I PETERA 3:14 - Khumi Common Language Bible

¹⁴ Na i py nangchi ly hawi naira deaungkho y patang u baly, nangchi ly taham hawi; naibaly nichi i pajei naira ai ly jei u moh ly, paleung py bi u moh:

I PETERA 3:14 Iomraidhean Croise

LEU KACHENG 3:25

Nang ly khumi hawi y naichi i tlang tleaung y ali kamchai kamta, vaimy tym miu reng nai patangra ly avum ai, nanai paleung mawn moh.

ISAIA 51:12

Areng my, “Nangchi ai atho kawi angym hai nai keung ly kai ne. Acha keung tanrei heng sau khyh nai dei thai nai amjy khumi ai, nangchi ly ati mana nai jei u nai mo?

JEREMIA 1:8

Kai ly nang hawi vanrei awm iy, nang ai asa hai ai. Hunai deaungkho y nang ly nichi ai jei moh; hini ly kai, Areng i thui nai leu ne! " nanai kai teng y leu ang pei bo.

JEREMIA 15:15

Huna nai khala kaimy, “Nang ly pany nai ne. Kaichi ai pany jo ly sabawm kyh ba. Kaichi ai pahyp y naimy ana nai khumichi ai, vawitheung tha teang ai nai pei kyh ba. Nichi ly kaichi ai padei ai nai neng tym nai pa-rei, neaung kham pi moh. Kaichi i tlang tleaung y mei aniu y nai ly nang deaungkho y ne, nanai pany pi jo kyh ba.

Ezekiela 3:9

Kai ly nang ai lengseaung tleaung y malawn py tang hai iy, diamond kamta tang hai ai. Huni tiu ham nai khumichi ai jei moh, kaso theu moh,’ napi.

MATTHAI 10:28

Naibaly tlang y padei iy, phailo ai padei pajau y nai keungchi ai ly jei u moh ly, ngari angawm y phailo hawi tlang ai tama hai pajau nai keung ai phai jei u.

MATTHAI 10:31

Hunai deaungkho y jei u moh; nangchi ly li tavo chy neangneangchi tleaung y teng keh na a.

MATTHAI 10:39

Ami my amy ka-tleaung hengra hau nai khumi ly tama ai, kai i vui y amy i hengra tama nai khumi ly hengra nga ai.

MATTHAI 16:25

Ati mana nai mo nabaly ami py amy i hengra aplawi ai nai ngai nai ngierei ly tama ai: ami py kaimy deaungkho y amy i hengra tama nai ngierei ly nga ai.

MATTHAI 19:29

Naibaly khumi ami py kaimy i amyn deaungkho y yhm mo, amjo amnauchi mo, tuichochi mo, ampo mo, amhm mo, chanauchi mo, hlau mo khai jo nai ngierei ly neangneang nga panawi ai i, deungtasarei hengra py nga bi ai.

MARKA 10:29

Isu ly, “Meitang khyp kang thui pi, ami py kaimy deaungkho y hawi Satang Kahawi deaungkho y py yhm mo, amjo amnauchi mo, tuichochi mo, amhm mo, ampo mo, chanauchi mo, hlau mo khai jo nai ngierei ly,

MARKA 8:35

Ati mana nai mo nabaly ami py amy i hengra apalawi ai nai ngai nai ngierei ly tama ai: ami py kaimy hawi Satang Kahawi deaungkho y amy i hengra tama nai ngierei ly apalawi ai.

JOHAN 14:1

“Nangchi i paleungbi u moh. Tameuh ai ym i kai ai py ym.

JOHAN 14:27

Awmnem naira kang daw pi mang; kaimy i awmnem naira kang pei: khaileaung prichi my pei nai kamta kang pei y leang mang: nangchi i paleung bi u moh, jei py jei u moh.

AMTAW 9:16

kai i amyn deaungkho y mymy ly mana tanrei patang ai mo, nanai kaimy ni ai pany hai ai,” napi.

II KORINTH 12:10

Hunai deaungkho y Krista i molam y ham y naira y py, kangji pei naira y py, rai naira y py, ana hai naira y py, dawn amchei naira y py kakawn lawh nai ne; kai i ham y naira tleirei y kaham lawh nai ne.

PHILIPI 1:29

Ati mana nai mo nabaly nangchi ly Krista deaungkho y mymy ai ym nai harei khyh ny y naimy, mymy deaungkho y nangchi ai ly patang u ai nai py ang pei nai ne;

JAKOB 1:12

Cham naira kham pajau tanga nai keung ly taham hawi, cham pajau nai bo y ni ly Areng my mymy ai tamen naichi teng y adeu nai hengra lukym nga ai.

JAKOB 5:11

Khen cham achi ly kham pajau tanga nai keungchi ly tahm hawi, napi. Joba kham pajau nai sai py nangchi thai u bo, naibaly Areng i kangkhym y sa nai sai py nangchi niu u bo, Areng ly pahen naira hawi neaung hawi naira my kawi.

I PETERA 3:6

Sarai i Abraham ai “Areng” napi nai mymy i leu tangai nai kamta:nangchi ly atiti kahawi sa iy, jei y naimy kaso theu y nai awm baly mymy i chanauchi lawn u bo.