I PETERA 1:25 - Khumi Common Language Bible

²⁵ Areng i leu naini deungtasarei awm jo nai ne,” Naibaly nangchi teng y Satang Kahawi ang thui pi nai leu ly huni ne.

I PETERA 1:25 Iomraidhean Croise

SAM 102:12

Na i py aw Areng, nang ly deungtasarei samrang ne; nang i amyn ly deungtasarei awm jojo ai.

SAM 102:26

Huni bawibawichi ly tama pawn teu i py, nang ly awm jojo ai nai ne; huni bawibawichi ly ateaung kamta tangym pawm ai. Nang ly ateaung atha nai kamta atha nai deaungkho y, hunichi ly tama pawn ai.

SAM 119:89

Aw Areng, nang i reita leu ly kani pri mang y deungtasarei awm jo nai ne.

ISAIA 40:6

Huni raawi my, “A-eu!” napi nai deaungkho y, “Ati amjy aeu ai mo?” nanai kaimy deng baly, “Khumi angso bawibawichi ly acha keung atawm iy, daichi kaseaung kamta akan y, nanai aeu!

ISAIA 40:8

Acha keung ly jei angchi khyp iy, kaseaungchi py rawm angchi khyp bo. Na i py achi i Tameuh i leu ly deungtasarei khaw jo nai ne,” napi.

MATTHAI 5:18

Meitang khyp kang thui pi, kani khaileaung tamo y ryrei ly Reita i leu maiden chy theung dyp nai mo, maiden chy jyn si nai mo, atiti bawibawi tym angym y ryrei ly ha py tama ai ny y.

LUKA 16:17

Na i py Reita leu tama ai nai tleaung y py kani hawi khaileaung tama ai nai rai y keh.

JOHAN 1:1

Angchei y ly Leu awm i, Leu ly Tameuh teng y awm, naibaly Leu ly Tameuh ne.

JOHAN 1:14

Naibaly Leu ly ngan lawn i, pahen naira hawi leu meitang hawi kawi iy, achi teng y awm bo: Ampo i Chapo leaungrei awm khyh nai nang parai nai sai kamta, achi ly mymy i nang parai nai sai niu bo.

I KORINTH 2:2

Ati mana nai mo nabaly Isu Krista hawi mymy ai kraws tleaung y tahen nai leu harei ny y baly, nangchi theung y ati sai py kang thui pi ai nai katau y ly.

EPHESI 2:17

Naibaly ang jeu iy, nangchi palo parai naira y awm naichi teng y aly nai satang ang thui pi, kasa parai naira y awm naichi teng y py aly nai satang ang thui pi teang.

EPHESI 3:8

Cheng Takhrachi teng y Krista i nang naira angym pa-rei dawn pajau ai nai vuilam ny y nai satang thui ai nai hawi, leu kathiu, deungtasa dengdairei Tameuh ati cheaungkhang sa nai keung y heu nai kry nai sai py ati mo,

TITA 1:3

naibaly neng angym khyp nai khala y achi ai Paheng nai Keung Tameuh i leu pei nai kamta ly kai teng y ang au nai i saho y mymy i leu amteng hai bo;

HEBRAI 6:5

Tameuh i leu hawi nai hawi, neng tym ai nai atiti sa thai naira pateng chum veng nai hi vui naichi i molam ly,

I PETERA 1:12

Naibaly nichi ly amychi i vui ny y naimy, nangmychi i vui y atiti sa u lawh veng, nanai nichi teng y amteng hai nai bo; huni satang ly kani pri mang i dengdairei pato nai Phailo Kachai my sabawm nai, Satang Kahawi ang thui pi nai keungchi ly vai nangchi ai thui pi bo; huni atitichi ai ly kani pri i amtaw thau naichi ly bih ai nai ngai.

I PETERA 1:23

ti phra thai nai ny y naimy, Tameuh i heng jojo nai hawi awm jojo nai leu y ly ti phra thai y naira y kangtha tapen nai lawn u bo.

I PETERA 2:2

deaungdi chymblei nai kamta ly phailo mang i kanu hang, tapawp paryp naira ati sai py tabawi y nai ly khri pa-rei ngai u, hunira y ly hengra ka-lawn pa-rei veang u thai ai nai;

II PETERA 1:19

Naibaly kaichi ly thui rym nai leu khaw nai tleaung y khaw ra nai nga nai bo; khutawi iy khawn tempo ly nangchi i paleung y si y ryrei ly kaveng meingtym y angvang nai maisi ai dawn pi u nai kamta, huni ai dawn pi u ai nai aly len parai:

I JOHAN 1:1

Angchei kha i dengdairei awm nai, kaichi i kano y thai nai, kaichi i mei y niu nai, khen veangveang iy kaichi i kiu y patham nai Hengra Leu i satang ly:

I JOHAN 1:3

nangchi py kaichi hawi amkawm teang thai ai nai, huni kaichi i nui nai hawi thai nai ly nangchi teng y kang thui pi nai he; ne, naibaly kaichi hawi amkawm nai ly Ampo hawi, mymy i Chapo Isu Krista hawi amkawm nai ne:

AMTENG HAI NAI 14:6

Naibaly kani pri i amtaw thau nai takhra leaungrei ly kani laileaung y angkheang nai kaniu: khaileaung pri y awm nai theaung cheaungkhangchi hawi, cheng cheaungkhangchi hawi, leu cheaungkhangchi hawi, khumi cheaungkhangchi teng y py deaungtasarei Satang Kahawi thui pi ai nai mymy teng y au bo;