I PETERA 2:6 - Khumi Common Language Bible

⁶ Ati mana nai mo nabaly Tameuh i cha-iu leu y ly, “Khen cham, Zion y ly taki i lengseaung aly len keh nai, Vawi takhra nai hawi vang teng parai nai kakhai nai ne; Ami py mymy ai ym nai ngierei ly amthang leaung y ai,” nanai tajiu nai ne.

I PETERA 2:6 Iomraidhean Croise

ATITI AWM ANGCHEI NAI 49:24

Na i py Jakob i ati cheaungkhang sa thai nai Tameuh i sa thai naira hawi py, Israela ai ama hai nai beram typ nai keung i sabawm nai saho y py, ni i thailiho ly amchyh y iy, ni i kiubanchi py ham nai ne.

SAM 40:14

Kai ai padei ai nai atho sa nai khumichi ly sum angchi khyp iy, ahei u phro phra sy. Kai i patang nairachi molam y amo theu nai khumichi ly anaw iy kangji ngo u sy.

SAM 89:19

Jangni khala y nang ly ka-ym awm nai miseaungchi teng y amteng hai nai ly “Amyn amthang nai sorai risachi ai kaimy sabawm bo; kaimy khumi theung i nai leaungrei ai vawi takhra iy, samrang atehra kapei pi bo.

ISAIA 28:16

Vai, ati cheaungkhang sa thai nai keung Areng my leu pei nai ly “Kai ly Zion y khaw parai pa-rei langdeng kapala ai. Kai ly ‘Hawihai palai ym naimy athang khai nai khumi ly kham tanga naimy ajeng nai ne,’ nanai tajiu typ nai cha abawi nai, khaw parai nai taki i lengseaung ai py, huni langdengra y khai pi ai.

ISAIA 41:11

Aw, kai i khumichi awi, nangchi ai kado theu hai nai khumichi ly tahm anem iy kangji nga u ai. Nangchi ai tiu nai khumichi ly dei u ai.

ISAIA 42:1

Areng my, “Hini khumi ly kaimy atho awm hai nai, kai i miseaung, kai i paleung kangai vawi patyp nai khumi ne. Kai ly kaimy i Phailo ai ni teng y kawi hai ai. Ni py khumi cheng cheaungkhangchi ai, ka-dyh ka-dawi naimy peang ai.

ISAIA 46:13

Kai ly nangchi law tleaung ai nai neng kasa hai ai. Huni neng ly pipi palo y leang bo. Kai ly atleu y nai py awm pi vui ai ny y. Kaimy Jerusalem mary ai atleu iy, Israela chengchi ai tahm asang hai ai.”

ISAIA 50:7

Na i py Areng ly kai ai sabawm nai deaungkho y, nichi i ana nai ly kai i tlang tleaung y patang naira tym hai y leang. Hunichi ai kham pajau ai nai, kai ly khamta bo.

ISAIA 54:4

Jei moh, nang ly kangji ngo bi y leang bo. Cheh nai py avum ai ny y. Nang ly anglo deaungdi nai khala y, ka-ym by y nai aju lawm vai nai py, neampachy lumai kamta, jeaungmang nanai pa-rei avum nai py, tami veng ai.

ZEKHARIAH 10:4

Kai i khumichi ai peang ai nai nichi theung i dengdairei samrangchi, lu sa naichi, tavailu areng napi nai khumichi amthawn ai.

MATTHAI 12:18

“Khen cham, kai i miseaung kavawi nai, Kai i ngai parai nai, kai i paleung ly mymy i tlang tleaung y khrikhri pa-rei kawn parai; mymy i tlang tleaung y kai i Phailo kadaw pi ai, Hunaibaly mymy ly Cheng Takhrachi teng y tara chih nai leu thui pi ai.

MARKA 12:10

‘Yhm sa nai keungchi i lengseaung ngai nai ly, Huni kypkyp ly taki i lengseaung avo keh nai palawn bo;

LUKA 20:17

Na i py mymy ly nichi ai khen iy, “Tumbaly hini leu tajiu nai ly ati mo? ‘Yhm sa nai keungchi i lengseaung ngai y nai ly, Huni kypkyp ly taki i lengseaung avo keh nai palawn bo,’ nanai ly.

LUKA 23:35

Naibaly khumi mipuichi ly angdo iy angdeang. Naibaly miteaung kehchi my py, “Ni ly khumi takhrachi ai malawn py palawi chy bo; Tameuh i vawi nai Krista ne khyp baly amy ai py apalawi sy bei,” nanai panui hai.

JOHAN 7:38

Ami py kai ai ym baly Tameuh i cha-iu y tajiu nai kamta tui kangheng tavochi ly ni i taku theung i leaung ai,” nanai aeu.

AMTAW 1:16

“Amjo amnauchi awi, Phailo Kachai my Davida i labeaung y Isu ai patiu nai keungchi ai pahawi nai keung Juda i satang thui yb nai ly, huni Tameuh i cha-iu leu sai ly ang tym tanga nai bo.

ROM AVANGCHI TENG Y PAWLA I CHA PA NAI 10:11

Tameuh i cha-iu ly, “Ami py mymy ai ym nai ngierei ly amthang leaung y ai,” napi nai ne.

EPHESI 1:4

hunai kamta achi ly tamen naira y chai nai hawi, cheh ai by y pa-rei my mymy i mo y awm thai ai nai, khaileaung palum y rai kha y achi ai Krista y ang vawi veng bo;

EPHESI 2:20

Krista Isu kypkyp ly taki i lengseaung avo keh nai lawn iy, nangchi ai amtaw thau naichi hawi amochi i lengseaung leng nai tleaung y ang sa hai nai ne;

II TIMOTHEI 3:16

Tameuh i cha-iu leu bawibawi ly Tameuh i taho hai nai kamhui ne, naibaly Tameuh ai dawn nai khumi ly atiti kahawi cheaungkhang sa ai nai angym pa-rei my amthyp angym thai ai nai,

I PETERA 2:4

Mymy ly lengseaung kangheng, khumichi i ngai y nai khypkhyp ne i py, Tameuh i dawn naira y vawi takhra nai hawi vang teng parai nai ne:

I PETERA 2:8

“Atlym naira lengseaung hawi paka naira lengseaung pui py lawn ai,” nanai ne. Ati mana nai mo nabaly nichi ly leu tangai y nai deaungkho y atlym u lawh reng; huna nai kamta awm ai nai nichi ai khai yb nai ne.

II PETERA 1:20

Tameuh i cha-iu y thui rym nai leu ly amymy thui pi pachai ai nai ny y, nanai pany u man ba.

II PETERA 3:16

ne, ni i cha pa nai bawibawi ra y ly huni satang thui pi bo; hunira y ly leu pany thai ai nai rai parai naichi awm i, cheng y nai hawi khaw y nai khumichi ly Tameuh i cha-iu leu takhra ai tangai akawi nai kamta tangai akawi lawh iy, amymychi ai atama hai lawh reng.