I PETERA 1:2 - Khumi Common Language Bible

² Bithunia pri y py ahei nai, leu tangai ai nai hawi Isu Krista i thi hei nai nga ai nai Phailo i khai takhra nai hawi, Ampo Tameuh i pany rym nai kamta vawi naichi teng y ly; Nangchi i tlang tleaung y pahenra hawi awmnem naira py peung hai dudu nai tym sy.

I PETERA 1:2 Iomraidhean Croise

ISAIA 55:7

Khumi hawi y naichi ly mymychi i hawi y sa naichi khai su iy, mychi i paleung ka-dawnchi py takhra vui ai nai tla. Nichi ly achi i Areng Tameuh mang y ali u teang ai nai tla. Mymy ly pahen iy law tleaung hai kaliki ai.

ISAIA 65:22

Kreip hang py takhra khumichi nei ai nai nga u ai ny y. Kai i khumichi ly dengkeaung kamta heng sau u ai. Nichi ly mychi i kalop sa nai lawi bym pa-rei cha ai nai nga u ai.

ISAIA 65:9

Juda chengchi ai amtheaung naira pei ai. Juda kangpreangchi ly mawi tleaung pri napi nai kai i pri amtym u ai. Kai i miseaung, kai i khumichi ly huni pri y awm iy amtym u ai.

DANIELA 4:1

Samrang Nebukhadnezar ly khaileaung pri verei y awm nai, leu cheaungkhang katheu nai khumi bawibawichi teng y, pany hai ai ngai nai cha harei ly hina nai kamta pa nai ne. “Nangchi ly paleung awmnem naimy awm u sy!

DANIELA 6:25

Naibaly samrang Dari ly khaileaung pri i cheng leu cheaungkhang katheu nai, khumi neangneangchi hawi pri neangneangchira i, khumi bawibawichi teng y cha tajiu nai ne. Huni cha theung y ly “Paleung awmnem nai awm sy!

Levi 1:5

Ni ly huni meingtym y si katai tleh iy Aron i chapo pathyp pi nai keungchi my huni thi ai Areng teng y talam chum baly, Tabynako katheu pa-khora awm nai maicham makeng palyhreira y katheng prei ai nai tla.

MATTHAI 24:22

Naibaly huni neng ai ly dawi hai moh khyly khumi nanai kangheng ha py awm ai ny y; na i py vawi takhra naichi deaungkho y huni neng ai ly dawi hai ai.

MATTHAI 24:24

Krista angam naichi hawi amo angam naichi py theu ai i, nichi ly sa thai iy khyly vawi takhra naichi ai malawn py tapawp thai ai nai ka-ma-ra kalenchi hawi khri pa-rei lyh ai awm naichi py patei ai.

MATTHAI 24:31

Naibaly baw katym pajeng parai nai eng iy, mymy i kani pri i amtaw thau naichi ai ly pato ai; naibaly nichi ly mymy i vawi takhra naichi ai ly khuteng taki palyhrei i dengdairei, kani katem i nai katem y khrairei pangym achu ai.

MARKA 13:20

Naibaly Areng my phai huni neng ai ly dawi hai moh khyly khumi nanai kangheng ha py awm ai ny y: na i py mymy i vawi takhra nai khai rym naichi deaungkho y neng ai ly ang dawi hai ai.

MARKA 13:22

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

MARKA 13:27

Huna nai khala y ly mymy ly kani pri i amtaw thau naichi ai pato ai i, mymy i vawi takhra naichi ai ly khuteng taki palyhrei i dengdairei, khaileaung katem i nai kani katem y khrairei pangym achu ai.

LUKA 18:7

Naibaly mymychi i tlang tleaung y neaung kham pi rai i py, mymy i vawi naichi, vum kanithun y mymy ai palau nai keungchi ai ly Tameuh my vawitheung tha pi y ai a?

AMTAW 15:18

Khaileaung palum angchei kha i dengdairei hini satang pany hai reng nai keung Areng my ly ang napi,’ nanai tajiu nai ly.

AMTAW 2:23

Ni ai ly Tameuh my mymy i kangai sa ai tau thleng nai hawi pany yb nai kamta patiu hai iy, nangchi lykhumi kamngochi i kiu y kraws tleaung y tahen i padei bo.

