I PETERA 4:3 - Khumi Common Language Bible

³ Cheng Takhrachi i kangai sa ai nai hawi paleaung naira y hawi, tlang i ngai phi teng y naira y hawi, pavui naira y hawi, mhm nei khrukhra naira y hawi, mhm nei ryry naira y hawi, myn y chiu nai kamso awm parai naira y py tako ai nai, jangni i neng ly hawi khyp bo;

I PETERA 4:3 Iomraidhean Croise

2 SAMUELA 13:28

Abasalom ly samrangchi hawi amlau nai cha nei pawi pui angveirym iy miseaungchi teng y, “Amanon ly kreip hang nei nai pavui tleaungleaung nai khala y, kaimy leu kang pei ai. Huna nai khala y nangchi ly ni ai tleh u, jei u moh. Kaimy rara ne sy. Vam parai naimy so u! mynkym u moh! " napi.

1 ARENG KEH 21:26

Ahab ly Amori pri khumichi i sa nai kamta, mynchi y chiu nai molam y khri pa-rei jei kaji ai hawi nai kamngochi sa bo. Amori khumichi ly Kanan pri y Israela chengchi kun u nai thym khala, Areng my patheu nai khumichi ne.)

2 NENG SATANG 15:8

Hina nai Oded i chapo Azariah my thui nai amo leu thai nai khala, Asa ly atho nga i, Juda khu ka-peang, Benjamin khu ka-peangchi hawi mawi nawi nai Ephraim pri marychira i mynchi taphra vui bo. Samrang ly Achura yhm apai theung i maicham py, sa palum teang nai ne.

ISAIA 28:7

Amochi hawi pathyp pi nai keungchi malawn py nei cha ala nai deaungkho y atlym u khikha nai ne. Nichi ly kreip hang hawi mhm-rah nei ala nai deaungkho y, tapai taveang iy atlym u bo. Amochi ly pavui jojo nai deaungkho y, Tameuh my amteng hai naichira i awm nai sai pany thai u y. Pathyp pi nai keungchi py, mychi teng y tym nai atitichi ai tara chih pi thai y nai ne.

ISAIA 5:11

Nangchi ly taham si! Nangchi ly mhm-rah nei u ai nai ang thau kasa iy, dym mang py pavui jojo reng nai ne.

ISAIA 65:4

Nichi ly vum y tapiuchi, tapreaungchira y chei iy, khumi kadei phailochi hawi leu arum u nai ne. Nichi ly eu mawi cha iy nichi i laawm theung i, chai y nai mawi byh hangchi nei u.

JEREMIA 16:11

Naibaly nichi teng y Areng my, ‘Nangchi i amsi pajochi ly kai ai khai su iy tameuh takhrachi ai chiu u bo. Nichi ly kai ai khai su i, kai i leu py tangai u y bo.

JEREMIA 16:18

Nichi ai mychi i kamngo hawi, hawi y nai saichi molam y phy nyhrei kapajeng ai. Ati mana nai mo nabaly khumi kadei kamta heng y nai mynchi saho y, kai i pri ai chai nem hai y bo. Mychi teng y kaimy pei nai pri y tameuh ka-chawichi hawimy kawi hai bo,” napi.

Ezekiela 44:6

“Atiu reng nai Israela chengchi teng y, mymychi i sa reng nai amso ngai nairachi ai sa thai naira angym nai kai, Areng ly paleung amnym pi jojo ai ny y, nanai thui pi.

Ezekiela 45:9

Sa thai naira angym nai Areng my, “Israela samrangchi awi, nangchi i kamngo sa nai ly kra bo! Nangchi i khrukhra naira hawi kamjau kamteang sa nai ly anawn u. Kataw kateng hawi adyh adawi nairachi so u. Nangchi ly kai i khumichi ai mymychi pri i nai mana khala py patheu bi reng moh. Hini ly nangchi teng y sa thai naira angym nai kai, Areng my pei nai leu ne.

MARKA 7:22

angai naichi, paviu naichi, khumi ai padei naichi, pajang sa naichi, paleung ano naichi, kamngo naichi, tapawp naichi, paleaung naichi, akeng naichi, thui preaung naichi, am-e naichi, pathu naichi ly:

AMTAW 17:30

Hunaibaly Tameuh my achi i pany y khala i neng ly dawn pi y leang; na i py vai ly meingtym tleirei i khumi bawibawichi ai uikhei ai nai leu ang pei bo;

ROM AVANGCHI TENG Y PAWLA I CHA PA NAI 13:13

Kanithun y awm nai kamta hawihai palai awm u sina; mhm nei khrukhra nai hawi, mhm pavui y naimy, paleaung nai hawi angai nai py awm y naimy, ajo nai hawi paleung ano nai py awm u moh sina.

I KORINTH 12:2

Nangchi ly Cheng Takhrachi ne nai thym khala y ly ati mana mo iy py ang pahawi nai ngierei ly, huni raawi by y nai mynchi mang y ang pahawi naira y awm u bo, nanai ly nangchi pany.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

II KORINTH 12:21

ti y baly kai kang jeu bi nai khala y kai i Tameuh my nangchi i mo y kai ai tahm panem lawh na, naibaly angchei i atiti kamngo sa nai keungchi theung y atiti chai y nai py, angai nai py, paleaung nai py sa reng nai uikhei ngai y nai khumi neangneangchi ai kai ly vo hai lawh na.

KALATIA 5:19

Naibaly tlang i atiti sa naichi ly hawihai amny; huni ly hinichi ne he;

KALATIA 5:21

pavui naichi, mhm pawi y amo theu naichi, hunichi ka-tawm ly; huni sa reng naichi ly Tameuh i peang naira amtym u y ai, nanai jangni y kang thui pi rym nai kamta vai py kang thui pi rym nai he.

EPHESI 5:18

Naibaly kreip athai hang pavui u moh, hunira y ly amkym pajau y naira awm lawh veng; Phailo kawi nai phai awm u;

I THESALONIKA 4:5

leaung leaungrei ly chai naira y hawi tahm khai naimy amy i tlang ai ly apako u bawibawi sy;

TITA 3:3

Ati mana nai mo nabaly achi py jangni y ly cheng y nai hawi, leu tangai y nai hawi, tapawp naira y awm nai hawi, tlang i ngai phi teng y naira hawi amo theu naira takhra takhra i miseaung y lawn nai hawi, thui tamawn nai hawi, paleung no naira y awm iy, amso awm nai hawi amychi tengtawi aniu ngai y naichi py ne teang.

I PETERA 1:14

Leu tangai nai chanauchi kamta ly, nangchi i pany y nai thym khala i jangni y nangchi i tlang i ngai phi teng y nai kamta awm u moh;

JUDA 1:4

Ati mana nai mo nabaly khumi amichi mo ly kangviu y kun lawh i, nichi ai ly hini sum naira nga hai ai nai jangni y khai rym naichi ne; nichi ly Tameuh ai tahm khai y i, achi i Tameuh i pahenra ai ly paleaung naira palawn u iy, achi ai Peang nai Keung hawi Areng leaungrei awm khyh nai Isu Krista ai ly apha u vui.