JAKOB 3:13 - Khumi Common Language Bible

¹³ Nangchi theung y khumi kacheng hawi leu pany thai nai khumi ly ami mo? Mymy i amhi amtlau nai sai kahawi deaungkho y leu anui parai nai hawi cheng parai naimy mymy i atiti sa nairachi amteng hai sy.

JAKOB 3:13 Iomraidhean Croise

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

SAM 107:43

Khumi kachengchi ly huni atitichi ai, paleung theung y pateung me iy, Areng i khaw parai nai tamen nai satang dawn u pasym sy.

SAM 122:8

Kai ly amjo amnauchi hawi, ahawichi molam y Jerusalem mary ai, “Nang teng y tlamsa naira awm sy!,” napi.

SAM 149:4

Areng ly mymy i khumichi ai tamen nai ne; tahm anem nai khumichi ai, eaung nai hawimy tahm pasang u.

SAM 25:9

Paleung apanem nai khumichi ai lam kateng mang y pahawi iy, nang i kangai patiu pi kyh ba.

SAM 45:4

Ka-ym awm nai hawi adyh adawi naira my peang ai nai molam, sa thai naira haiho hawi vanrei atiu iy, eaung naira ngo ba! Samrang nang ly nangmy i haiho hawimy, eaung pawi puichi avum ai.

Parip nai leu 8:1

Khumi kacheng naini khaileaung pri i atiti awm nai sai pany nai ne. Tau cheng naira ly huni khumi i meimai y panuiyhm nai amteng hai iy, meimai takhuisui nai tama hai bo.

Parip nai leu 8:5

Nang ly ni i leu tangai nai ryrei ly chymme naimy awm ai; khumi kacheng ly leu tangai ai nai lam hawi neng py pany.

ISAIA 29:19

Khumi kamawnchi hawi tahm anem nai khumichi ly Israela chengchi i nang parai nai Areng Tameuh my pei nai, amo theu naira nga u ali teang ai.

ISAIA 60:6

Vawn tang nai kula-iu kanghu puichi ly Midian pri hawi Epha pri dengdairei ang tym iy, nang i meingtym y kawi na ai. Seba pri i muku hawi mui katuichi ang syn u ai. Khumichi ly Tameuh i sa nai sai satang kahawi ai palo u ai!

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

JEREMIA 9:12

Kaimy, “Aw Areng, “Ati mana nai y hini pri ly aki aleaung ai nai ngo y, phra seaungkhrang naimy tui by y nai daichi ka-vym kamta lawm lawh mo? Hina naichi pany thai nai khumi kacheng ly ami mo? Khumi takhrachi teng y thui pi pateang thai ai nai, ami hini satangchi ai ami teng y nangmy pany hai yb mo?,” nanai deng bo.

JEREMIA 9:23

Areng my, “Khumi kacheng ly my i tau cheng nai ai atho len nai khumi ly my i atho len nai ai, nang chawn nai khumi ly my i nang nai ai, amlyh ai nai avo y.

DANIELA 2:21

Mymy ly neng hawi kani lo kamtlehchi ai peang nai ne. Mymy ly samrangchi ai palyn py palyn, pala py pala. Khumichi teng y cheng naira hawi pany thai naira pei bo.

ZEPHANIAH 2:3

Mymy i leu pei naichi tangai iy, paleung apanem nai khumi mipuichi awi, Areng teng y jeu u. Kahawi sa naimy Areng i mo y paleung apanem u. Areng i kado theu nai neng khala, nangchi ly pajeng naira i nai law tleaung naira nga u lym ai.

Kati Nai 12:3

(Mosi ly paleung apanem nai khumi ne; khaileaung pri y ni kamta paleung apanem nai khumi ami py by y.)

MATTHAI 11:29

Kai i langvui apatli u ly, kai teng y amtiu u; kai ly paleung jypjyp nai hawi tahm apanem parai nai he: hunaibaly nangchi i phailo i vui anawn naira nga u ai.

MATTHAI 21:5

nanai, amo i labeaung thui nai ly tym thai ai nai huni ly awm nai bo.

MATTHAI 5:5

“Paleung jypjyp naichi ly taham hawi: nichi ly khaileaung pri amtym ai.

MATTHAI 7:24

“Hunaibaly hini kai i leu thui nai thai iy patawm nai ngierei ly khumi kacheng, lengseaung pui tleaung y mymy i yhm sa nai hawi pata ai nai tla;

I KORINTH 6:5

Nangchi ai kangji kang pei nai kathui nai ne. Amjo amnau sala y leu atlym hai pajau nai khumi kacheng leaungrei py nangchi theung y ngo u pajau y ngaw khyh,

II KORINTH 10:1

Naibaly kai Pawla kypkyp, nangchi theung y awm khala ly nangchi i mei ka-niu y leu anui parai nai kaawm i, nangchi teng y awm y nai khala ly nangmychi ai vam nai ly, Krista i leu kanem hawi neaung hawi naira y kang takeng nai ne;

II KORINTH 8:24

Huni deaungkho y nangchi i tamen naira hawi, kaichi i nangchi ai amlyh hai nai pany naira ly palau takhra kamkawmchi i mo y nichi teng y amteng hai u.