AMTAW 20:32

“Vai ly Tameuh hawi mymy i pahengra leu y kang au hai bo, huni ly nangchi ai ang veang hai pajau i, khai takhra naichi theung y ly kamtym ang nga hai teang mang.

ROM AVANGCHI TENG Y PAWLA I CHA PA NAI 1:5

mymy i amyn deaungkho y cheng cheaungkhang theung i khumichi ai ly ym naira patawm hai ai nai, kaichi ly mymy deaungkho y pahenra hawi amtaw thau nai keung lawn ai naira py nga bo;

ROM AVANGCHI TENG Y PAWLA I CHA PA NAI 1:7

Rom avang i Tameuh i ngai parai nai, khumi kachai lawn ai nai palau naichi bawibawi teng y, Tameuh achi i Ampo hawi Areng Isu Krista teng i dengdairei pahenra hawi awmnem naira ly nangchi teng y awm sy.

ROM AVANGCHI TENG Y PAWLA I CHA PA NAI 11:2

Tameuh ly mymy i pany yb nai khumichi ai ly aphi y leang. Nangchi ly Tameuh i cha-iu y Elija i molam thui nai ly pany u y nai sai a?

ROM AVANGCHI TENG Y PAWLA I CHA PA NAI 11:28

Satang Kahawi mang y dawn baly nichi ly nangmychi deaungkho y paleung ka-e ne; vawi nai molam y dawn nai naini nichi ly pajochi deaungkho y ngai parai naichi ne.

ROM AVANGCHI TENG Y PAWLA I CHA PA NAI 15:16

Tameuh my ang pei nai pahenra deaungkho y nangchi ai kang dawn vau hai ai nai, mani sala y mo vam kyh naimy katajiu nai ne. Cheng Takhrachi ai talam nai ly Phailo Kachai my chai hai iy kawn ai ataing nai lawh thai ai nai, kai ly Tameuh i Satang Kahawi y kakry nai ne.

ROM AVANGCHI TENG Y PAWLA I CHA PA NAI 16:19

Nangchi i leu tangai nai sai ly khumi bawibawichi theung y amthang veng bo. Hunai deaungkho y kai ly nangchi i tlang tleaung y kakawn; na i py nangchi ly atiti kahawi mang y ly cheng u iy, kamngo mang y ly cheng u y ai nai kang ngai.

ROM AVANGCHI TENG Y PAWLA I CHA PA NAI 16:26

naibaly leu kathiu amteng hai nai kamta (huni leu kathiu ly deungtasa dengdairei aheu reng i, vai naini amteng hai nai ne; naibaly deungtasa khrairei awm nai Tameuh i leu pei nai kamta, ym naira patawm ai nai, amochi i cha-iu leu ly cheng cheaungkhangchi teng y pany hai nai bo):

ROM AVANGCHI TENG Y PAWLA I CHA PA NAI 8:13

Nangchi ly tlang i reita y awm baly dei u takengkei ai nai tla; na i py nangchi ly Phailo y tlang i atiti sa naichi ai padei baly, heng u ai.

ROM AVANGCHI TENG Y PAWLA I CHA PA NAI 8:33

Tameuh i vawi nai khumi ai ly ami my ang seu ai mo? Eaung hai nai keung ly Tameuh ne khy veng;

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

I KORINTH 6:11

Naibaly nangchi phyreichi ly jangni y huna nai khumi ne chy bo; na i py nangchi ly Areng Isu Krista i amyn y hawi, achi i Tameuh i Phailo y py amju bo, nangchi ai ly pachai bo, nangchi ly eaung naira nga bo.

II KORINTH 10:5

aei nairachi hawi Tameuh ai pany naira paka ai nai tahm asang parai nairachi ai py aphrei iy, dawn naira cheaungkhang ai ly Krista i leu tangai nai miseaung y hawi nai ne;

II KORINTH 13:14

Areng Isu Krista i pahenra hawi, Tameuh i tamen naira hawi, phailo kachai i amkawm naira py nangchi bawibawi teng y awm sy.

Leu Thui Nai 7:6

Nangchi i Areng Tameuh ly nangchi ai peang nai deaungkho y, huna nai sa ai nai tla. Khaileaung pri y awm nai khumi cheaungkhangchi theung i nangchi ai, mymy i khumi y palawn ai nai Areng my vawi patyp nai ne.”

