JAKOB 2:19 - Khumi Common Language Bible

¹⁹ Tameuh ly harei khyh, nanai nang ym; hawi mang: vawinamchi py ym i kaso theu.

JAKOB 2:19 Iomraidhean Croise

ISAIA 43:10

“Aw, Israela chengchi awi, nangchi ly kai i pany hai nai keungchi ne. Nangchi ly kai ai pany u ai nai py, kai ly Tameuh harei khyh, nanai pany u thai ai nai py, kai ly nangchi ai kaimy i miseaung palawn ai nai kang vawi nai ne. Kai ny y baly tameuh takhra by y; mana khala py by y, vai mo mang py awm ai ny y.

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 44:8

Aw kai i khumichi awi, jei u moh! Kai ly jangni jangkhawn i dengdai vai khrairei, tym ai nai atitichi ai thai hai yb nai ly nangchi pany u nai ne. Nangchi ly kai i pany hai nai keungchi lawm u bo. Kai ny y baly tameuh takhra awm rai a? Mana khala py kai thai vai y nai sa thai nai keung tameuh awm rai a?

ISAIA 45:6

Kai, hina nai sa nai ly kai ly Areng ne iy, kai ny y baly tameuh takhra by y, nanai khaileaung katem i dengdai takhra katem y khrairei, awm nai khumi ngiereichi ai pany hai nai ne.

ISAIA 46:9

Jangni jangkhawn khala i awm nai atitichi pany u. Kai leaungrei naini Tameuh ne, nanai py, kai hawi atawm nai tameuh takhra by y, nanai py pany u jo ba.

JONA 4:4

Areng my, “Nang ly hina nai kamta kado theu ai nai hawi a?,” nanai deng.

JONA 4:9

Na i py Tameuh my Jona teng y, “Palang-uipo keung harei molam y, nang ly kado theu ai nai avo a?,” nanai deng. Jona my, “Kai ly dei ai nai pa-rei kado theu bo!,” nanai pathang.

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

MATTHAI 8:29

Naibaly khen cham, nini my ly, “Aw Tameuh i Chapo awi! Kaini hawi nang hawi ati amtawm naira awm mo? Neng tym y rai khala my kaini ai patang hai ai nai jeu nai a?” nanai aeu.

MARKA 1:24

“Nazaret Isu awi, kaichi hawi nang hawi ati amtawm mo? Nang ly kaichi ai tama hai ai nai jeu nai a? Nang ai ly kai pany mang, Tameuh i Khumi Kachai ne,” nanai aeu.

MARKA 12:29

Isu my ly, “Len keh nai ly hini ne he: Israelachi awi, achi i Areng Tameuh ly Areng leaungrei ne khyh:

MARKA 5:7

naibaly tao pajeng parai pa-rei my aeu nai, “Isu, Salo Kangteng Tameuh i Chapo awi, kai hawi nang hawi ati amtawm naira awm mo? Kai ai patang hai y ai nai Tameuh i amyn y kang takeng nai he,” napi.

MARKA 7:9

Naibaly mymy my teang nichi teng y, “Nangchi ly nangmychi i tanyn patawm thai ai nai Tameuh i leu pei nai ai ly ngai u y lawh nai ly ka-vo khri pa-rei pany u mang!

LUKA 4:34

“Aw, Nazaret Isu awi, kaichi hawi nang hawi ati amtawm mo? Nang ly kaichi ai tama hai ai nai jeu nai a? Nang ai ly kai pany mang, Tameuh i Khumi Kachai ne,” nanai aeu.

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

AMTAW 16:17

Huni anglo ly Pawla kaichi ai hui iy, “Hini khumi paheng nai lam ang thui pi nai keungchi ly Salo Keh i Tameuh i miseaungchi na a hi ly,” nanai aeu.

AMTAW 19:15

Naibaly vawinam ly nini teng y, “Isu ai kapany, Pawla ai py kapany, na i py nangni ly ami mo?” nanai pathang.

AMTAW 24:25

Naibaly Pawla my ly hawi sa nai leu hawi, amkym ai nai leu py, tara chih nai tym ai nai leu py ka-thui thui pi nai thym khala y ly Felika ly khri pa-rei jei i, “Vai ly leh teu rai, kaimy neng avo nai khala y kang palau ai mang,” napi.

ROM AVANGCHI TENG Y PAWLA I CHA PA NAI 3:30

Ne teang chy; lengkhym takip naichi ly ym y nai deaungkho y eaung hai ai nai keung hawi lengkhym takip y naichi ly ym u nai saho y eaung hai nai keung ly Tameuh harei khyh baly, mymy ly Cheng Takhrachi i Tameuh py ne teang chy.

I KORINTH 8:4

Hunaibaly myn y apathyp nai atiti cha nai leu ly pathang si. Khaileaung pri y myn, nanai ly ati sai py ny y nai sai hawi, leaungrei ny y baly Tameuh takhra ha py by y nai sai ly achi pany.

I KORINTH 8:6

huni ly Ampo ne; mymy teng i dengdairei ati cheaungkhang theu iy, achi py mymy i vui y awm nai ne; naibaly Areng leaungrei, Isu Krista ly awm teang, mymy deaungkho y ati cheaungkhang awm i, achi py mymy deaungkho y awm nai ne.

KALATIA 3:20

Naibaly savai nanai ly khumi leaungrei i khyh ne vai y leang; Tameuh naini harei khyh.

Leu Thui Nai 6:4

“Aw Israela chengchi awi! Areng naini achi i Areng Tameuh ne, nanai tami u moh.

I TIMOTHEI 2:5

Tameuh ly harei khyh, Tameuh hawi khumichi hawi sala y savai leaungrei awm khyh teang,

JAKOB 2:8

Na i py Tameuh i cha-iu leu, “Nangmy ai atamen na kamta, saleaungchi ai tamen ai nai tla,” nanai len keh nai reita patawm u baly, nangchi i sa nai hawi mang:

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.

JUDA 1:6

Naibaly kani pri i amtaw thau naichi, mychi i awm angchi nai sai kamta awm jo y naimy, mymychi i awm reng nai meingtym khai su naichi ai ly huni kani aly len parai nai i tara chih naira i vui y kaveng anui y deungrasarei kawm naimy ang khai nai bo.

AMTENG HAI NAI 20:10

Naibaly nichi ai tapawp nai keung diabola ai ly mai hawi kan ang y ly aphi vui bo: hu y ly mawi kasi hawi tapawp nai amo py awm teang; naibaly nichi ai ly deungtasarei vum kanithun no patang hai jojo ai.