JAKOB 2:3 - Khumi Common Language Bible

³ Naibaly kanih hawi parai akhiu nai ai ly dawn hai iy ni teng y, “Nang ly hini meingtym kahawi ra y ateh ba,” napi iy, khumi kamawn teng y ly, “Nang ly hu mang angdo,” ti y baly “Kai i kheu khaira ahawi y ateh,” napi baly,

JAKOB 2:3 Iomraidhean Croise

LEU KACHENG 18:23

Khumi kamawn ly tahm khai iy ahui nai leu katheu reng; na i py khumi kanang ly leusi leukho katheu reng nai ne.

ISAIA 65:5

Naibaly nichi my, mymychi ly khri pa-rei chai parai, takhra khumichi hawi abi ngau y!, nanai thui iy ami ai py mychi sahawi y ahai ai nai pei y. Kai ly huna nai khumichi ai neaung kham pi pajau y. Nichi i tlang tleaung y tym nai kai i kado theu nai ly dei vai y nai mai hawi atawm.

LUKA 23:11

Naibaly Heroda hawi my i tavaimichi ly ni ai tahm khai y i panui hai: naibaly kanih vang kateng akhiu hai iy Pilata teng y pato bi bo.

II KORINTH 8:9

Nangchi ly achi i Areng Isu Krista i pahenra ly pany u bo, mymy kamawn nai deaungkho y nangchi ly nang thai ai nai, mymy nang iy py nangmychi kypkyp deaungkho y mymy i kamawn lawn nai ly pany u bo.

JAKOB 2:2

Nangchi i achura yhm y muku kiu sabyh pachu iy, kanih hawi parai nai akhiu nai khumi kun sy: naibaly khumi kamawn, kanih mawn teichy akhiu nai py kun teang sy.

JAKOB 2:6

Na i py nangchi ly khumi kamawn ai tapheaung lawh. Khumi kanangchi ly nangchi ai ana, naibaly tara chih naira yhm y ang ryh reng nai ny y a?

JUDA 1:16

Hunichi ly athui apreaung naichi, cheh nai keungchi ne, mymychi i ngai phi teng y nai kamta khyp naimy tako nai ne; nichi i labeaung py am-e parai nai leu kawi bo, atiti kamran cha ai nai khumichi ai patle takhra naichi ne.