I PETERA 4:18 - Khumi Common Language Bible

¹⁸ Naibaly khumi kahawi malawn py heng naira nga e ei khyh baly, Tameuh ai tahm khai y nai khumi hawi khumi kamngo ly ma mang y amteng ai mo?

I PETERA 4:18 Iomraidhean Croise

ATITI AWM ANGCHEI NAI 13:13

Sodom mary i khumichi ly aso y nai deaungkho y, Areng i mei ka-niu y kamngo nawi nai khumichi ne.

LEU KACHENG 11:31

Khumi kahawichi ly khaileaung pri y hawi naira amtym u ai; huna nai kamta teang, kamngo sa nai khumichi ly meitang khyp, pajeng naira avum u ai.

JEREMIA 25:29

Kai ly taphra nai kakop ai, kai i amyn apu nai mary pui dengdairei amteaung ai. Huni mary i khumichi ly pajeng naira avum u ai ny y, nanai athang khai u a? Ny y leang. Kai ly khaileaung pri y awm nai khumi bawibawichi teng y tavai ka-jeira kapato ai i, nichi ly pajeng naira avum u takengkei ai. Hini ly kai Areng thui nai leu ne.

Ezekiela 18:24

“Na i py khumi kahawi ly kahawi sa nai anawn iy khumi hawi y naichi sa reng nai amso ngai nai hawi y naichi sa lawh baly, ni ly heng asai rai na a? Heng y leang! Ni i kahawi sa naichi kapany pi ai ny y. Ni ly ka-ym by y nai molam y kamngo awm i, mymy i sa tamang nai kamngochi deaungkho y dei ai nai tla ai.

ZEKHARIAH 13:9

Naibaly kai ly tangka ai mai hawi pachai nai kamta, dei kamthum phy thomrei y phyrei ai pachai ai. Nichi ai cham iy khen ai. Kai ly muku ai cham nai kamta, nichi ai cham ai. Naibaly nichi ly kai teng y chiu sa u ai, Kai py pathang pi ai. Nichi ly kai i khumichi ne, nanai nichi teng y thui pi ai. Nichi my py kai ly mychi i Tameuh ne, nanai pany u ai,” napi.

LUKA 15:1

Naibaly akeu cheaung nai khumichi hawi, khumi kamngo bawibawichi ly ni i leu tangai ai nai mymy ahawi y tapai.

LUKA 23:31

Dengkeaung kangheng ai malawn py hina tanrei sa baly, kadei ai ipsaly mana tanrei sa ai mo?” napi.

AMTAW 14:22

ngari neangneang patang iy Tameuh i peang naira y kun ai nai teu, nanai abangnaichi ly paleung khaw hai iy, ym naira y ly awm jo ai nai pachei prei prei.

AMTAW 27:24

‘Pawla, jei moh, nang ly kaisara i mo y angdo ai nai tla; naibaly khen cham, paleaung mang nang hawi chei ahawi nai bawibawichi py Tameuh my nang ai ang pei nai mang,’ ang napi.

AMTAW 27:31

hunai thym khala y Pawla my ly tavaimi chungvairei lu hawi tavaimichi teng y, “Hinichi ly paleaung kalen y awm jo y baly nangchi lawi pajau y leang,” napi.

ROM AVANGCHI TENG Y PAWLA I CHA PA NAI 1:18

Leu meitang ai hawi y naira y paka nai keungchi i Tameuh ai tahm khai y naira hawi, hawi y naira bawibawichi i tlang tleaung y py kani pri mang i dengdairei Tameuh i kado theu naira amteng nai ne;

ROM AVANGCHI TENG Y PAWLA I CHA PA NAI 5:6

Achi ly ham y nai thym khala y ly neng khyp nai khala y Krista ly khumi kamngochi i vui y dei pi bo.

ROM AVANGCHI TENG Y PAWLA I CHA PA NAI 5:8

Na i py achi khumi kamngo nai thym khala y Krista ly achi i vui y dei pi nai deaungkho y, Tameuh ly mymy i achi ai ang tamen nai ly palo ai ataing nai amteng hai.

I KORINTH 10:12

Hunai deaungkho y angdo, nanai adawm nai khumi ly amkym sy, ti y baly atlym lawh na.

I TIMOTHEI 1:9

Reita ly khumi kahawi i vui y sa nai ny y leang, Reita taphra naichi hawi leu tangai y naichi i vui py, Tameuh ai dawn y naichi hawi khumi kamngochi i vui py, chai y nai khumichi hawi Tameuh ai tahm khai y naichi i vui py, amhm ampochi ai pakhau naichi i vui py, khumi ai tleh naichi i vui py,

HEBRAI 4:1

Hunai deaungkho y jei nai tarawi y amkym u sina, ti y baly mymy i anawn naira y kun ai nai leu adeu nai ly awm jojo makho iy, nangchi theung y ami py kai y nai awm lawh na.

JAKOB 5:6

Khumi kahawi ai ly nangchi my pasum iy padei i, ni my ly nangchi ai paka y leang.

I PETERA 5:8

Amkym u ly, atyp u; nangchi i paleung ka-e diabola ly pa-u reng nai khrangsi takai kamta ly ang cha thai ai naira hau nai ami kalaka na veng;

II PETERA 3:7

na i py vai i kani khaileaung ly huni leu deaungkho y Tameuh ai tahm khai y naichi ai tara chih ai nai hawi tama hai ai nai kani i vui y khai iy, mai i vui pateung achu nai lawn bo.

JUDA 1:15

Tameuh ai tahm khai y nai bawibawichi i tahm khai y nai sala y Tameuh ai dawndan y nai sa naira bawibawi lam y hawi, Tameuh ai tahm khai y nai kamngo sa nai keungchi i mymy i tlang tleaung y leu kasi thui nai bawibawi lam y py pasum ai nai, Areng my ly mymy i tep rep ma pany y nai khumi kachaichi hawi ang jeu nai bo,” napi.

1 SAMUELA 15:18

Kamngo parai nai Amalek chengchi ai tamyh pawn ai nai leu pei iy, ang pato nai ne. Mymy ly nichi ai leaungrei py tleaung y pa-rei, padei pawn ai nai leu ang pei bo.