I PETERA 1:11 - Khumi Common Language Bible

¹¹ mymychi theung y awm nai Krista i Phailo my ly Krista i patang ai nairachi hawi, huni bo y nang parai naira awm ai naichi satang ly ang pany hai rym nai thym khala y ly, mani neng y mo, mani ka-tawm neng mo ang pany hai, nanai nichi ly hau u reng.

I PETERA 1:11 Iomraidhean Croise

ATITI AWM ANGCHEI NAI 3:15

Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

ISAIA 49:6

Areng my kai ai, “Kai i miseaung, kai ly nang ai kalop kalenra y sa hai ai. Dei kamthum Israela chengchi sa thai naira haiho nga u ali teang nai khyh chang y i, khaileaung pri verei malawn py atleu naira nga ai nai, kai ly nang ai khumi cheng cheaungkhangchi i kangvang lawm hai ai,” napi.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

ZEKHARIAH 13:7

Ati cheaungkhang sa thai nai Areng my, “Aw haisau, ang thau ly kai i kalop sa pi nai beram typ keung ai tiu ba; ni ai tleh ba. Naibaly beramchi ly ahei phro ai. Kai ly kaimy i khumichi ai tiu ai i,

ZEKHARIAH 14:9

Naibaly khaileaung pri verei y Areng my peang ai. Khumi bawibawichi my py, mymy ai mychi i Tameuh palawn iy chiu ai i, huni amyn harei naini pany u ai.

MATTHAI 26:24

Khumi i Chapo ly mymy i satang tajiu nai kamta khypkhyp my chei vui ai; na i py Khumi i Chapo ai patiu hai ai nai keung ly taham si! Huni khumi ly tapen y nai khyly mymy i vui hawi keh alam ai,” napi nai pathang.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

JOHAN 12:41

Isaia my ni i nang parai nai sai niu nai deaungkho y hunai kamta thui, mymy ly ni i satang py pany hai.

AMTAW 16:7

naibaly Musia pri ahawi y tym iy Bithunia pri y kun ai nai tau u; na i py Isu i Phailo my pei y;

ROM AVANGCHI TENG Y PAWLA I CHA PA NAI 8:9

Na i py Tameuh i Phailo ly nangmychi y awm tatang baly, nangchi ly tlang i reita y awm nai ny y i, Phailo i reita y awm u nai teu. Na i py ami py Krista i Phailo by y nai khumi ly mymy i khumi ny y leang.

KALATIA 4:6

Naibaly nangchi ly chanau ne u nai deaungkho y Tameuh my mymy i Chapo i Phailo ai ly Abba, Ngaai, nanai aeu naimy achi i paleung y ang pato bo.

II PETERA 1:21

Thui rym nai leu ha py khumi i kangai y theu vai y leang: huni ny y naimy Phailo Kachai my khumichi ai dawn hai iy Tameuh teng i dengdairei thui nai ne.

AMTENG HAI NAI 19:10

Naibaly kai ly ni ai chiu ai nai mymy i kheu keung y ambeu bo. Hunaibaly mymy ly kai teng y, “Huna nai kamta so reng moh! Kai ly nang hawi, Isu i thui pi nai leu patawm nai ngamjo ngamnauchi i miseaung ahawi ne chy bo: Tameuh ai chiu phai chiu; Isu i thui pi nai leu ly leu thui yb nai Phailo i nai ne lawh,” napi.