I JOHAN 5:7 - Khumi Common Language Bible

⁷ Phailo ly leu meitang ne nai deaungkho y pany hai nai keung ly Phailo ne.

I JOHAN 5:7 Iomraidhean Croise

SAM 33:6

Areng ly mymy i leu pei nai hawimy kani khusang ai py, mymy i leu hawimy kani, lo, ka-si taukichi ai py sa nai ne.

ISAIA 61:1

Areng i phailo ly kai ai sa thai naira angym hai bo. Khumi kamawnchi i vui satang kahawi syn pi iy, paleung phra naichi i no-na hawi hai bo; pri pala nai avum nai khumichi hawi theaung tla nai khumichi ai law tleaung naira nga nai satang thai hai ai nai, mymy ly kai ai vawi takhra iy pato bo.

MATTHAI 17:5

Ni ly thui dudu nai thym khala y khen cham, tamai kaleung parai nai ly mymychi ai deng; naibaly khen cham, tamai theung i dengdairei raawi ly, “Hini ly kai i Chapo ngai parai nai ne: kai ly mymy i tlang tleaung y khrikhri pa-rei kakawn parai: mymy i leu tangai u,” napi.

MATTHAI 18:16

Nai i py mymy ly tangai y baly leu cheaungkhang ly pany nai keung leaung nyhrei mo leaung thomrei mo i labeaung y khaw thai ai nai, khumi takhra leaungrei mo leaung nyhrei mo nang teng y hawi.

MATTHAI 28:19

Hunaibaly cheng cheaungkhangchi ai abang nai khumi palawn ai nai chei u ly, nichi ai Ampo hawi Chapo hawi Philo Kaichai i amyn y baptis so u:

JOHAN 1:1

Angchei y ly Leu awm i, Leu ly Tameuh teng y awm, naibaly Leu ly Tameuh ne.

JOHAN 10:30

Kai hawi Ngaai hawi ly bomrei ne,” nanai pathang.

JOHAN 12:28

Ngaai, nangmy i amyn palo ba,” napi. Hunaibaly kani mang i dengdairei raawi theu i, “Kapalo bo, kapalo bi ai,” napi.

JOHAN 14:17

Huni ly Leu Meitang Phailo ne: khaileaung prichi ly mymy ai niu y nai hawi pany y nai deeaungkho y ngothai y; nangchi ly ni ai pany, ni ly nangchi teng y awm jo i, nangchi i paleung theung y py awm ai.

JOHAN 15:26

Naibaly Ngaai teng i nai Awm Hai Nem nai Keung nangchi teng y kang pato ai nai, Ngaai teng i Leu Meitang Phailo ly ang tym khala y ni my kai i satang ang pany hai ai;

JOHAN 5:26

Ampo ly amy teng y hengra awm nai kamta ly, Chapo ai py amy teng y hengra awm ai nai pei bo:

JOHAN 8:18

Kai ly amy i satang apany hai nai keung ne, kai ai ang pato nai Ngaai my py kai ai pany hai teang,” napi.

JOHAN 8:54

Isu my, “Amy ai apalo baly kai i apalo nai ly ati sai py ny y leang: Ngaai ly kai ai palo nai keung na a; mymy ai ly nangchi my, ‘Ni ly kaichi i Tameuh ne,’ napi.

AMTAW 2:33

Mymy ai ly Tameuh i lamtang mang y pasang i, Phailo Kachai adeu nai ly Ampo teng i nga iy, hini nangchi i niu nai hawi thai nai ly ni i ang lei nai bo he.

AMTAW 5:32

Naibaly kaichi ly huni leu pany hai nai keung ne; Phailo Kachai, Tameuh my mymy i leu tangai nai ngiereichi teng y pei nai ly, mymy py pany hai nai keung ne teang,” napi nai pathang.

II KORINTH 13:14

Areng Isu Krista i pahenra hawi, Tameuh i tamen naira hawi, phailo kachai i amkawm naira py nangchi bawibawi teng y awm sy.

Leu Thui Nai 6:4

“Aw Israela chengchi awi! Areng naini achi i Areng Tameuh ne, nanai tami u moh.

I JOHAN 1:1

Angchei kha i dengdairei awm nai, kaichi i kano y thai nai, kaichi i mei y niu nai, khen veangveang iy kaichi i kiu y patham nai Hengra Leu i satang ly:

I JOHAN 5:6

Tui hawi thi hawi ang jeu nai ly hini Isu Krista ne he; tui hawi harei khyh ny y leang, tui hawi thi hawi py ne.

I JOHAN 5:8

Pany hai nai keung thomrei awm, Phailo hawi, tui hawi, thi py; hunichi thomrei ly bomrei adyh nai ne.

AMTENG HAI NAI 19:13

Naibaly ni ly thi abawi nai kanih akhiu i, mymy i amyn ly Tameuh i Leu napi.