KALATIA 5:23

hunai kamta aawi cheng y ai nai Reita leu pei nai ha py by y leang.

KALATIA 6:1

Amjo amnauchi awi, ami my kamngo ati py sa nai thym khala y theaugma nai awm khyly nangchi phailo mang y, asa naichi awi, “Kai py parawi naira avum teang lawh na,” nanai hawihai atyp u nai tarawi y huna nai khumi ai ly leu kanem chy y my angdo hai u.

KALATIA 6:4

Na i py khumi leaung leaungrei amy i atiti sa nai bawibawi acham sy, huni bo y ly khumi takhra i molam ny y naimy amymy i molam y harei amlyh ai naira nga ai.

EPHESI 4:2

aly naira my kawm naira y Phailo bomrei naira ai ly kry ai nai sa u tanga iy,

PHILIPI 1:27

Ati py ne sy nangchi i amhi amtlau nai sai ly Krista i Satang Kahawi hawi amlau sy; hunaibaly kai ly nangchi ai kang de iy py, nangchi teng y kang awm y teu iy py, nangchi ly phailo y vanrei kakhaw angdo u iy, paleung vanrei my Satang Kahawi ym nai leu y sa ahawi nai, tiu nai keungchi ai ly ati ra y py jei y naimy awm u, nanai nangchi i satang kapany pajau ai;

KOLOSA 3:12

Hunaibaly khumi kachai hawi ngai parai naichi awi, Tameuh i vawi nai khumichi kamta paleung verei pahen naira hawi, neaung hawi naira hawi, tahm apanem naira hawi, leu anui naira hawi, amnym naira py amthyp u;

I TIMOTHEI 4:12

Nang i saneng nau nai sai ly ami my tahm khai y ai nai so moh: na i py nang ly leu thui naira y hawi, amhi amtlau naira y hawi, tamen naira y hawi, ym naira y hawi, chai naira y py ym naichi i vui y amtiu naira lawn ba.

I TIMOTHEI 6:11

Na i py nang, Tameuh i khumi awi, huni atitichi ai ly angpreng veng! Hawi naira hawi, Tameuh ai dawn ryhryh naira hawi, ym naira hawi, tamen naira hawi, kham pajau naira hawi, leu anui naira ai py hui veangveang.

II TIMOTHEI 2:25

hawi y sa naira y kham pajau nai, mymy i patiu nai leu ngai y naichi ai leu anui parai naimy nichi ai patiu lawh ai nai tla;

TITA 3:2

ami ai thui tamawn y ai nai hawi jo sei y ai nai hawi, neaung kahawi awm ai nai hawi, khumi bawibawichi teng y leu anui naira kangym amteng hai ai nai py nichi ai dawn hai.

HEBRAI 13:5

Nangchi i paleung awm nai sai ly tangka ai paleung no nai abawi y nai awm sy; nangchi i awm nai ryrei my paleung hawi u; mymy kypkyp my ly, “mana khala y py kang patlaw y ai i, khai py kang khai su y leang mang” napi.

JAKOB 1:21

Hunai deaungkho y chai y nai bawibawi hawi, kamngo kawi palai nai ly patlaw u veng, phailo ai paheng thai nai tiu pi nai leu ly am-e y naimy kawn u.

JAKOB 2:18

Ne, naibaly ami my mo, “Nang ly ym naira awm, kai ly atiti sa naira awm: nang i ym naira ly atiti sa naira abawi y naimy kai ai patei ba, naibaly kai i atiti sa naira y ym naira kang patei ai,” napi ai ngaw khyh.

JAKOB 3:1

Kai i amjo amnauchi awi, patiu nai keung neangneang y awm u moh, achi ai tara chih nai sai aneng kyh ai, na na inangchi pany.

JAKOB 3:17

Na i py salo mang i dengdairei cheng naira theu nai ly angchei y chai vui rai, hunai bo y ly aly ai nai ngai i neaung py hawi parai, ado ai nai py ngai, pahen naira hawi athai kahawi my kawi, naibaly patle takhra y i tapawp nai py by y.

I PETERA 1:15

nangchi ai ang palau nai keung i chai nai kamta, nangchi py amhi amtlau u nai bawibawi ra y chai nai awm u;

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

I PETERA 3:4

paleung y heu nai awm nai sai ly leu anui hawi neaung hawi nai paleung, mawn pajau y nai ateaung phai amthyp u; huni ly Tameuh i mei ka-niu y khri pa-rei vang teng nai ne.