I PETERA 3:11 - Khumi Common Language Bible

¹¹ Kamngo ai hi veng iy atiti kahawi so sy; Aly naira hau iy hui veangveang sy.

I PETERA 3:11 Iomraidhean Croise

JOBA 1:1

Uz pri y Joba napi nai khumi leaungrei awm; ni ly hawi naira angym i, Tameuh ai jei kaji nai khumi, hawi y naira asyn ai nai pany nai khumi ne.

JOBA 2:3

Areng my, “Khaileaung pri y hawi angym iy kai, Tameuh ai jei kaji naimy hawi y naira asyn ai nai pany nai khumi, kai i miseaung Joba kamta leaungrei py by y, nanai pany bo a? Nang ly ni i vui hawi y ai nai atyhtyh naimy kai teng y takeng. Na i py Joba ly ka-ym awm tleaung awmra bo,” napi.

JOBA 28:28

Tameuh my khumichi teng y, “Tau cheng naira awm ai nai Areng ai jei naimy tahm khai ai nai tla. Tau cheng naira nga ai nai, hawi y nai asyn vui ai nai tla,” nanai leu pei bo.

SAM 125:4

Aw Areng, khumi kahawi, nang i leu pei nai tangai nai khumichi teng y hawi naira so pi kyh ba.

SAM 34:14

Hawi y nai ai en vui iy, hawi nai so u; tlamsa naira nga ai nai ham parai naimy atho so u.

SAM 37:27

Hawi y nai ai en vui iy kahawi phai so; hunaibaly nang i katu chanauchi ly pri y awm ai nai nga u jojo ai.

LEU KACHENG 16:17

Khumi kahawichi ly hawi y naira lam mang y tako vai y; na i py amy i tako ai nai lam dawn ryhpatyh nai khumi ly mymy tlang ai akry nai ne.

LEU KACHENG 16:6

Ka-ymra leu meitang ai tahm khai nai khumi ly kamngo pahenra nga ai. Areng ai jei kaji nai khumi ly hawi y nai ai en vui reng nai ne.

LEU KACHENG 3:7

Nang ly nangmy i cheng naira y paleung len moh. Areng i leu ai tangai iy, teng y naira y ly en vui ba.

MATTHAI 5:45

Ngampo kani pri mang y awm nai ly khumi kamngo hawi khumi meitang i tlang tleaung y kani si hai i, khumi kahawi hawi khumi hawi y nai tlang tleaung y kani nai hai teang.

MATTHAI 5:9

“Aly hai nai keungchi ly taham hawi: nichi ai ly Tameuh i chanauchi pathi ai.

MATTHAI 6:13

Parawi naira y pahawi moh ba, Kaichi ai hawi y nairai y ly lawi hai kyh ba, nanai thui u.

MARKA 14:7

Khumi kamkawnchi ly nangchi teng y awm jo chy bo: nangmychi my ngaingai kha y nichi ai sabawm pajau na a: kai naini nangchi teng y kang awm jojo ai nai ny y leang.

LUKA 1:79

Kaveng theung y hawi, deira ka-khui y ateh naichi ai angvang hai ai nai hawi, Awm nem naira lam y achi i kheu takan hai ai nai py, Salo mang i dengdairei kani si nai ly achi ai ang de ai,” nanai thui yb.

LUKA 6:35

Na i py nangchi i paleung ka-echi ai tamen u ly, nichi i vui kahawi so u ly, dawn amcheng y naimy alai ai nai pei u; hunaibaly nangchi i kawn nai vang ly nawi ai i, Salo Kangteng i chanau lawn u ai; ni ly kawn ai naira pany y naichi ai hawi, khumi kamngochi ai py paheng nai keung ne.

LUKA 6:9

Naibaly ni ly angthau iy angdo. Naibaly Isu my nichi teng y, “Anawn Kani y hawi sa ai nai mo, taphra ai nai mo, paheng ai nai mo, padei ai nai mo sa ngau a? nanai nangchi teng y kang deng,” napi.

JOHAN 17:15

Nangmy nichi ai khaileaung pri i nai la vui ai nai chiu sa pi nai ny y leang, kamngo teng i nai nichi ai lawi hai ai nai chiu sa pi nai teu.

ROM AVANGCHI TENG Y PAWLA I CHA PA NAI 12:18

Pajau baly nangmychi i kamjau ryrei khumi bawibawichi hawi aly u.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

ROM AVANGCHI TENG Y PAWLA I CHA PA NAI 14:19

Hunaibaly achi ly aly ai naira hawi akhaw hai leungtang ai nai atitichi ai hui u sina.

ROM AVANGCHI TENG Y PAWLA I CHA PA NAI 5:1

Hunaibaly ym naira deaungkho y eaung naira nga iy achi ly achi i Areng Isu Krista i saho y Tameuh hawi aly naira nga bo;

ROM AVANGCHI TENG Y PAWLA I CHA PA NAI 7:19

Ati mana nai mo nabaly, atiti kahawi sa ai kangai nai ly kaso y; na i py kamngo sa ai kangai y nai ly kasa reng.

ROM AVANGCHI TENG Y PAWLA I CHA PA NAI 7:21

Hunaibaly hini reita ly kapany bo; atiti kahawi sa ai kangai nai thym khala y kamngo ly kai teng y awm lawh nai ne.

ROM AVANGCHI TENG Y PAWLA I CHA PA NAI 8:6

Tlang mang i atitichi ngai nai ly dei naira ne, Phailo mang i atitichi ngai nai naini heng naira hawi awmnem naira py ne;

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 6:10

Hunaibaly achi i avo nai neng tleirei ly khumi bawibawichi i tlang tleaung y atiti kahawi so u sina, naibaly ym nai dengtheungchi i tlang tleaung y so u patyp keh sina.

KOLOSA 3:15

Naibaly Krista i awmnem naira my ly nangchi i paleung ai peang sy, hunai kamta lawn ai nai nangchi ai ly tlang bomrei y ang palau nai chy bo; naibaly kawn u.

I TIMOTHEI 6:18

Nichi ly atiti kahawi sa iy, hawi naira my kawi sy; atiti paawh y iy sabawm ai nai ngai praw nai keung py awm u sy:

HEBRAI 12:14

Khumi bawibawichi hawi aly naira ai hawi chai naira ai py hui u; huni chai naira ny y baly ami py Areng ai niu y ai;

HEBRAI 13:16

Na i py atiti kahawi sa ai nai hawi, atiti paawh y naimy tami u moh, hunai kamta apathyp naira y ly Tameuh ly khrikhri paleung hawi na.

JAKOB 4:17

Naibaly ami py atiti kahawi sa ai nai pany iy so y baly, mymy i vui ly kamngo ne.

I PETERA 3:12

Areng i mei ly khumi kahawi ai khen pathyp reng, Mymy i kano py nichi i chiu sa nai mang y patheung reng: Na i py Areng i meimai ly atiti hawi y sa nai keungchi i tlang tleaung y awm lawh reng,” nanai ne.

III JOHAN 1:11

Ngai parai nai awi, kamngo ly amtiu moh ly, kahawi phai amtiu. Atiti kahawi sa nai keung ly Tameuh teng i nai ne; atiti kamngo sa nai keung ly Tameuh ai niu vai y leang.

TARA CHIH NAI KEUNGCHI 11:14

Jephetha ly Ammon samrang teng y savaichi pato bi i, hina nai pathang bo.