I PETERA 5:2 - Khumi Common Language Bible

² Nangchi theung y awm nai Tameuh i beram kanghu ai ly kry u: sa ai nai tla nai deaungkho y ny y naimy Tameuh i ngai nai kamta ngai parai nai tarawi y kry u; chai y nai kamran nga ai nai ngai nai deaungkho y ny y naimy, paleung ngai parai naimy kry u;

I PETERA 5:2 Iomraidhean Croise

2 ARENG KEH 12:6

Na i py Joasa i peang nai saneng 23 tym nai ryrei, pathyp pi nai keungchi ly Achura yhm y mani sa palum nai py so y rai nai ne.

Solomon i khulym 1:8

Khrei ai hawi keh nai neampachy awi, huni meingtym nang pany y a? Beram kanghu nithun abang ly beram typ nai keungchi i kani tangbeungchi sahawi y nangmy i mi-ichi i vui teicha patlai nai meingtym hau ba.

ISAIA 40:11

Mymy ly beram typ nai keung kamta, mymy i beram kanghu ai pacho panei iy kry ai. Mymy ly beramchochi ai pangym iy, kiu hawi tapawm naimy nichi i amhmchi ai lam patei iy pahawi kajai ai.

ISAIA 56:11

Nichi ly cha nai paleung anyp pajau y, ngai ala nai uichi hawi atawm. Nichi ly ati sai py ka-dawn by y nai lu sa naichi ne. Mychi kangai sa akyhkyh iy, amy i vui y kamran hau u khyh naichi ne.

ISAIA 6:8

Naibaly Areng my, “Kai ly ami ai kapato ai mo? Kaichi i vui ami chei ai mo?,” nanai deng. Kaimy py, “Kai kachei ai! Kai ai pato ba!,” nanai kapathang.

ISAIA 63:11

Hunaibaly nichi ly jangni y Areng i miseaung Mosi i deung y adawn u vau i, “Mymy i khumichi i lu sa naichi ai pangli i nai atleu pi nai Areng ly ma y mo? Mosi ai sa thai naira pei patyp keh nai Areng ly ma y mo?

JEREMIA 13:17

Nangchi tangai u y lawh baly, kai ly nangchi i amlyh am-e nai molam y vo paryp ai. Kai ly paleung si nai khri pa-rei vo ai. Ati mana nai mo nabaly Areng i khumichi ly langheng y hawi pawn nai deaungkho y, kai ly meikatui tla ai.

JEREMIA 13:20

Jerusalem mary awi, khen cham! Nang i paleung ka-echi ly tosyh mang dengdairei ang jeu dudu bo! Kry ai nai nang teng y kang-au nai khumichi my tahm khai nai khumichi ly ma mang y awm u pawn mo?

JEREMIA 6:13

Khumi katheang kalen bawibawichi ly teng y naimy nang chawn ai nai hau u bo. Amochi hawi pathyp pi nai keungchi malawn py, khumichi ai li-tapawp u nai ne.

JEREMIA 8:10

Hunai deaungkho y nichi i li hlauchi ai yhmkeung kangtha teng y hawi, nichi i ajuchi ai takhra khumichi teng y py kapei pi vui ai. Khumi katheang kalen khyh chang y, khumi bawibawichi ly teng y naimy paisa tangka hau u bo. Amochi hawi pathyp pi nai keungchi malawn py, khumichi ai tapawp u nai ne.

Ezekiela 34:23

Nichi i vui beram typ nai keung leaungrei lawm ai nai, kai i miseaung Davida ka-tawm samrang khai pi ai. Ni my ly nichi ai kry ai.

Ezekiela 34:31

“Kai i beramchi, kai i pacho panei nai beram kanghuchi, nangchi ly kai i khumichi ne iy, kai ly nangchi i Tameuh ne,” nanai sa thai naira angym nai kai, Areng my leu pei nai ne.

Ezekiela 46:24

Huni khumi my, “Hini takeangchi ly khumichi my talam nai tawnbawichi ai, Achura yhm y kalop amsi nai khumichi i, mawi byhra takeangchi ne,” nanai kai teng y ang thui pi bo.

MIKHA 3:11

Mary y peang nai khumichi ly un tangka cha iy, peang u. Pathyp pi nai keungchi ly vang nga ai nai i vui y reita leuchi patiu pi. Amochi ly tangka la iy amteng hai nai leu thui pachai u. Nichi bawibawi my Areng ly nichi hawi vanrei awm, nanai thui u. Nichi my, “Kaichi teng y patang naira tym pajau y, Areng ly kaichi hawi vanrei awm nai ne,” nanai thui u bo.

MIKHA 5:4

Huni samrang ang jeu nai khala y, ni ly Areng teng i sa thai naira hawi py, my i Areng Tameuh teng i sa thai naira hawi py, mymy i khumichi ai peang ai. Khaileaung pri verei y awm nai khumi bawibawichi ly mymy i nang parai nai sai pany nai deaungkho y, my i khumichi ly chymme naimy awm u ai.

