JAKOB 1:17 - Khumi Common Language Bible

¹⁷ Atiti pei nai kahawi hawi, atiti pei angym nai bawibawi ly salo mang i dengdairei, kangvangchi i Ampo teng i nai ang kathiu nai ne; mymy y ly takhra naira hawi ami nai pa-pui den py awm thai y.

JAKOB 1:17 Iomraidhean Croise

ATITI AWM ANGCHEI NAI 41:16

Josepha my, “Samrang awi, kai py kaimy ngai ngai thui pi pachai thai y leang, na i py Tameuh my avo nai kamta thui pi pachai thai ai,” napi.

1 NENG SATANG 22:12

Nang i Areng Tameuh ly nang ai mymy i leu pei nai kamta, Israela pri y peang kawp ai nai pany thai praw nai cheng naira hawi tau cheng naira pei na sy.

1 NENG SATANG 29:19

Nang i leu pei naichi ai paleung hawi verei tangai ai ngai nai paleung ka-dawn py, Achura yhm cheang pa-rei paleung hawi verei sa ai ngai nai paleung py, kai i chapo Solomon teng y pei pi kyh ba. Huni Achura yhm i vui kai ly hini atitichi angveirym bo,” nanai chiu sa.

SAM 102:27

Na i py nang ly mana khala py huna jojo; nang i heng nai deung ly mana khala py tem vai ai ny y.

SAM 122:6

Jerusalem mary tlamsa ai nai molam chiu sa nai ly “Nang ai tamen nai khumichi ly nang u sy.

SAM 136:7

Mymy ly kanito hawi lo ai sa; mymy i tamen nai ly deungtasarei ne.

SAM 84:11

Areng ly achi ai ama hai nai keung, phum-ang len nai samrang ne; mymy ly achi ai pahen iy tahm pasang bo. Mymy ly kateng sa nai khumichi ai hawi naira pei ai nai akhi y leang.

SAM 85:12

Areng ly achi ai nang chawn hai ai; achi i pri py amti amjang khri pa-rei thawn ai.

LEU KACHENG 2:6

Cheng naira pei nai keung ly Areng ne. Cheng naira hawi pany thai naira ly mymy teng i dengdairei ang tym nai ne.

ISAIA 28:26

Tameuh ly ni teng y cheng naira pei pi nai deaungkho y, ni ly amy i sa ai nai pany.

ISAIA 45:7

Kai ly kangvang hawi kaveng ai sa. Amtheaung naira hawi ka-jeira ai py sa. Kai, Areng ly hini bawibawichi ai sa nai ne.

ISAIA 46:10

Kai ly angchei khala i dengdairei, leu kangtem kang thuipi yb nai ne. Mo mang y tym ai nai atitichi ai, jangni khala my kang thui pi yb veng bo. Kai i dawn pasym naichi ly mana khala py phra ai ny y, nanai kaimy thui pi yb nai kamta, kai i pasym yb nai atitichi ly sa ai.

ISAIA 60:19

“Kanithun y kanito py, vum y lo py, nang i kangvang lawm ai ny y. Kai, Areng naini, nang i vui deungtasarei kangvang lawm ai. Kai i nang parai nai kangvang sangso ly nang i tlang tleaung y angvang ai.

MALAKHI 3:6

“Kai ly Areng ne nai deaungkho y takhra vai y; hunai deaungkho y Jakob i katu chanauchi lawm nai nangchi ly pipi sum y leang rai.

Kati Nai 11:17

Huni meingtym y kai kang jeu ai i, nang hawi leu arum ai; kaimy nang ai kang pei nai haiho phyrei la iy nichi teng y kapei ai. Naibaly hini khumi mipuichi i vui sa pi ai nai kalopchi, nichi my nang ai ang sabawm pajau ai i, huni kalop ly nangmy leaungrei sa ai nai ny y leang bo.

Kati Nai 11:25

Naibaly Areng ly tamai theung y satla kathiu i, Mosi hawi leu arum bo. Areng ly Mosi teng y pei nai phailo phyrei la iy lu sa nai leaung vui saryhreichi teng y pei pi bo. Nichi ly phailo nga u nai khala amochi kamta aeu u; na i py nichi ly tlenrei aeu u khyh.

Kati Nai 23:19

Tameuh ly khumi kamta ka-chawi leu thui y leang; mymy ly khumi kamta paleung ali vui y leang. Mymy ly leu adeu nai kamta sa khyp; mymy i leu pei nai kamta py ne khyp.

MATTHAI 7:11

Hunaibaly nangchi khumi kamngo malawn py nangchi i chanauchi ai atiti kahawi pei ai nai sai pany baly, Ngampo kani pri mang y awm nai my ly hnei nai keungchi ai ly atiti kahawi mana tanrei ang pei y ai a?

