I PETERA 3:9 - Khumi Common Language Bible

⁹ hawi y sa nai ly hawi y sa nai vawitheung tha u moh ly, jo sei nai py jo sei nai vawitheung tha u moh; hunai kamta ny y naimy amtheaung hai:ati mana nai mo nabaly nangchi ai ly amtheaung naira amtym ai nai ang palau veng bo.

I PETERA 3:9 Iomraidhean Croise

ATITI AWM ANGCHEI NAI 42:25

Josepha my amjochi i paiso puichira y chohchi kawi pa-rei lum hai; nichi leaung leaungrei teng i choh vang nga nai tangkachi py, paiso puichira y pavei pi teang iy, lam y cha ai nai teicha teineichi py pavei pi ai nai leu pei nai ne.

LEU KACHENG 17:13

Hawi naira ai hawi y naira hawi, patlai teang reng nai khumi i yhm ly hawi naira awm ai ny y.

LEU KACHENG 20:22

Ka-jo vawitheung tha ai nai dawn moh; Areng ai phai ym. Hunaibaly mymy ly nang ai atleu ai.

LEU KACHENG 28:10

Khumi kahawi ai tapawp-hyp iy, hawi y naira sa hai reng nai khumi ly my i pateung nai deaung y, mymy naimy man ai. Kamngo by y nai khumi ly kawn vang nga ai.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

MATTHAI 5:39

Na i py kai ly kang thui pi, khumi kamngo ai ei u reng moh; ami py nang i lamtang mang i tangbeng y ang tabeang nai ngierei ai ly makengrei mang py amteng tlam.

MATTHAI 5:44

Na i py kai ly kang thui pi, nangchi ly nangchi i Ampo kani mang y awm nai i chanauchi lawn thai ai nai, nangchi i paleung ka-echi ai tamen u ly; nangchi ai ana nai keungchi i vui y chui so pi u: ati mana nai mo nabaly.

MARKA 10:17

Naibaly mymy ly tako ai nai theu nai thym khala y khumi leaungrei ly mymy mang y angpreng naimy, mymy i mo y ateh chakrym i mymy teng y, “Sara kahawi, deungtasarei hengra kanga thai ai nai mana kasa ai mo?” nanai deng.

LUKA 10:25

Naibaly khen cham, Reita pany nai keung ami mo angdo i mymy ai cham ai nai, “Sara, deungtasarei hengra nga ai nai mana kasa ai mo?” napi.

LUKA 18:18

Naibaly miteaung keh ami mo mymy teng y, “Sara kahawi, deungtasarei hengra kanga thai ai nai mana kasa ai mo?” nanai deng.

ROM AVANGCHI TENG Y PAWLA I CHA PA NAI 12:14

Nangchi ai ana naichi ai ly amtheaung hai u ly; amtheaung hai u ly, amsawi ly pasawi u moh.

ROM AVANGCHI TENG Y PAWLA I CHA PA NAI 12:17

Ami i kamngo py kamngo nai vawitheung tha u moh. Khumi bawibawichi i mei ka-niu y atiti apu ai naira dawn u rym.

ROM AVANGCHI TENG Y PAWLA I CHA PA NAI 8:28

Naibaly Tameuh ai tamen nai keung mymy i khai rym nai kamta palau naichi i vui ly ati py tym sy, mymychi i vui hawi ai naira theu hai reng, nanai achi pany.

ROM AVANGCHI TENG Y PAWLA I CHA PA NAI 8:30

naibaly mymy i khai rym naichi ai ly ang palau teang; naibaly mymy i palau naichi ai ly ang eaung hai teang; naibaly mymy i eaung hai naichi ai ly ang palo teang.

KALATIA 3:14

(ati mana nai mo nabaly, “Dengkeaung y dang nai ngierei ly amsawi lawi nai ne,” nanai tajiu nai ne:) hunaibaly achi ly ym naira deaungkho y adeu nai Phailo ly nga pajau ai.

EPHESI 4:32

Naibaly ako leungtang nai neaung hawi nai awm u ly, Tameuh my Krista y ang pahen nai kamta ly apahen u.

I THESALONIKA 5:15

Ami i hawi y sa nai py hawi y sa nai vawitheung tha y ai nai amkym u; nangchi i atiti sa pi leungtang naira y hawi, khumi bawibawichi i tlang tleaung y sa pi naira y py hawi nai ngierei ai phai hui u jojo.

HEBRAI 12:17

Huni bo y mymy ly huni amtheaung hai naira amtym ai nai ngai iy py, mei katui tla nai tarawi y hawihai palai hau teu iy py, paleung adawn ali naira ka-vo ngo y nai deaungkho y mymy ai ly ngai y leang bo, nanai pany u bo.

HEBRAI 6:14

“Lawi pajau y pa-rei kaimy amtheaung hai takengkei ai. Peung py kang peung hai takengkei ai,” napi.

I PETERA 5:10

Naibaly pahenra bawibawi i sangum Tameuh, mymy i deungtasarei nang parai naira nga ai nai Krista y ang palau nai keung kypkyp my ly, nangchi kra y nai sala chy patang nai bo y nangchi ai angym py angym hai ai, khaw py khaw hai ai, ham py ham hai ai mang.

1 SAMUELA 26:11

Areng my khai takhra nai samrang ai padei y ai nai, kai ai Areng my paka na sy. Ani ly samrang i tivi hawi tui adym la iy, theu hawi sina,” napi.