JAKOB 1:25 - Khumi Common Language Bible

²⁵ Na i py ami py angym nai reita, miseaung alaw nai reita y khen nai awm jo baly, thai nai ly tami ryp y nai, patawm iy sa jo nai keung lawn nai ly, huni khumi ai ly ni i atiti sa naira y amtheaung hai ai.

JAKOB 1:25 Iomraidhean Croise

SAM 106:3

Ka-dyh ka-dawi sa iy kateng sa jojo nai khumichi ly taham hawi u nai ne.

SAM 119:32

Nang ly kai ai cheng naira am-eaung hai ra nai ne i, kai ly leu pei naichi paleung ngai parai naimy tangai ai.

SAM 119:45

Kaimy ngai ngai tlamsa naimy kaawm ai; ati mana nai mo nabaly nang i leu pei naichi ai atho sa naimy tangai nai deaungkho y.

LEU KACHENG 14:15

Khumi ka-khumchi ly ami i thui nai leuchi ai ym reng; tau cheng nai khumichi ly leu meitang teaung u reng nai ne.

ISAIA 8:20

Huna nai khala nangchi my, “Areng i leu pei nai tangai u! Nichi thui nai leuchi ly nangchi i vui kamran by y,” nanai thui pi u.

LUKA 11:28

Na i py ni my ly, “Ne, na i py Tameuh i leu thai iy patawm naichi ly taham hawi keh,” napi.

JOHAN 13:17

Nangchi ly huni atitichi pany iy sa baly taham hawi ai.

JOHAN 8:36

Hunaibaly Chapo my nangchi ai miseaung alaw hai baly, nangchi alaw tatang ai.

AMTAW 13:43

Naibaly achu naichi ly amprei nai bo y Judachi hawi, mymychi i suibang kammeaung Tameuh ai tahm khai parai nai khumi neangneangchi ly Pawla hawi Bernaba teng y abang; nini ly nichi hawi arum i, Tameuh i pahengra y awm jo ai nai pachei.

AMTAW 2:42

Naibaly nichi ly abangnaichi i leu patiu naira y hawi amkawm naira y hawi, tako theng baw naira y hawi, chiu sa naira y py hawihai palai awm u jo.

AMTAW 26:22

Na i py kai ly Tameuh teng i dengdairei sabawm naira kanga nai deaungkho y amochi hawi Mosi my thui nai leu tym ai nai harei ny y baly, vaini khrairei khumi katheangchi hawi khumi kalenchi teng y py leu pany hai nai kaawm jo;

ROM AVANGCHI TENG Y PAWLA I CHA PA NAI 11:22

Hunaibaly Tameuh i neaung hawi nai sai hawi ryh patyh pa-rei ang parip nai sai ly dawn cham; atlym naichi i vui ly ryh patyh pa-rei ang parip nai ne; naibaly nang ly mymy i neaung hawi naira y awm jojo baly, Tameuh i neaung hawi nai sai naini nang i vui ne; ti y baly nang ai py ang do vui teang ai.

ROM AVANGCHI TENG Y PAWLA I CHA PA NAI 2:13

Reita thai jo khyh naichi ly Tameuh i mei ka-niu y khumi kahawi lawn y leang: reita patawm naichi naini khumi kahawi palawn ai:

ROM AVANGCHI TENG Y PAWLA I CHA PA NAI 7:12

Hunaibaly Reita ly kachai ne, leu pei nai py chai py chai, hawi py hawi, meitang py ne.

ROM AVANGCHI TENG Y PAWLA I CHA PA NAI 8:15

Nangchi ly jei nai awm bi ai nai miseaung lawn ai nai phailo nga u bi nai ny y leang; na i py chanau lawn ai nai phailo nga u nai teu; achi ly huni deaungkho y Abba, Ngaai, nanai aeu reng.

ROM AVANGCHI TENG Y PAWLA I CHA PA NAI 8:2

Ati mana nai mo nabaly Krista Isu y heng naira phailo i reita my ly kamngo hawi dei naira reita i nai ly kai ai ang law hai veng bo.

