I PETERA 2:2 - Khumi Common Language Bible

² deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;

I PETERA 2:2 Iomraidhean Croise

2 SAMUELA 23:5

Hunai kamta teang, Tameuh ly kai i katu chanauchi ai amtheaung naira pei ai; ati mana nai mo nabaly mymy ly phra pajau y, athli vui thai y nai deungtasa Leu Maikawm ly kai hawi asa nai deaungkho y ne. Hunaibaly kai i kangai angym bo; hini ly kai i eaung naira ne; huna nai kamta tym hai ai nai Tameuh ly dawn pi khyp ai.

JOBA 17:9

Amychi ai tahm awm, nanai thui naichi ly mychi mang kateng ne, nanai ymra ymra u bo.

LEU KACHENG 4:18

Khumi kahawichi i tako nai lam ly khutawi phang nai kangvang sangso, khawn kani si nai hawi atawm.

HOSEA 14:5

Kani tui ly jengha nai khaileaung y suino hai nai kamta, kai ly Israela khumichi ai tlamsa hai ai. Nichi ly kaseaung kamta pau amthym u ai. Lebanon mawi i dengkeaung keung kamta, tangjyn aviu ai.

HOSEA 14:7

Nichi ly kai i kry nai ka-khui anui y awm ai nai nga u ai. Nichi ly chohchi pati iy kreip akho kamta athai pasu parai ai. Nichi ly Lebanonra i kreip hang kamta, amyn amthang ai.

HOSEA 6:3

Achi ly Areng ai pany ai nai atho so u sina. Khawn khutawi reng nai kamta, nicho neng khala khaileaung salo y kani nai hai reng nai kamta, mymy ly achi teng y ang jeu takengkei ai,” nanai thui u bo.

MALAKHI 4:2

Na i py kai i leu ai tahm khai nai khumichi i vui ly kai i atleu nai sa thai naira ly kanito kamta, nichi i tlang tleaung y angvang naimy, kanito kangvang sangso kamta, nangchi i no-nachi hawi hai ai. Nangchi ly hai theung i patleaung nai si chochi kamta, amo theu naimy ampyh u lengleang ai.

MATTHAI 18:3

“Meitang khyp kang thui pi, nangchi ly adawn ali teang iy deaungdi chychi kamta lawn y baly kani pri y kun u ai nai ly aveng.

MATTHAI 19:14

Na i py Isu my ly, “Deaungdi chychi ai kai teng y jeu ai nai pei u ly, paka u reng moh: kani pri my peang naira ly hina naichi i vui teu,” napi.

MARKA 10:15

Meitang khyp kang thui pi, ami py Tameuh i peang nai ly deaungdichy my kawn nai ka-tawm kawn y nai ngierei ly theung y kun ai nai ly aveng,” napi.

LUKA 18:17

Meitang khyp kang thui pi, ami py Tameuh i peang nai ly deaungdichy my kawn nai ka-tawm kawn y nai ngierei ly theung y kun ai nai ly aveng,” napi.

ROM AVANGCHI TENG Y PAWLA I CHA PA NAI 6:4

Hunaibaly Ampo i nang parai naira my Krista ai kadeichi theung i nai pathau nai kamta, achi py heng naira kangtha y tako thai ai nai, achi ly baptisma nga naira y mymy teng y up teang nai bo.

I KORINTH 14:20

Amjo amnauchi awi, paleung y ly deaungdi kamta awm u reng moh; ne mang ly kamngora y ly deaungdi chymplei nai kamta awm u ly, na i py paleung y ly khumi ka-cheang lawn u.

EPHESI 2:21

mymy y ly lengseaung padyh nai takhra takhra adyh parai pa-rei my acha typ iy, Areng y ly achura yhm kachai lawn dudu bo;

EPHESI 4:15

Na i py achi ly tamen nai deaungkho y leu meitang thui iy, ati cheaungkhangra y mymy y ly veang ryh veang ryh thai ai; mymy ly lu ne, Krista ly.

II THESALONIKA 1:3

Amjo amnauchi awi, kaichi ly nangmychi molam y ly Tameuh teng y kawn nai leu thui jojo ai nai tla:huni ly avo khyp, ati mana nai mo nabaly nangchi i ym naira ly khri pa-rei veang nai, nangchi bawibawi y atamen leungtang naira ly peung nai tleaung y peung ra peung ra lawh veng;

I PETERA 1:23

ti phra thai nai ny y naimy, Tameuh i heng jojo nai hawi awm jojo nai leu y ly ti phra thai y naira y kangtha tapen nai lawn u bo.

II PETERA 3:18

Huni ny y naimy achi i Areng hawi Paheng Keung Isu Krista i pahenra y hawi pany naira y py veang u. Vai hawi deungtasa tym pa-rei py mymy teng y nang parai naira awm sy. Amen.