I PETERA 4:16 - Khumi Common Language Bible

¹⁶ na i py Kristian ne nai deaungkho y patang nai ne baly, kaji moh sy; huni i amyn deaungkho y Tameuh ai phai palo sy.

I PETERA 4:16 Iomraidhean Croise

ISAIA 24:15

nisi mang i khumichi my, mymy ai palo u ai. Pangli peang y awm u nai khumichi py, Israela chengchi i Areng Tameuh ai palo u ai.

ISAIA 50:7

Na i py Areng ly kai ai sabawm nai deaungkho y, nichi i ana nai ly kai i tlang tleaung y patang naira tym hai y leang. Hunichi ai kham pajau ai nai, kai ly khamta bo.

ISAIA 54:4

Jei moh, nang ly kangji ngo bi y leang bo. Cheh nai py avum ai ny y. Nang ly anglo deaungdi nai khala y, ka-ym by y nai aju lawm vai nai py, neampachy lumai kamta, jeaungmang nanai pa-rei avum nai py, tami veng ai.

AMTAW 11:26

Naibaly nini ly sanengrei cheng cheng palau takhra kamkawmchi hawi achu jojo i, khumi neangneangchi ai py patiu teang. Antiokei avang y ly abangnaichi ai Kristian, nanai amyn pathi manme nai ne.

AMTAW 26:28

Naibaly Akripa ly Pawla teng y, “Kai ai maiden chy parawi iy Kristian palawn ai tau nai na a hi ly,” napi.

AMTAW 28:22

Na i py hini kamkawm ai ly meingtym tleirei my cheh lawh veng, nanai kaichi pany i, nang ly mana dawn mo, nanai kaichi pany ai nai ngai he,” napi.

AMTAW 5:41

Naibaly nichi ly tara chih nai keungchi theung i dengdairei tako iy, hini Amyn y amthang leaung ai nai pa-rei patang ai nai abawi ai ataing nai deaungkho y khri pa-rei kawn u.

PHILIPI 1:20

kai i athang khai naira hawi kai i ngai parai nai kamta ly, ati ra y py amthang hai leaung nai kaawm y ai i, vam parai naimy kawm reng nai kamta vai py hengra deaungkho y mo, deira deaungkho y, kai i tlang y ly Krista ai palo naira lawn lawh ai.

PHILIPI 1:29

Ati mana nai mo nabaly nangchi ly Krista deaungkho y mymy ai ym nai harei khyh ny y naimy, mymy deaungkho y nangchi ai ly patang u ai nai py ang pei nai ne;

II TIMOTHEI 1:12

Hunai deaungkho y kai ly hini atitichi kapatang : na i py kai ly kaji y leang; kai i ym nai keung ai ly kapany i, ni teng y kaau nai ly huni kani i vui y mymy ly hawihai kry thai, nanai kapany khyp bo.

JAKOB 2:7

Nichi ly nangchi ai pathi nai amyn kahawi ai ly thui tamawn y a?

I PETERA 2:12

Cheng Takhrachi theung y nangchi i amhi amtlau nai sai ly apu parai nai ne sy, hunaibaly nangchi ai kamngo sa nai keungchi kamta ang thui tamawn naira y ly nangchi i atiti kahawi sa naichi niu nai deaungkho y, de nai kani y ly Tameuh ai ang palo thai ai.

I PETERA 4:11

khumi ami py leu thui baly, Tameuh i leu kamta thui sy; khumi ami py sabawm baly Tameuh i ham naira ang pei nai kamta so sy; hunaibaly Isu Krista deaungkho y Tameuh ai ly ati cheaungkhangra y palo nai awm thai ai: nang parai naira hawi peang naira ly deungtasarei mymy i ne. Amen.

I PETERA 4:14

Krista i amyn deaungkho y nangchi ai ang jo nai ne baly nangchi taham hawi; ati mana nai mo nabaly nang parai nai Phailo hawi Tameuh i Phailo ly nangchi i tlang tleaung y awm.

I PETERA 4:19

Hunai deaungkho y Tameuh i avo hai nai kamta patang naichi ly atiti kahawi sa iy nichi i phailo ai ly Sa nai Keung ka-ym awm parai nai teng y au u sy.