KOLOSA 3:12

Hunaibaly khumi kachai hawi ngai parai naichi awi, Tameuh i vawi nai khumichi kamta paleung verei pahen naira hawi, neaung hawi naira hawi, tahm apanem naira hawi, leu anui naira hawi, amnym naira py amthyp u;

II THESALONIKA 2:13

Na i py Areng i ngai parai nai amjo amnauchi awi, Phailo i ang pachai nai hawi leu meitang ai ym iy, pahengra nga ai nai Tameuh my angchei kha i dengdairei nangchi ai ang vawi nai deaungkho y, kaichi ly nangchi i molam y Tameuh teng y kawn nai leu thui jojo nai ne;

II TIMOTHEI 2:10

Hunai deaungkho y vawi takhra naichi ly Krista Isu y paheng naira ly deungtasarei nang parai naira hawi vanrei nga u thai ai nai, nichi deaungkho y kai ly ati cheaungkhang kakham.

TITA 1:1

Pawla, Tameuh i miseaung hawi, Tameuh i vawi naichi i ym naira hawi, nichi i Tameuh ai dawn ryhryh nai leu meitang pany nai sai py angym hai ai nai Isu Krista i amtaw thau nai ne: naibaly deungtasarei hengra nga ai nai athang khai nai ly huni i sangum ne:

HEBRAI 10:22

achi i paleung y hawi nai hawi y nai pany naira kamngo ai katheng pan nai hawi, achi i tlang py tui kamchym y ahiu nai awm iy, ym naira kangym awm nai paleung meitang apu naimy kasa u sina.

HEBRAI 11:28

Chanau chalu tama hai nai keung my ly nichi ai nam y ai nai, ym naira deaungkho y mymy ly katlen vui nai pawi hawi thi hei nai ly pateaung angchei bo.

HEBRAI 12:24

Isu, leu maikawm kangtha i savai teng y hawi, Abela i thi tleaung y satang hawi keh nai thui nai ahei nai thi teng y py tym u nai ne.

HEBRAI 5:9

hunaibaly mymy ai ly angym hai iy, mymy i leu tangai nai bawibawichi i vui y ni ly deungtasarei heng naira pakeung lawn bo:

I PETERA 1:14

Leu tangai nai chanauchi kamta ly, nangchi i pany y nai thym khala i jangni y nangchi i tlang i ngai phi teng y nai kamta awm u moh;

I PETERA 1:19

beram cho meimai cheh ai by y nai hawi anyng akau y nai kamta, Krista i thi vang teng parai nai hawi nangchi ai atleu nai ne, nanai ly pany u.

I PETERA 1:20

Ni ai ly khaileaung palum y rai khala y khai rym nai awm khypkhyp nai bo, na i py kangkhym kangtem y ly nangmychi deaungkho y mymy ai amteng hai bo;

I PETERA 1:22

Amjo amnauchi ai tamen tatang ai nai leu meitang patawm u iy, nangchi i phailo ai chai hai u chum nai deaungkho y paleung y hawihai palai atamen u leungtang:

I PETERA 2:9

Na i py kaveng theung i nai mymy i kangvang rengrang tlai naira y kun ai nai nangchi ai ang palau nai keung i hawi parai nai sai nangchi ly amteng hai thai ai nai, nangchi ai ly cheng vawi takhra nai, pathyp pi nai keung tahm asang parai nai, theaung kachai, Tameuh i khumichi kypkyp ne;

II PETERA 1:2

Tameuh hawi Isu achi i Areng ai pany naira y ly nangchi teng y pahenra hawi awmnem naira py peung hai dudu sy.

II JOHAN 1:1

Miteaung keh my ly vawi nai neampachy hawi mymy i chanauchi teng y pa nai: Achi teng y awm jo nai hawi, deungtasa khrairei awm jo ai nai leu meitang deaungkho y nangchi ai meitang khyp naimy kang tamen nai ne:

II JOHAN 1:13

Ngamnau neampachy vawi nai i chanauchi my nangchi teng y kawn nai leu ang thui pi mang.

JUDA 1:2

Pahen naira hawi, awmnem naira hawi, tamen naira py nangchi teng y peung dudu sy.