I PETERA 2:11 - Khumi Common Language Bible

¹¹ Ngai parai naichi awi, nangchi ly khuleaung chei naichi hawi angvynchi ne nai deaungkho y, phailo ai tiu reng nai tlang i ngai phi teng y nairachi ai ly anawn veng ai nai kang takeng;

I PETERA 2:11 Iomraidhean Croise

ATITI AWM ANGCHEI NAI 21:34

Abraham ly Philistin pri y kra parai pa-rei awm nai ne.

ATITI AWM ANGCHEI NAI 23:4

“Kai ly nangchi theung y angvyn kamta ne; kai i aju veu up ai nai khaileaung meingtym jo pi kyh,” napi.

ATITI AWM ANGCHEI NAI 47:9

Jakob my, “Kai amki ryry iy kaheng nai ly saneng chungvai atlo phairei awm bo; na i py amsi pajochi i saneng ai pho y leang rai. Kai i heng nai sanengchi ly di i, kapatang parai nai ne,” napi.

1 NENG SATANG 29:15

Aw Areng, kaichi ly amsi pajochi kamta, pri pala naira avum naichi hawi apany vai y naichi kamta, hini deung y kaheng u nai bo, nanai nang ly pany. Kaichi i neng kanichi ly pa-pui kamta ne i, kaichi ly dei naira ai en vui thai y.

SAM 119:19

Kai ly hini khaileaung pri y tanarei chy awm khyh nai ne; nang i reita leu pei naichi ai, kai teng i nai heu pi veng moh kyh ba.

SAM 119:54

Kai ly hini khaileaung pri y kani tanarei chy heng nai thym khala, nang i reita leaungsaichi ai khulym adi iy thui nai ne.

SAM 39:12

Aw Areng, kai i chiu sa nai tangai pi kyh ba. Kai i hnei takeng nai tangai pi kyh ba; kai vo nai khala sabawm ai nai jeu kyh ba. Amsi pajochi kamta kai ly nang i angvyn lawm i, tanareichy awm khyh nai ne.

Levi 15:18

Neampacho hawi neampachy nini i ahawi pajau nai bo y, nini ly tui ahiu ai nai tla; nini ly dym mang y khrairei chai y ai.

Levi 25:23

Khaileaung ly nangchi peang y leang; Tameuh my peang nai deaungkho y jo kyp moh. Nangchi ly angvyn ne i, huni pri y tym iy khuteng sa nai khumichi lawm u ai.

LUKA 21:34

“Na i py tau tleaung y awm u, ti y baly cha nai kajeu kawi ala nai hawi, mhm pavui nai hawi, heng nai sala y awm nai sai dawn nai hawi nangchi i paleung y kawi ala ai i, huni kani y ly deaung man nai kamta tlenrei khyh my nangchi i tlang tleaung y tym miu lawh na.

AMTAW 15:20

na i py nichi ly myn y chiu nai atiti chai y naichi hawi, angai nai hawi, mawi taau ka nai hawi, thi cha nai hawi anawn ai nai, achi ly mymychi teng y cha pa ai nai hawi keh, nanai dawn kai ly.

AMTAW 15:29

myn y apatyp nai mawi hawi, thi hawi, taau ka nai mawi cha nai hawi, angai nai hawi anawn u, kang napi; hunichi ly nangchi amkym baly nangchi i vui hawi ai; noso kahawi awm u ba,” nanai tajiu.

ROM AVANGCHI TENG Y PAWLA I CHA PA NAI 12:1

Hunaibaly amjo amnauchi awi, Tameuh i pahen naira deaungkho y, apthyp naira kangheng hawi kachai. Tameuh my kawn ai ataing nai lawn ai nai nangchi i tlang ai ly aau ai nai kang takeng; huni ly nangchi i sa ai avo angchi yb nai ne.

ROM AVANGCHI TENG Y PAWLA I CHA PA NAI 7:23

na i py kai i tlang kangpreichi theung y ly reita takhra awm, nanai kapany; huni ly kai i paleung i reita ai tiu i, kai i tlang kangpreichi theung y kamngo awm nai reita teng y miseaung y ang hawi.

