I PETERA 3:12 - Khumi Common Language Bible

¹² Areng i mei ly khumi kahawi ai khen pathyp reng, Mymy i kano py nichi i chiu sa nai mang y patheung reng: Na i py Areng i meimai ly atiti hawi y sa nai keungchi i tlang tleaung y awm lawh reng,” nanai ne.

I PETERA 3:12 Iomraidhean Croise

2 NENG SATANG 16:9

Areng ly mymy ai ka-ym awm nai khumichi teng y sa thai naira pei ai nai khaileaung pri verei y, hawihai palai khen patawm bo. Nang ly hawi y naira sa lawh nai y, vai i dengdairei tavai atiu nai awm jo ai,” napi.

2 NENG SATANG 7:15

Kai ly hini Achura yhm kry pi ai. Hini Achura yhm y chiu sa naichi pathang pi ai.

SAM 11:4

Areng ly Achura yhm kachai theung y awm; mymy i areng atehra ly kani pri mang y awm. Mymy ly khumi bawibawichi ai khen patawm iy, nichi i sa nai leaungsaichi pany pi.

SAM 33:18

Areng ly mymy ai jei kaji nai hawi khaw parai nai tamen naira ai ym nai khumichi ai kry nai ne.

SAM 65:2

Amychi adeu nai leu sa khyp ai avo nai ne; khumi bawibawichi ly mychi i kamngo nai molam y, mymy teng y ahihawi u ai.

SAM 80:16

Kaichi i paleung ka-echi ly huni keung ai ateng iy, mai leng pawn bo; kado theu nai mei hawi nichi ai khen iy, taphra pawn kyh ba!

LEU KACHENG 15:29

Areng ly khumi kahawichi i chiu sa nai tangai pi; na i py khumi hawi y naichi i chiu sa nai ai ly dawndan pi y nai ne.

LEU KACHENG 15:3

Areng ly meingtym tleirei i sa nai saichi ai niu. Mymy ly khumi hawi nai, hawi y naichi i amhi amtlau naichi ai khen nai ne.

LEU KACHENG 15:8

Areng ly khumi kahawichi i chiu sa nai ai kawn pi; na i py khumi hawi y naichi i, apathyp nai tawnbawichi ai ly paso nai ne.

JEREMIA 21:10

Kai ly hini mary ai law tleaung hai y naimy taphra vui ai nai adawn yb bo. Hunichi ai Babulon samrang i kiu y au ai i, ni my py hini mary ai mai leng iy taphra ai. Hini ly kai, Areng i thui nai leu ne,” napi.

JEREMIA 39:12

“Nang chei ly Jeremia ai palau iy hawihai kry ba; ni ai ano moh. Ni i ngai nai kamta sa ai nai pei pi,” nanai leu taviu bo.

Ezekiela 15:7

kapajeng ai. Nichi ly mai i nai tleaung u i py vai, mai harei my kang vui ai. Huni khumichi pajeng naira avum nai khala, kai ly Areng ne, nanai nangchi pany u ai.

Levi 17:10

Israela cheng mo, Israela chengchi theung y awm nai cheng takhra mo, thi abawi nai mawi cha lawh baly, Areng ly meimai hi pi vui iy mymy i khumichi theung i nai nyn va vui ai.

Levi 20:3

Ami mi py my i cho chanau ai Mole tameuh teng chiu ai nai pei nai molam y, kai i Tabynako ai chai hai y iy kai i amyn thui tamawn lawh baly, kai ly ni ai meimai hi pi vui iy kai i khumichi theung i nai nyn va vui ai.

Levi 20:6

“Kadeichi i phailo hawi leu arum nai khumichi teng y tau hnei nai khumi ai, kai ly meimai hi vui iy kai i khumichi theung i nai nyn va vui ai.

Levi 26:17

Kai ly nangchi ai nithun thun hai vui nai deaungkho y, nangchi ly tavai sum u ai i, paleung ka-echi my ang peang ai. Nangchi ly khri pa-rei jei hyn nai y, hui nai khumi by y naimy angpreng u ai.

JOHAN 9:31

Tameuh my khumi kamngo i leu tangai pi y, nanai achi pany; na i py ami py Tameuh ai chiu iy mymy i kangai sa baly, Tameuh ly mymy ai tangai pi reng.

Leu Thui Nai 11:12

nangchi i Areng Tameuh my saneng jeungrei kry jojo nai pri py ne.

JAKOB 5:16

Hunaibaly no hawi ang sa pi thai ai nai nangchi i kamngo ly mang mang ahui u ly, mang mang py chiu aso u. Khumi kahawi i chiu sa nai ly khrikhri pa-rei atiti sa thai.