I PETERA 5:5 - Khumi Common Language Bible

⁵ Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.

I PETERA 5:5 Iomraidhean Croise

2 NENG SATANG 6:41

Aw Areng Tameuh, vai ang thau iy, nang i sa thai nai ka-ma-ra Leu Maikawm Pawm hawi vanrei, Achura yhm theung y jeu ly deungtasarei awm jo ba. Nang i khumichi ly mymychi nga nai pahen naira molam y, amo theu u sy.

JOBA 22:29

Tameuh ly paleung len nai khumichi ai tahm anem hai iy, tahm apanem nai khumichi ai atleu ai.

JOBA 29:14

Kai ly hawi naira hawi, adyh adawi naira y atyp jojo.

SAM 132:16

Hini mary i pathyp pi nai keungchi i, sa nai ngiereichi ai amtheaung hai ai; mary i khumichi py amo theu nai khulym thui aeu u ai.

SAM 132:9

Nang i pathyp pi nai keungchi ly kateng lam so u jojo sy; nang i khumichi ly amo theu parai naimy aeu u sy!

SAM 138:6

Nang ly tahm asang parai teu i py, tahm anem nai khumichi ai kry nai ne; paleung len amlyh nai khumichi ai ly kamlo mang my pany bo.

LEU KACHENG 25:7

Amy tleaung y tahm asang nai khumi leaungrei ai, meingtym aheng pi ai nai leu ang pei nai tleaung y ly tahm asang keh nai meingtym y ateh ai nai leu ang pei nai ly hawi keh nai ne.

LEU KACHENG 3:34

Mymy ly paleung len nai khumichi ai niu ngai y i, paleung apanem nai khumichi ai ly meimai khen nai ne.

ISAIA 57:15

“Kai ly deungtasarei heng nai Tameuh, tahm asang iy chai parai nai Tameuh ne. Na i py kai ly chai parai nai salo kangteng y awm nai ne teu i py, paleung phra nai khumi, paleung apanem nai khumichi ai paleung hawi phailo atho nga ali teang ai nai nichi teng y kaawm hai.

ISAIA 61:10

Jerusalem mary ly Areng i sa nai kalop molam y amo theu ai. Ni ly apom ai nai ateaung amthyp nai, deaung vawi nai anglo hawi atawm. Tameuh ly ni ai atleu naira, eaung nairachi hawi amthyp hai bo.

ISAIA 66:2

Kai ly khusang deaungdu verei sa nai ne. Paleung apanem iy uikheih naichi hawi, kai ai jei hyn naimy kai i leu tangai nai khumichi ai kai ly khrei nai ne.

Ezekiela 26:16

Pangli mang khuleaung chei nai prichi i samrang bawibawichi ly samrang atehrachi ra i nai satla u iy, mymychi i ateaung kangjiuchi hawi, mawi en thun nai ateaungchi aleng iy khaileaung y kaso theu naimy ateh u ai. Nang i avum nai khym taham ai niu iy nichi ly lyh naimy, kaso theu u jojo ai.

DANIELA 11:12

Ni ly tavai eaung nai molam y py, tavaimi neangneangchi ai padei pajau nai deaungkho y py, amlyh am-e ai. Na i py ni ly eaung naira nga bi ai ny y.

Levi 19:32

“Miteaungchi ai tahm khai ai nai tla; kai ai jei kaji iy kai i leu tangai ai nai tla; Kai ly Areng ne.

LUKA 22:26

Na i py nangchi ly hunai kamta ny y leang; nangchi theung y len kyh nai khumi ly deaungdi kyh nai kamta awm sy: areng keh nai khumi ly kalop amsi nai keung kamta awm lawh sy.

ROM AVANGCHI TENG Y PAWLA I CHA PA NAI 12:10

Amjo amnauchi ai tamen naira y ly neaung hawi parai naimy paleung abi u leungtang; leaungrei ly leaungrei ai amy tleaung y tahm pasang sy;

ROM AVANGCHI TENG Y PAWLA I CHA PA NAI 13:14

Areng Isu Krista ai phai amthyp u ly, nangchi i tlang i ngai phi teng y naira amcheang ai nai ati sai py so u moh.

EPHESI 5:21

Krista ai tahm khai nai tarawi y nangmychi tengtawi aau u leungtang.

PHILIPI 2:3

Apreaung nai hawi tahm apasang nai deaungkho y ati sai py so u y naimy, khumi leaung leaungrei ly tahm apanem parai naimy amy tleaung y khumi takhra ly hawi kyh, nanai palawn bawibawi sy;

KOLOSA 3:12

Hunaibaly khumi kachai hawi ngai parai naichi awi, Tameuh i vawi nai khumichi kamta paleung verei pahen naira hawi, neaung hawi naira hawi, tahm apanem naira hawi, leu anui naira hawi, amnym naira py amthyp u;

I TIMOTHEI 5:1

Miteaung keh nai ai ly preng moh ly, ampo kamta parawi;

HEBRAI 13:17

Nangchi ai peang nai keungchi i leu tangai u ly, nichi i ngaingai awm u; ati mana nai mo nabaly nichi ly mymychi i sa nai sai thui pi cham ai nai tla nai keung kamta, nangchi i phailo ai ang typ pi nai ne; huni ly paleung mawn nai tarawi y ny y naimy, amo theu nai tarawi y so u sy; huni ny y baly nangchi i vui kamran by y leang bo.

JAKOB 4:6

Na i py mymy ly pahenra pei panawi reng: hunai deaungkho y Tameuh i cha-iu leu y, “Tameuh ly kam-echi ai paka iy, tahm apanem naichi ai ly pahenra pei,” nanai ne.

I PETERA 3:8

Kangkhym kangtem y ly nangchi bawibawi paleung vanrei awm u ly, pahen nai paleung awm u, amjo amnauchi kamta atamen u, neaung kahawi awm u, leu anui naimy awm u ly:

I PETERA 4:1

Hunaibaly Krista ly tlang mang y patang nai deaungkho y nangchi py hunai kamta paleung ly hai kamta teaung u teang; tlang mang y patang nai khumi ai ly kamngo mang y anawn hai veng nai bo;

I PETERA 4:5

nichi ly kanghengchi hawi kadeichi ai tara chih ai nai angveirym nai keung teng y mymychi i satang thui pi ai nai tla.