I PETERA 5:3 - Khumi Common Language Bible

³ nangchi teng y au naichi i tlang tleaung y atho sa nai kamta ny y naimy, beram kanghu i vui y amtiu naira apalawn u.

I PETERA 5:3 Iomraidhean Croise

SAM 33:12

Areng ai Tameuh palawn iy chiu nai khumi cheng ly taham hawi; Mymy i khumi lawm ai nai vawi takhra nai khumichi ly taham hawi.

SAM 74:2

Jangni dengdairei nangmy vawi takhra nai khumichi, nangmy i khumichi lawm ai nai miseaung i nai atleu pi nai khumichi ai pany jo ba. Vaichi khala nangmy awm reng nai Zion mawi ai pany jo kyh ba.

Ezekiela 34:4

Kreaung nai beramchi ai khen y, no nga nai beramchi ai py asi so pi y; tamo nga nai beramchi ai kanih hawi bam pi y, lam tamang nai beramchi ai pakym y; tama nai beramchi ai py hau y naimy, nangchi ly huni beramchi ai pahen ai nai pany u y.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

Kati Nai 18:7

Na i py nang hawi nang i chapochi naini maicham hawi chai keh nai meingtym i vui, pathyp pi nai keung i sa ai tla nai kalopchi sa ai nai ne. Khumi takhra nai ahai lawh baly, huni khumi ai ly padei ai nai tla. Kai ly nangchi ai pathyp pi nai keung y tahm kang pasang nai ne i, nangchi ly hini kalopchi sa u ai nai tla,” napi.

JOHAN 13:15

Nangchi i tlang tleaung y kaimy kang sa pi nai kamta ly nangchi py sa teang ai nai kang patei bo.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

I KORINTH 11:11

Na i py Areng y ly neampachy ly neampacho ny y baly awm pajau y, neampacho py neampachy ny y baly awm pajau y leang teang.

I KORINTH 3:5

Apolo ly ati mo? Pawla py ati mo? Kalop sa nai keung, nangmychi ai ym hai nai keung teu; huni py Areng my leaung leaungrei teng y ang pei nai kamta ne.

I KORINTH 3:9

Kaini ly Tameuh hawi kalop sa ahawi nai ne; nangchi ly Tameuh i pachai nai hlau ne i, Tameuh i sa nai yhm py ne teang.

II KORINTH 1:24

Kaichi ly nangchi i ym naira y peang ai naira nga kana nai ny y leang, kaichi ly nangchi i kawn ai naira y naini kang sabawm hai nai keung ne kang napi nai teu; nangchi ly ym naira y angdo u nai ne.

II KORINTH 4:5

Kaichi ly kaimychi i satang thui nai ny y leang, Krista Isu ly Areng ne, nanai thui nai teu; kaichi py Isu deaungkho y nangchi i miseaung lawn nai py thui pi teang.

Leu Thui Nai 32:9

Na i py Jakob i kangpreangchi ai, mymy i vui y vawi takhra bo.

PHILIPI 3:17

Amjo amnauchi awi, nangchi ly kai i amtiu nai keung y lawn u, naibaly nangchi ly kaichi ai khen pata ai nai awm i, huni kamta tako naichi ai ly hawihai khen u.

PHILIPI 4:9

Kaimy y nangchi i atiti amtiu nai hawi, tangai nai hawi, thai nai hawi niu nai py hunichi kamta so u; hunaibaly awmnem nai Tameuh my ly nangchi ai ang awm hai ai mang.

I THESALONIKA 1:7

hunaibaly Makedonia pri hawi Akaia pri i ym nai bawibawichi i vui y nangchi ly khen pata naira lawn u bo.

II THESALONIKA 3:9

kaichi ly pajau y nai deaungkho y ny y leang, nangchi ly kaichi i amtiu naichi lawn ai nai khen pata ai naira sa nai teu.

I TIMOTHEI 4:12

Nang i saneng nau nai sai ly ami my tahm khai y ai nai so moh: na i py nang ly leu thui naira y hawi, amhi amtlau naira y hawi, tamen naira y hawi, ym naira y hawi, chai naira y py ym naichi i vui y amtiu naira lawn ba.

TITA 2:7

Makeng mang asa naichi theung i ami my achi i tlang tleaung y leu hawi y nai thui ai by y nai deaungkho y kaji thai ai nai,

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;