LUKA 11:13

Hunaibaly nangchi khumi kamngo malawn py chanauchi teng y atiti kahawi pei ai nai sai pany baly, kani pri mang i Ngampo ly hnei nai keungchi teng y ly Phailo Kachai mana tanrei ang pei ai mo?” napi.

JOHAN 1:9

Khumi bawibawi angvang hai nai kangvang tatang ly khaileaung pri y ang jeu bo.

JOHAN 3:27

Johan my nichi teng y, “Kani pri mang i nai pei nai ny y baly khumi ly ati sai py ngo thai y leang.

JOHAN 3:3

Isu my pathang i ni teng y, “Meitang khypkhyp kang thui pi, khumi ami py kangtha tapen y baly Tameuh i peang naira niu thai y leang,” napi.

JOHAN 8:12

Naibaly Isu my nichi teng y leu thui bi i, “Kai ly khaileaung pri i kangvang ne; ami py kai teng y abang nai ly kavengra y tako ai ny y i, heng naira kangvang nga lawh ai,” napi.

AMTAW 11:18

Nichi ly huna nai leu thai khala y ly sai py tlau y i, “Hunaibaly Tameuh my Cheng Takhrachi ai py hengra nga ai nai uikhei ai nai pei teang nai bo to,” nanai Tameuh ai palo bo.

AMTAW 5:31

Israelachi ai kamngo uikhei hai ai nai hawi pahen ai nai py, mymy kypkyp ai ly Tameuh my Areng hawi Paheng Keung y awm ai nai vui mymy i lamtang mang y pasang bo.

ROM AVANGCHI TENG Y PAWLA I CHA PA NAI 6:23

Ati mana nai mo nabaly kamngo vang ly dei naira ne; na i py Tameuh i jawm pei nai ly achi i Areng Isu Krista i saho y deungtasarei heng naira ne.

I KORINTH 4:7

Nang ai ly ami my tahm ang khai katlen mo? Nang ly jawm nga nai ny y baly nang ly ati awm mo? Naibaly nang ly jawm my nga baly ati mana nai jawm my nga nai ny y nai kamta am-e lawh mo?

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

EPHESI 2:8

Ati mana nai mo nabaly nangchi ym nai deaungkho y pahenra y hengra nga u veng bo; huni py nangmychi teng i theu nai ny y leang, Tameuh i jawm pei nai teu;

Leu Thui Nai 4:19

Kani mang y nangchi i niu nai kanito, lo hawi ka-si taukichi ka-tawm myn sa iy, chiu y ai nai atyp u. Achi i Areng Tameuh ly cheng takhra khumichi ai huni mynchi chiu ai nai pei nai ne.

PHILIPI 1:29

Ati mana nai mo nabaly nangchi ly Krista deaungkho y mymy ai ym nai harei khyh ny y naimy, mymy deaungkho y nangchi ai ly patang u ai nai py ang pei nai ne;

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

HEBRAI 13:8

Isu Krista ly jangdyh py, vaini py, deungtasa khrairei py huna jojo.

JAKOB 1:5

Na i py nangchi theung y ami py cheng naira avaw baly, khumi bawibawi teng y jo y nai hawi pasai y naimy pei reng nai keung Tameuh teng y hnei sy, naibaly ang pei takengkei ai.

JAKOB 3:15

Hini cheng naira ly salo mang i dengdairei ang kathiu nai ny y leang, khaileaung pri i hawi, tlang i ngai naira i hawi, vawinam teng i theu nai teu.

JAKOB 3:17

Na i py salo mang i dengdairei cheng naira theu nai ly angchei y chai vui rai, hunai bo y ly aly ai nai ngai i neaung py hawi parai, ado ai nai py ngai, pahen naira hawi athai kahawi my kawi, naibaly patle takhra y i tapawp nai py by y.

I JOHAN 1:5

Naibaly leu taviu nai mymy teng i dengdairei kaichi i thai nai, nangchi teng y kang thui pi pateang ai nai ly hini ne he:

I JOHAN 4:10

Hinira y ly tamen naira awm, achi ly Tameuh ai tamen nai ny y leang, mymy ly achi ai ang tamen iy, achi i kamngochi ahui nai langseaung syn naira lawn thai ai nai mymy i Chapo ai ang pato nai teu.

AMTENG HAI NAI 21:23

Naibaly huni avang pui ai angvang hai ai nai ly kanito mo, lo mo aly ngai y leang; Tameuh i nang parai naira ly angvang hai nai ne, huni i maisi py Beram Cho ne lawh.

AMTENG HAI NAI 22:5

Vum, nanai ly awm ali ai ny y ; nichi ly maisi kangvang hawi kanito kangvang py aly ngai u y ai; Areng Tameuh my ly nichi ai angvang hai ai i, nichi ly deungtasarei peang u jojo ai.

1 SAMUELA 15:29

Israela chengchi i nang parai nai Tameuh ly ka-chawi thui y, paleung py amtlau vai y leang; mymy ly khumi kamta, mymy i paleung amtlau vui ai ny y,” napi.