I PETERA 1:10 - Khumi Common Language Bible

¹⁰ Nangchi i tlang tleaung y pahenra tym ai nai leu ang thui pi rym nai amochi ly huni paheng naira satang hawihai palai dawn py dawn, hau py hau:

I PETERA 1:10 Iomraidhean Croise

ATITI AWM ANGCHEI NAI 49:10

Juda ly samrang i tivi syn ai; ni i kangpreangchi teng y peang naira haiho awm jojo ai. Cheng cheaungkhangchi ly ni teng y langseaung pei u ai. Ni i leu tangai u ai.

LEU KACHENG 2:4

Nang ly tangka ai py, heu vui nai yhmtheaung katui ai py hau nai kamta, pany thai praw nai cheng naira ai atho sa iy hau ba.

DANIELA 2:44

Salo mang i samrangchi peang nai thym khala y my, Kani pri mang y awm nai Tameuh ly mana khala py phra pajau y nai pri harei palum ai. Huni pri ai mana khala py taphra pajau y ai. Huni pri ly takhra prichi ai taphra chum baly, khaw jojo ai.

DANIELA 9:3

Naibaly kai ly biu hai naimy paisiu kanih akhiu iy, maidym theung y ateh i, Areng Tameuh teng y chiu sa hnei takeng nai ne.

HAKAI 2:7

Khumi cheng cheaungkhangchi ai taphra pawn ai. Huni khumichi i muku tangka, yhmtheaungchi ai, hini meingtym y khumichi ai syn hai ai. Achura yhm py muku tangka, yhmtheaungchi hawi kawi naimy awm ai, nanai ati cheaungkhang sa thai nai Areng my leu pei bo.

ZEKHARIAH 6:12

Ati cheaungkhang sa thai nai Areng my, “Sai kadeu” nanai amyn nga nai khumi ly mymy i awm naira y nang chawn iy, Areng i Achura yhm sa palum teang ai.

MATTHAI 13:17

Meitang khyp kang thui pi, amo neangneangchi hawi khumi kahawi neangneangchi py nangchi i atiti niu naichi ly khrikhri pa-rei niu ai nai ngai parai, na i py niu y bo; nangchi i atiti thai naichi py thai ai nai ngai, na i py thai y bo.

MATTHAI 26:24

Khumi i Chapo ly mymy i satang tajiu nai kamta khypkhyp my chei vui ai; na i py Khumi i Chapo ai patiu hai ai nai keung ly taham si! Huni khumi ly tapen y nai khyly mymy i vui hawi keh alam ai,” napi nai pathang.

LUKA 10:24

kang thui pi, amo neangneangchi hawi areng neangneangchi py nangchi i atiti niu naichi ly niu ai nai ngai, na i py den py niu y; nangchi i kano y thai naichi py thai ai nai ngai, na i py den py thai y,” nanai kangviu y napi.

LUKA 24:44

Naibaly mymy ly nichi teng y, “Hini ly kai i leu na a. Mosi i Reita hawi, amochi i cha-iu hawi, sam cha-iu y ly kai i satang tajiu nai ngierei tym ai nai sai, nangchi teng y kai awm nai khala kang thui pi reng ly,” napi.

JOHAN 5:39

“Tameuh i cha-iu theung y deungtasarei hengra awm, nanai ym u nai deaungkho y nangchi hawihai my phain; naibaly huni ly kai i satang pany hai reng;

JOHAN 7:52

Nichi my ly ni teng y, “Nang py Kalili pri i khumi teang lawh kha? Hau cham. Kalili pri i nai amo ami py theu y leang, nanai pany be,” nanai pathang.

AMTAW 10:43

Ami py mymy ai ym nai ngierei ly mymy i amyn deaungkho y, kamngochi pahen naira ng ai, nanai hini satang ly amo bawibawichi my pany hai ly,” napi.

AMTAW 17:11

Hu i khumichi ly Thesalonika avang i khumichi tleaung y ly hawi kyh, ati mana nai mo nabaly nichi ly paleung kawn parai naimy huni leu tangai iy, huni satang thui pi nai ly teng mo teng y mo, nanai Tameuh i cha-iu y kani tleirei hau u.

AMTAW 28:23

Naibaly nichi ly mymy ai kani adeu i, mymy i anga nai yhm y mymy teng y khumi neangneang jeu u, naibaly mymy ly khawn mang i dengdairei dym mang y khrairei huni leu ly thui pi pachai i, Tameuh i peang nai satang pany hai; Mosi i Reita cha-iu leu hawi amochi i cha-iu leu y py Isu mang y mymychi ai parawi ryry.

AMTAW 7:52

Nangchi i amsi sangumchi my amochi theung y ano y nai ly ami awm mo? Khumi Kahawi jeu ai nai satang thui pi rym nai keungchi ai py nichi padei; ni ai ly patiu hai nai keungchi hawi, padei nai keungchi py vai nangmychi lawn u bo;

HEBRAI 11:13

Hunichi bawibawi ly ym nai tarawi y dei u bo:nichi ly adeu nairachi ngo y naimy palo parai naira i dengdairei niu py niu, kawn py kawn, naibaly nichi ly hini khaileaung pri y angvyn hawi pri takhra khumi ne, nanai apany hai bo.

HEBRAI 11:40

ati mana nai mo nabaly achi ai tabawi y nai ly nichi ai angym hai y ai nai, Tameuh my achi i molam y atiti hawi tleaung hawi ra nai ang sa pi chum veng bo.

I PETERA 1:11

mymychi theung y awm nai Krista i Phailo my ly Krista i patang ai nairachi hawi, huni bo y nang parai naira awm ai naichi satang ly ang pany hai rym nai thym khala y ly, mani neng y mo, mani ka-tawm neng mo ang pany hai, nanai nichi ly hau u reng.

I PETERA 1:13

Hunai deaungkho y nangchi i paleung akry nai atyp u ly, Isu Krista amteng nai khala y ly nangchi ai nga hai ai nai pahenra mang y angym pa-rei athang khai u jojo.