ROM AVANGCHI TENG Y PAWLA I CHA PA NAI 8:13

Nangchi ly tlang i reita y awm baly dei u takengkei ai nai tla; na i py nangchi ly Phailo y tlang i atiti sa naichi ai padei baly, heng u ai.

II KORINTH 5:20

Hunaibaly kaichi ly Krista i jeng y savai ne i, Tameuh my kaimychi ai teaung iy ang takeng, napi pajau; Tameuh hawi aly u, nanai Krista i jeng y kaichi kang takeng nai ne.

II KORINTH 6:1

Hunaibaly kaichi ly mymy hawi sa ahawi nai, nangchi ly Tameuh i pahenra ai ly chawn hai y naira ngo u y ai nai kaichi kang takeng.

II KORINTH 7:1

Hunaibaly ngai parai naichi awi, achi ly huni leu adeu naichi awm nai deaunkho y, tlang hawi phailo y chai y naira bawibawi apachai u sina; naibaly Tameuh ai tahm khai nai tarawi y chai naira so u angym sina.

KALATIA 5:24

Naibaly Isu Krista i khumichi ly tlang hawi mymy i kamngo dawn naira hawi, ngai phi teng y naira hawi raurei tahen u veng bo.

EPHESI 2:19

Hunaibaly vai ly nangchi ly angvyn py ni awm nai py ny y leang bo; na i py khumi kachaichi hawi, saleaung vanrei awm iy Tameuh i dengtheungchi lawn u bo;

EPHESI 4:1

Hunaibaly kai, Areng y theaung tla nai khumi my ly nangchi ly apanem nai hawi leu anui naira bawibawi hawi, tamen naira akham leungtang nai tarawi y amnym naira hawi,

II TIMOTHEI 2:22

Hunaibaly thawndeang thym khala i ngai phi teng y nairachi ai ly angpreng veng, naibaly paleung kamchym y Areng ai palau nai ngiereichi hawi vanrei hawi naira hawi, ym naira hawi, tamen naira hawi, aly naira py hui jojo.

HEBRAI 11:13

Hunichi bawibawi ly ym nai tarawi y dei u bo:nichi ly adeu nairachi ngo y naimy palo parai naira i dengdairei niu py niu, kawn py kawn, naibaly nichi ly hini khaileaung pri y angvyn hawi pri takhra khumi ne, nanai apany hai bo.

HEBRAI 6:9

Na i py ngai parai naichi awi, kaichi ly hunai kamta leu thui teu iy py, nangchi ly huni tleaung y atiti hawi keh nai, paheng naira y abawi nai atitichi ly sa u ai nai kaichi ly athang kang khai.

JAKOB 4:1

Nangchi theung y atiu naira hawi aei naira ly ma mang i dengdairei theu nai mo? Nangchi i tlang kangprei y atiu nai nangmychi i ngai phi teng y naira i dengdairei theu nai ny y a?

I PETERA 1:1

Petera, Isu Krista i amtaw thau nai my ly, Ponto pri y hawi, Kalatia pri y hawi, kapadokia pri y hawi, Asia pri y hawi,

I PETERA 1:17

Naibaly patle naira by y naimy, khumi leaung leaungrei i kalop sa nai kamta tara chih nai keung ai ly Ampo kamta palau u baly, hi y ni awm u nai sala y ly jei naimy awm u;

I PETERA 4:12

Amjo amnau ngai parai naichi awi, nangmychi ai cham ai nai, nangchi i tlang tleaung y tym nai, nangchi theung y awm nai mai kamta cham naira ly rengrang tlai, nanai dawn u moh:

I PETERA 4:2

hunaibaly vai i dengdairei nangchi ly tlang mang y awm nai sala ryrei ly khumi i ngai phi teng y naira y ny y naimy, Tameuh i ngai naira y awm u ai bo.

II PETERA 3:1

Ngai parai naichi awi, vai nangchi teng y katajiu nai ly kai i cha pa-nyh kang pa nai ne; nangchi ly amo kachaichi i leu thui rym nai hawi, nangchi i amtaw thau naichi i labeaung y Areng hawi Paheng Keung i leu pei nai py pany jo ai nai,