I PETERA 1:4 - Khumi Common Language Bible

⁴ mawn thai y nai yhmtheaung kamtym, anyng akau y nai, rawm thai y nai kani pri mang y nangchi i vui khai pi nai py nga ai nai achi ai ang tapen hai bi bo;

I PETERA 1:4 Iomraidhean Croise

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

SAM 47:4

Mymy ly achi awm ai nai pri vawi takhra pi; huni pri ly mymy i tamen nai khumichi my amtym iy, tahm khai amlyh ai naira lawm bo.

ISAIA 66:22

“Khaileaung kangtha hawi kani kangthachi ly kai i sa thai nai saho y khaw jo nai kamta, nangchi i amyn hawi kangpreangchi ly khaw u jojo ai.

Ezekiela 47:12

Huni tavo micheaung peang nyhreira y ly cha nei ai athai nai keung amjy cheaungkhangchi prau ai. Huni keungchi ly mana khala py ngam ajawi vai y, mana khala py athai avaw ai ny y. Huni keungchi ly Achura yhm dengdairei leaung nai tavo micheaung tui nga nai deaungkho y, lo tleirei athai kahawi athai ai. Huni keungchira i athaichi ly cha ai nai ne iy, huni i ngamchi ly khumichi no hawi ai nai teaung ai,” nanai ang napi.

MATTHAI 25:34

Hunai khala y ly Samrang ly mymy i lamtang mang y awm naichi teng y ly, ‘Ngaai i amtheaung hai keh naichi awi, jeu u ly, khaileaung palum angchei khala i dengdairei nangchi i vui pri sa pi yb nai ly lo u;

MARKA 10:17

Naibaly mymy ly tako ai nai theu nai thym khala y khumi leaungrei ly mymy mang y angpreng naimy, mymy i mo y ateh chakrym i mymy teng y, “Sara kahawi, deungtasarei hengra kanga thai ai nai mana kasa ai mo?” nanai deng.

AMTAW 20:32

“Vai ly Tameuh hawi mymy i pahengra leu y kang au hai bo, huni ly nangchi ai ang veang hai pajau i, khai takhra naichi theung y ly kamtym ang nga hai teang mang.

AMTAW 26:18

mymychi i mei pali hai ai nai, hunaibaly kaveng dengdairei kangvang mang y hi vui thai ai nai hawi, Setan i aly peang naira i nai ly Tameuh mang y hi vui thai ai nai hawi, kamngo pahen naira nga thai ai nai hawi, kai ai ym nai deaungkho y chai chum naichi theung y yhmtheaung kamtym nga thai ai nai py, mymychi teng y kang pato nai he,’ napi.

ROM AVANGCHI TENG Y PAWLA I CHA PA NAI 8:17

naibaly achi ly chanauchi ne baly, achi ly yhmtheaung amtym nai keungchi ne; achi ly mymy teng y tahm asang naimy awm teang thai ai nai mymy hawi patang ahawi tatang baly, achi ly Tameuh i kamtym Krista hawi amtym ahawi nai keungchi ne.

I KORINTH 9:25

Naibaly acham naira y acham tanga nai ngierei ly ati cheaungkhangra y amkym chauchau. Naibaly nichi ly mawn thai nai areng lukhym nga ai nai sa nai ne; na i py achi ly mawn thai y nai areng lukhym nga ai nai sa nai ne.

KALATIA 3:18

Amtym ai nai ly Reita deaungkho y ne baly, leu adeu nai deaungkho y ny y leang bo; na i py leu adeu nai deaungkho y Tameuh my Abraham teng y pei nai ne.

EPHESI 1:11

Ati cheaungkhangra y mymy i kangai tau nai kamta sa nai keung i kangai y ka-vo khai rym nai kamta, kaichi,

EPHESI 1:14

Huni ly Tameuh i nang parai nai sai palo ai nai, mymy i kypkyp ai atleu ai nai, achi i yhmtheaung amtym ai nai pany hai yb nai ne.

EPHESI 1:18

hunaibaly nangchi i paleung i mei angvang hai iy, mymy i palau nai athang khai naira hawi, khumi kachaichi y mymy i yhmtheaung amtym nai nang parai naira i nang nai sai hawi,

KOLOSA 1:12

Ampo, kangvang i khumi kachaichi i yhmtheaung ahum ai ataing nai ang sa pi nai keung teng y ly kawn nai leu thui u.

KOLOSA 1:5

Nangchi ly huni athang khai naira satang jangni y Satang Kahawi leu meitang y thai u nai ly, nangchi teng y ang tym chy bo;

KOLOSA 3:24

Areng i vui kamta sa iy, ham parai naimy so u; nangchi ly Areng Krista i kalop sa u nai chy bo.

II TIMOTHEI 4:8

Vai ly kai i vui y hawi naira areng lukhym ly khai yb veng bo; huni ly Areng, tara chih nai keung kahawi my huni kani y ly ang pei ai; kai leaungrei khyh ny y i, mymy i amteng ai nai ngai nai ngiereichi teng y py pei ai.

HEBRAI 10:34

Nangchi ly theaung y tla naichi ai py tamen u bo, naibaly awm jo nai yhmtheaung hawi keh nai awm, nanai pany u iy, nangchi i yhmtheaung ang lawm pi nai py amo theu naira palawn u bo.

HEBRAI 9:15

Naibaly leu maikawm kangman i anui y taphra nairachi atleu ai nai ang dei vui nai deaungkho y, palau naichi ly deungtasarei yhmtheaung amtym nai leu adeu naira nga thai ai nai ni ly leu maikawm kangtha i savai ne.

JAKOB 1:11

Kani si iy ali bi ho nai aho i, acha ai ly jei hai; naibaly pau ly tla i, awm nai sai apu nai ly tama; hunai kamta teang, khumi kanang ly ni i tako naira y rawm ai.

I PETERA 3:9

hawi y sa nai ly hawi y sa nai vawitheung tha u moh ly, jo sei nai py jo sei nai vawitheung tha u moh; hunai kamta ny y naimy amtheaung hai:ati mana nai mo nabaly nangchi ai ly amtheaung naira amtym ai nai ang palau veng bo.

I PETERA 5:4

Naibaly Beram Typ nai Keung kalen keh my ly amteng nai khala y ly nangchi ly rawm thai y nai nang parai nai areng lukhym nga u ai.

AMTENG HAI NAI 21:27

naibaly atiti chai y nai amjy mo, amso ngailai nai hawi ka-chawi thui nai keung mo huni theung y tlen py kun ai ny y; Beram Cho i heng naira cha-iu y amyn tajiu angchi nai ngiereichi naini kun ai khyh.