I KORINTH 15:58

Hunai deaungkho y kai i amjo amnau ngai parai naichi awi, khaw parai pa-rei, amchyh lei y pa-rei my Areng i kalop y ly sa ra sa ra jojo ai nai awm u, nangchi i sa akawm nai ly Areng y ly jawm sum vai y, nanai nangchi pany.

II KORINTH 13:5

Nangchi ly ym naira y awm u na mo, nanai nangmychi kypkyp my akaneu ly, nangmychi kypkyp my acham u. Ti y baly Isu Krista ly nangmychi teng y awm, nanai nangmychi kypkyp my hawihai palai pany u y nai sai a? Cham naira y eaung nai ne u y makho baly.

KALATIA 2:4

huni ly tapawp nai amjo amnauchi ai kangviu y kun hai nai deaungkho y teu; hunichi ly kaichi ai miseaung ang palawn u thai ai nai kaichi i Krista Isu y tlamsa naira nga nai ly khen paryp ai nai kangviu y kun u bo.

KALATIA 5:1

Krista my ly miseaung ny y ai nai ang patheu jau chy bo; hunaibaly khaw pa-rei angdo u ly, miseaung i langvui savan y ly atang u reng moh jau.

KALATIA 6:2

Nangchi i myn kaji pho nai ly alawn u, hunaibaly nangchi ly Krista i reita patawm u nai keung lawn ai.

KOLOSA 1:23

nangchi ly ym naira y awm u jojo i, amchym naira nga u iy khaw parai pa-rei awm u naimy, nangchi i Satang Kahawi thai nai athang khai naira i dengdairei asyh vui y baly; huni ly kani anui y atiti sa nai bawibawichi theung y aeu hai nai ne chy bo; naibaly kai, Pawla ai ly huni ai kry ai nai keung y ang palawn nai ne.

I TIMOTHEI 2:15

na i py nichi ly amkym nai tarawi y ym naira y hawi, tamen naira y hawi, chai naira y py awm jojo baly, chanau tapen nai deaungkho y paheng naira nga ai.

I TIMOTHEI 4:16

Nangmy hawi nang i patiu naira y ly amkym ly. Hunichi ly so veangveang; nang ly hunai kamta sa naira y ly nangmy hawi nang i leu tangai naichi ai py paheng ai.

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,

JAKOB 2:12

Miseaung alaw nai reita my tara ang chih ai nai deaungkho y leu thui u ly, atiti py so u teang.

I PETERA 2:16

Nangchi ly alaw nai ne, na i py nangchi i alaw nai ly kamngo ai khiu naira y teaung y naimy, Tameuh i miseaung y awm nai kamta teaung u.

I JOHAN 2:24

Nangchi i angchei kha i dengdairei thai nai ly nangmychi y awm jojo sy. Nangchi i angchei kha i dengdairei thai nai ly nangmychi y awm jojo baly, nangchi py Chapo y hawi Ampo y py awm jojo ai.

AMTENG HAI NAI 14:13

Naibaly kani pri mang i dengdairei raawi my ly, “Hina nai kamta tajiu. Vai i dengdairei amteaung iy Areng y dei naichi ly taham hawi: Phailo my py, Ne, nichi ly mymychi i sa akawm naichi anawn vui thai ai nai, nichi i atiti sa naichi ly nichi ai hui jojo,” nanai thui nai kathai.

AMTENG HAI NAI 22:14

Heng naira dengkeaung y tym ai nai nga thai ai nai hawi, apai katheu mang avang pui y kun thai ai nai py nichi i kanih pasiu naichi ly taham hawi.

1 SAMUELA 12:14

Nangchi ly nangmychi i Areng Tameuh ai, jei kaji naimy chiu iy leu pei naichi ai akhi y, leu tangai nai hawimy nangmychi i samrang hawi vanrei, mymy i pahen naira y atyp u baly, nangchi ly tlamsa ai.