MIKHA 7:14

Aw Areng, nangmy vawi takhra nai khumichi ai, beram typ nai keung kamta kry kyh ba. Nichi ly daichi theung y ahei akyhkyh teu i py, huni meingtym i paitiu khuta hawi nai khaileaung my, nichi ai taki teungtareung na sy. Nichi ai jangni khala y achachi peung nai Basan pri hawi Kilead prichira y sui tlai hai nai kamta, vai py hini pri y awm hai ba.

ZEKHARIAH 11:17

Vang teng y nai beram typ keung ka-khum ly taham si! Ni ly my i beram kanghuchi ai khai su bo. Tavai takai deaungkho y ni i sa thai naira bawibawi ai taphra vui ai. Ni i kiuban ly jeirawm vui iy, lamtang mei py paju ai,” napi.

MALAKHI 1:10

Ati cheaungkhang sa thai nai Areng my, “Kai i maicham salo y, chai y nai maichi teaung y ai nai khumi leaungrei my Achura yhm katheu pa-khochi kho veng nai awm i khyly, mana tanrei hawi ai mo? Kai ly nangchi ai kawn y leang. Kai teng y nangchi syn nai katalamra py, kang kawn pi y leang.

Kati Nai 18:7

Na i py nang hawi nang i chapochi naini maicham hawi chai keh nai meingtym i vui, pathyp pi nai keung i sa ai tla nai kalopchi sa ai nai ne. Khumi takhra nai ahai lawh baly, huni khumi ai ly padei ai nai tla. Kai ly nangchi ai pathyp pi nai keung y tahm kang pasang nai ne i, nangchi ly hini kalopchi sa u ai nai tla,” napi.

LUKA 12:32

Kamkawm di naichi awi, jei u moh; Ngampo my ka-peang ang pei nai ly khri pa-rei ang kawn.

AMTAW 20:29

Kai chei nai bo y ly kasui kasichi ly nangchi theung y ang kun ai i, kanghu ai ly ang khai ai nai ny y leang, nanai kai pany.

AMTAW 21:13

Naibaly Pawla my, “Ati mana nai kai ai paleung si hai ai nai vo u ryry lawh? Areng Isu i amyn deaungkho y Jerusalem y kawm ai nai kavam nai khyh ny y leang, dei ai nai py kavam nai na a,” nanai pathang.

ROM AVANGCHI TENG Y PAWLA I CHA PA NAI 1:15

Hunaibaly kai ly nangchi, Rom avang y awm naichi teng y py Satang Kahawi ly pajau nai ryrei thui pi ai nai kangvei rym nai ne.

I KORINTH 9:7

Amy apacho ryp iy tavaimi kalop ami sa vai mo? Athai cho y pui naimy kreip akho ami sa vai mo? Ti y baly tawnbawi kanghu kanu cho y pui naimy tawnbawi kanghu ami kry vai mo?

I TIMOTHEI 3:3

patiu nai sai py kawp nai, kreip athai hang pavui y nai, khumi ai tabeang y nai, neaung hawi nai, jo sei y nai, tangka paleung no y nai,

I TIMOTHEI 3:8

Hunai kamta teang dikonchi ly tahm khai ai nai khumi awm ai nai tla, achang palai kamta hawi kreip athai hang ha nai khumi ny y i, kamran hau reng nai khumi py ne moh sy;

TITA 1:11

nichi ly kamran hau reng i patiu ngau y nai leu patiu iy, dengtheung vereichi ai atlym hai.

TITA 1:7

Ati mana nai mo nabaly palau takhra kamkawm peang nai keung my ly Tameuh i yhmthaeung kry nai keung ne nai deaungkho y, cheh naira by y nai pa-rei awm ai nai tla; ni ly amy i ngai nai harei dawn khyh nai hawi, kado theu praw nai hawi, kreip athai hang pavui nai hawi, khumi ai tabeang nai hawi, kamran hau reng nai khumi py ne ai nai tlo y.

TITA 2:14

mymy ly achi i taphra naira bawibawi i dengdairei achi ai atleu thai ai nai hawi, mymy i vui y atiti kahawi sa ai nai dawn kheng naichi, mymy i khumi kypkyp lawn iy amy i kavui y pachai thai ai nai py achi i vui y apei bo.

TITA 3:1

Pri peang naichi hawi, aly peang nai keungchi i kangai awm ai nai hawi, leu tangai ai nai hawi, atiti kahawi sa ai nai ngai nai paleung awm ai nai hawi,

PHILEMON 1:14

na i py nang i kahawi sa naira ly sa tanga ai nai tla nai kamta ny y naimy, nang i ngaingai sa nai kamta lawn thai ai nai, nang i leu ny y baly ati sai py sa ai nai kangai y leang.

HEBRAI 12:15

hawihai palai amkym u, ti y baly ami mo Tameuh i pahenra ai kai y nai awm lawh na i, kho naira tangjyn ampho iy ang khrukhra hai lawh na; hunira y ly khumi neangneangchi ai chai hai y nai awm lawh iy,

II PETERA 2:3

Naibaly nichi ly yhmtheaung ai paleung no nai deaungkho y leu ka-chawi y nangchi ai ang teaung iy kamrancha ai; na i py jangni i dengdairei mymychi i tlang tleaung y leu atlym nai ly kyh chawn y iy, mymychi ai tama hai naira py i ngym y leang bo.