I PETERA 1:8 - Khumi Common Language Bible

⁸ Nangchi ly mymy ai niu vai y iy py tamen u bo; nangchi ly mymy ai niu vai y iy py ym u iy kawn naira thui pajau y nai hawi nang parai naimy khri pa-rei amo theu u reng;

I PETERA 1:8 Iomraidhean Croise

Solomon i khulym 1:7

Kai i khrei nai awi, nang i beram kanghu ai mani meingtym y teicha patlai ai mo, nanai py, kani thun nai khala mani meingtym y anawn hai ai mo, nanai py kai ai thui pi ba. Kai ly ati mana nai y nang ai takhra beram typ nai keungchi i beram kanghuchi theung y hau ai mo?

Solomon i khulym 5:16

Ni i labeaungteng ly khri pa-rei khrei ai nai hawi iy, ni i amhi amtlau naichi ly khri pa-rei hawi parai. Jerusalem mary i neampachychi awi, hini ly kai i khrei nai keung i kucha kahawi ne.

Solomon i khulym 5:9

Neampachy leilachi theung y mo-cha hawi keh nai awi, nang i khrei nai keung ly amichi hawi ati takhra mo? Nang teng y kaichi leu adeu ai nai pa-rei, nang i khrei nai keung ly mana tanrei lyh ai hawi na mo?

MATTHAI 10:37

Ami py mymy i amhm ai mo, ampo ai mo, kai tleaung y tamen keh lawh nai ly kai i khumi lawn ai nai ataing y leang; ami py mymy i chaniu ai mo, chapo ai mo kaimy tleaung y tamen keh lawh nai py kai i khumi lawn ai nai ataing y leang.

JOHAN 14:15

“Nangchi ly kai ai tamen baly kai i leu pei naichi tangai u ai.

JOHAN 14:21

Ami py kai i leu pei naichi tangai iy patawm nai ly kai ai tamen nai keung ne; ami py kai ai tamen nai ly Ngaai my tamen ai, kai py ni ai tamen ai i ni teng y kamteang ai,” napi.

JOHAN 14:24

Ami py kai ai tamen y nai ly kai i leu py tangai y; nangchi i leu thai nai ly kai i ny y leang, Ampo, kai ai pato nai keung i teu.

JOHAN 16:22

Naibaly vai nangchi ly paleung mawn u bo; na i py kai ly nangchi hawi avum bi ai i, nangchi i paleung ly kawn ai, nangchi i kawn nai ly ami py lo pi y leang mang.

JOHAN 20:29

Isu my ni teng y, “Nang ly kai ai niu nai deaungkho y ym nai teu; niu y nai ym nai ngierei ly taham hawi,” napi.

JOHAN 8:42

Isu my nichi teng y, “Tameuh ly nangchi i Ampo ne i khyly nangchi ly kai ai tamen ai bo: kai ly Tameuh teng i theu nai hawi, ni teng i dengdairei kang jeu nai ne:kaimy ngaingai kang jeu nai ny y leang, ni my ang pato nai teu.

AMTAW 16:34

Naibaly mymy i yhm y nini ai pahawi kalau iy, cha ai nai pawi pi, naibaly Tameuh ai ym nai deaungkho y mymy hawi mymy i dengtheungchi bawibawi py khri pa-rei amo theu parai bo.

ROM AVANGCHI TENG Y PAWLA I CHA PA NAI 14:17

Tameuh i peang naira ly cha ai nai hawi nei ai nai molam ny y leang, hawi naira hawi, aly naira hawi, Phailo Kachai y kawn naira hawi teu.

ROM AVANGCHI TENG Y PAWLA I CHA PA NAI 15:13

Naibaly nangchi ly Phailo Kachai i atiti sa thai naira i saho y athang khai naira nga ra nga ra thai ai nai, athang khai hai nai Tameuh my ly nangchi ym nai deaungkho y nangchi ai kawn naira hawi awmnem naira cheaungkhang kawi hai sy.

I KORINTH 16:22

Ami py Areng ai tamen y baly amsawi lawi nai awm sy.

II KORINTH 1:22

mymy ly achi ai ang pajawp hai typ nai keung hawi, achi i paleung theung y achi ai Phailo ang pei yb nai keung py ne teang.

II KORINTH 12:4

naibaly mymy ly leu thui pajau y nai, khumi i thui ngau y nai saichi thai.

II KORINTH 4:18

kaichi ly atiti niu thai naichi ai khen y naimy, atiti niu thai y naichi ai khen nai ne; atiti niu thai naichi ly tanarei chy i vui teu; atiti niu thai y naichi naini deungtasarei i vui ne.

II KORINTH 5:7

(niu thai nai tako y naimy kaichi ly ym naimy tako nai teu;)

II KORINTH 9:15

Tameuh i pei nai ly den py thui pajau y nanai deaungkho y mymy teng y kawn nai leu tym sy.

KALATIA 5:22

Na i py Phailo i athai ly tamen naira hawi, amo theu naira hawi, awmnem naira hawi, amnym naira hawi, neaung hawi naira hawi, hawi naira hawi, ka-ym awm naira hawi, leu anui naira hawi, amkym thai naira hawi ne;

KALATIA 5:6

Krista Isu y ly lengkhym takip nai py, takip y nai py ati sai py kamran by y leang; ym naira y ly tamen naira deaungkho y atiti sa nai naini kamran awm nai teu.

EPHESI 3:19

Krista i tamen naira pany bawi pajau y nai pany u iy, nangchi ly Tameuh i angym naira cheaungkhang tanrei kawi nai awm u thai ai nai chiu kasa.

EPHESI 6:24

Achi i Areng Isu Krista ai tamen nai rawm y nai bawibawichi teng y pahenra awm sy.

PHILIPI 1:25

Naibaly huni ly kai ly ym cheng nai deaungkho y kaawm jojo ai, nanai kapany; hunaibaly kai ly nangchi teng y kang awm bi ai nai deaungkho y nangci i kaimy deaungkho y amlyh naira ly Krista Isu y khri pa-rei ty ra ty ra thai ai nai,

PHILIPI 3:3

Achi, Tameuh i Phailo i saho y Tameuh ai chiu nai hawi Krista Isu ai amlyh nai, achi i tlang y ym naira den py by y naichi ly lengkhym takip naichi tatang ne lawh veng.

PHILIPI 4:4

Areng y ly kawn u jojo; kang napi bi ai kawn u.

HEBRAI 11:1

Naibaly ym naira ly atiti athang khai naira awm khypkhyp, nanai pany khyp naira ne i, atiti niu thai y naichi i pany hai naira ne.

HEBRAI 11:27

Ym naira deaungkho y mymy ly samrang i kado theu nai ly jei y naimy Aikupta pri khai su i, niu thai y nai ai ly niu thai nai kamta kham tanga bo.

I PETERA 1:6

Nangchi ly huni naira y khri pa-rei amo theu nai ne; ne mang ly mai y cham reng nai phra thai nai muku tleaung y teng keh nai nangchi i ym naira ai cham nai ly,

I PETERA 2:7

Hunaibaly nangchi ym naichi i vui ly mymy ly vang teng parai nai ne; ym y naichi i vui naini, “Yhm sa nai keungchi i lengseaung ngai y nai ly, Huni kypkyp ai ly taki i lengseaung avo keh nai palawn bo,” nanai hawi,

I PETERA 5:4

Naibaly Beram Typ nai Keung kalen keh my ly amteng nai khala y ly nangchi ly rawm thai y nai nang parai nai areng lukhym nga u ai.