I PETERA 2:17 - Khumi Common Language Bible

¹⁷ Khumi bawibawichi ai tahm khai u. Amjo amnauchi ai ly tamen u. Tameuh ai ly tahm khai u. Samrang ai ly palo u.

I PETERA 2:17 Iomraidhean Croise

ATITI AWM ANGCHEI NAI 20:11

Abraham my, “Hini meingtym i khumichi ly Tameuh ai jei y nai hawi tahm khai y nai deaungkho y, Kai i aju ai la vui iy, kai ai padei veng ai, nanai dawn i hina nai kasa nai ne.

ATITI AWM ANGCHEI NAI 22:12

Kani pri amtaw thai naimy, “Deaungdi cho ai no pei moh; ni ai ati sai py so hai moh. Vai nang ly Tameuh i leu tangai, tahm py khai, nanai kang pany bo. Ati mana nai mo nabaly nang ly nangmy i chapo leaungrei awm khyh nai ai pasai y nai deaungkho y ne,” napi.

ATITI AWM ANGCHEI NAI 42:18

Pa-thom kani y Josepha my nichi teng y, “Kai py Tameuh ai jei iy tahm khai nai khumi ne; naibaly hina nai sa baly nangchi lawira nga ai nai kang sa pi ai.

1 NENG SATANG 29:20

Hunaibaly Davida ly khumichi teng y, “Nangchi i Areng Tameuh ai palo u!,” nanai leu pei bo. Huna nai khala khumi mipuichi ly mymychi amsi pajochi i Tameuh napi nai Areng ai palo u. Nichi ly Areng i mo y hawi, mymychi i samrang mo y lu meung u nai ne.

SAM 111:10

Areng ai jei kaji thai nai ka-dawn ly cheng naira i pakeung sangum ne; Reita leu patawm nai khumi bawibawichi teng y meitang naimy leu pacheang pajau ai nai, mymy ly pei bo. Mymy ai ly deungtasarei palo u jojo sy.

THEU NAI 20:12

“Nang i Areng Tameuh my pei nai pri y heng sau ai nai, nang i amhm, ampo ai tahm khai.

LEU KACHENG 1:7

Areng ai jei kaji naimy tahm khai nai ka-dawn ly tau cheng naira i pakeung sangum ne. Khumi hawi y naichi ly cheng naira ai tahm khai u y; amtiu ai nai py ngai u y.

LEU KACHENG 23:17

Kamngo sa ala nai khumichi ai paleung no moh. Nangmy deungrei Areng ai jei kaji ba.

LEU KACHENG 24:21

Deang awi, Areng ai py, samrang ai py, jei kaji naimy tahm khai ba. Huni Areng hawi samrang ai tiu nai khumichi hawi amkawm moh.

Parip nai leu 8:2

Samrang i leu tangai ba, Tameuh teng y leu adeu tamangtang moh.

Levi 19:32

“Miteaungchi ai tahm khai ai nai tla; kai ai jei kaji iy kai i leu tangai ai nai tla; Kai ly Areng ne.

ZEKHARIAH 11:14

Naibaly kai ly “Amkawm naira” napi nai cheaungvawi ai khei vui bo. Hunaibaly Juda pri hawi Israela pri i amkawm nai ly phra veng nai ne.

MATTHAI 22:21

Naibaly mymy ly nichi teng y, “Tumbaly Kaisara i atitichi ly Kaisara teng y pei u ly: Tameuh i atitichi ly Tameuh teng y pei u bei,” napi.

JOHAN 13:35

Nangchi atamen u leungtang baly khumi bawibawi ly nangchi kai teng y abang nai khumichi ne, nanai hunira y pany ai,” napi.

ROM AVANGCHI TENG Y PAWLA I CHA PA NAI 12:10

Amjo amnauchi ai tamen naira y ly neaung hawi parai naimy paleung abi u leungtang; leaungrei ly leaungrei ai amy tleaung y tahm pasang sy;

ROM AVANGCHI TENG Y PAWLA I CHA PA NAI 13:7

Khumi bawibawi teng y pei ai nai avo nai ngierei ly pei u; kahm pei ai nai avo naira y ly kahm pei u ly; akeu pei ai nai avo naira y ly akeu pei u ly: tahm khai ai nai avo naira y ly tahm khai u; palo ai nai avo naira y ly palo u.

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

EPHESI 5:21

Krista ai tahm khai nai tarawi y nangmychi tengtawi aau u leungtang.

PHILIPI 2:3

Apreaung nai hawi tahm apasang nai deaungkho y ati sai py so u y naimy, khumi leaung leaungrei ly tahm apanem parai naimy amy tleaung y khumi takhra ly hawi kyh, nanai palawn bawibawi sy;

I TIMOTHEI 6:1

Tameuh i amyn hawi ni i patiu nai leu ly thui tamawn nai awm y ai nai, miseaung i langvui savan apatli nai ngiereichi ly mymychi i yhmkeungchi ai ati cheaungkhangra y palo ai ataing nai palawn u sy.

HEBRAI 13:1

Amjo amnauchi ai atamen naira ly awm jojo sy.

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 2:13

Areng my deaungkho y khumi i leu khai rym nai bawibawi teng y ly, samrang teng y mo (ni ly len keh nai ne),

I PETERA 5:5

Hunai kamta ly nangchi cheangthli nangchi awi, miteaung kehchi teng y aau u. Ne, nangchi bawibawi ly asabawm u leungtang ai nai leu anui naira amthyp u; Tameuh my am-e naichi ai ly paka iy, tahm apanem naichi ai ly pahenra nga hai lawh reng.

1 SAMUELA 15:30

Sawla my, “Kai ly kamngo kasa lawh bo; na i py thuitlamsi ly kai i cheng lu sa nai keungchi i mo y py, Israela cheng vereichi i mo y py, kai i tahm awm nai phra hai y naimy, kai ly nang i Areng Tameuh ai chiu pajau ai nai, kai hawi vanrei abang teang kyh ba,” nanai takeng.