JAKOB 1:10 - Khumi Common Language Bible

¹⁰ naibaly khumi kanang ly tahm panem nai deaungkho y kawn sy, ati mana nai mo nabaly mymy ly acha pau kamta rawm iy tama ai.

JAKOB 1:10 Iomraidhean Croise

JOBA 14:2

Nichi ly kaseaung kamta pau kasa iy, rawm u bo. Pa-pui kamta tama u reng nai ne.

SAM 102:11

Kai i heng nai deung ly dym ka-khui kamta ne; kai ly acha kamta jeirawm veng bo.

SAM 103:15

Achi i heng nai ly acha kamta ne. achi ly daichi kaseaung kamta, keung cheang iy pau angdai nai ne;

SAM 37:2

Nichi ly jeirawm veng nai achachi kamta, kra y naimy tama u pawn ai. Jei nawm nai keungchychi kamta, dei veng ai.

SAM 39:6

Pa-pui kamta tanareichy heng khyh. Ni i sa nai leaungsaichi ly atyhtyh teu; ni ly yhmtheaung katui pateung achu teu i py, mani ai ly ami my amtym ai mo, nanai ni ly pany y leang.

ISAIA 40:6

Huni raawi my, “A-eu!” napi nai deaungkho y, “Ati amjy aeu ai mo?” nanai kaimy deng baly, “Khumi angso bawibawichi ly acha keung atawm iy, daichi kaseaung kamta akan y, nanai aeu!

ISAIA 40:7

Areng my pato nai ali hawi avum nai khala y acha keung ly jei iy, kaseaung pauchi py rawm nai ne. Khumichi ly acha keung tanrei heng khyh nai ne.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

MATTHAI 5:3

“Paleung apanem naichi ly taham hawi: kani pri ly mymychi i ne.

MATTHAI 6:30

Hunaibaly nangchi ym nai di naichi awi, acha kangheng, vaini angti heng iy khawn mang y ly mai y teih ryp nai ai malawn py Tameuh my huna tanrei pateaung baly, hunichi tleaung y ly nangchi ai ateaung mana tanrei ang pei ai mo?

I KORINTH 7:31

khaileaung pri y teaung naichi ly teaung u ala y nai kamta awm u sy: ati mana nai mo nabaly hini khaileaung pri i awm nai reita ly tama dudu bo he.

PHILIPI 3:8

Ne khyp, kai i Areng, Krista Isu ai pany naira ly atiti bawibawi tleaung y hawi keh nai deaungkho y ati cheaungkhang py chau naira y kapalawn nai ne.

I TIMOTHEI 6:17

Hini khaileaung pri y nang naichi ly am-e y ai nai hawi, khaw y nai yhmtheaung ai ny y naimy, atiti bawibawi kawn ai nai khri pa-rei ang pei reng nai keung Tameuh ai athang khai ai nai pachei.

JAKOB 4:14

Nangchi i heng naira ly ati mo? Kra y nai sala y amteng iy tama ali ryp veng nai tamai kamta atawm.

I PETERA 1:24

“Khumi bawibawichi ly acha kangheng kamta ne, Huni i apu nai sai ly acha pau kamta ne. Acha kangheng ly jei iy, Pau ly tla reng,

I JOHAN 2:17

Khaileaung pri hawi, huni i ngai phi teng y nairachi raurei py tama dudu nai ne; na i py Tameuh i kangai sa nai keung ly deungtasarei awm jojo ai.