nangmychi theung i khumi leaungrei, Krista Isu i miseaung my ly nangchi ai kawn nai leu ang thui pi mang; nangchi ly Tameuh i kangai ngierei y cheang nai hawi ym cheng cheng nai angdo u thai ai nai, ni i chiu sa naichira y ly nangmychi i vui hawihai palai chiu ang sa pi patyp jojo nai ne.

HEBRAI 13:21

mymy i mei ka-niu y mymy i kawn nai ngierei Isu Krista i saho y achi ai sa hai iy, mymy i kangai sa ai nai atiti kahawi cheaungkhangra y nangchi ai angym hai sy; mymy teng y nang parai naira deungtasarei awm sy. Amen.

JAKOB 1:26

Ami py, “Kai ly Tameuh i reita patawm,” nanai adawn iy amy i palai ai hawihai atyp y pasi lawh baly, amy i paleung ai atapawp nai teu, huni khumi i reita ly ati sai py ny y leang.

JAKOB 1:4

Naibaly ati sai py avaw y nai, nangchi bomrei angym thai ai nai, kham pajau naira my ly so angym sy.

JAKOB 2:10

Ami py Reita pataw angym i py lam harei y hawi y sa lawh baly, bawibawi ai taphra nai bo.

I PETERA 3:10

“Heng naira ai ngai parai nai hawi, Kani kahawi avum ai nai ngai nai khumi ly Kamngo ra y amy i palai atyp sy ly, Amy i labeaung py tapawp nai leu thui y ai nai atyp sy;

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.