I JOHAN 5:20 - Khumi Common Language Bible

²⁰ Naibaly achi ly meitang khyp nai keung pany i, mymy i Chapo Isu Krista meitang khyp nai keung y achi awm, nanai ly Tameuh i Chapo ly ang jeu iy achi ai pany thai naira ang nga hai bo. Huni ly Tameuh meitang khyp nai hawi, deungtasarei hengra py ne.

I JOHAN 5:20 Iomraidhean Croise

ISAIA 44:6

Israela chengchi ai peang iy ama hai nai Areng, ati cheaungkhang sa thai nai keung Areng my, “Kai ly angchei khala i dengdai tem khala khrairei awm jojo nai keung harei khyh nai Tameuh ne. Kai ny y baly tameuh takhra by y.

ISAIA 54:5

Nang ai sa nai keung ly nang i juvo kamta, nang ai ang kry ai. Ni i amyn ly ati cheaungkhang sa thai nai keung Areng ne. Israela chengchi i chai parai nai Tameuh ly nang ai atleu ai. Mymy ly khaileaung pri y peang nai keung ne.

ISAIA 9:6

Kaichi i vui deaungdi tapen pi! Kaichi i vui chapo ang pei bo! Ni ly kaichi ai ang peang ai. “Ni i amyn ly rengrang tlai,” “Tau pei nai keung,” “Sathai naira len parai nai Tameuh,” “Deungtasarei Ampo,” “Tlamsa nai samrang i Chapo,” nanai amyn pathi ai.

JEREMIA 10:10

Na i py aw Areng, nang ly Tameuh tatang ne. Nang ly heng nai Tameuh, deungtasarei samrang ne. Nang i kado theu nai khala, khaileaung pri ly kaso theu bo. Khumi cheng cheaungkhangchi ly nang i kado theu nai haiho kham pajau y.

JEREMIA 23:6

Huni samrang my peang nai thym khala y Juda khumichi ly chymme naira awm ai i, Israela khumichi ly tlamsa naimy awm u ai. Naibaly huni samrang i amyn ly ‘Kaichi ai atleu pi nai Areng,’ nanai palau u ai.

MATTHAI 13:11

Naibaly mymy ly nichi teng y, “Kani pri my peang nai leu kathiuchi ly nangchi ai pany ai nai pei nai ne, nichi ai ly pei nai ny y leang.

LUKA 21:15

Nangchi i paleung ka-e bawibawichi my paka iy ei thai y ai nai, labeaung hawi cheng naira kang pei ai.

LUKA 24:45

Naibaly Tameuh i cha-iu leu sai pany thai ai nai mychi i paleung cheng hai bo.

JOHAN 1:18

Ami py mana khala y py Tameuh ai niu vai y; Chapo leaungrei awm khyh nai, Ampo teng y awm khyp nai my ly ni i satang thai hai bo.

JOHAN 10:30

Kai hawi Ngaai hawi ly bomrei ne,” nanai pathang.

JOHAN 14:20

Huni kani y kai ly Ngaai teng y awm, nanai hawi, nangchi ly kai teng y awm, nanai hawi, kaimy nangmychi teng y awm nanai py nangmychi my pany ai.

JOHAN 14:23

Isu my ni teng y, “Ami py kai ai tamen baly kai i leu pei nai tangai ai; Ngaai my ni ai tamen ai i kaini my ni teng y jeu ai, ni teng y py awm jo ai.

JOHAN 14:6

Isu my ni teng y, “Kai ly lam py, leu meitang py, hengra py ne.

JOHAN 14:9

Isu my ni teng y, “Philipa, hina tanrei kai nangchi teng y awm i py nang ly kai ai pany y jo rai a? Ami py kai ai niu baly Ampo ai niu nai bo; ‘Ampo ai kaichi ai patei kyh ba,’ nanai ly ati mana nai thui nai mo?

JOHAN 15:4

Kai teng y awm u jo, kai py nangmychi teng awm jo ai. Changpi ly kreip angjyn y amtawm jo y baly mymy tlairei athai thai y nai kamta ly, nangchi py kaimy teng y awm jo y baly athai thai y leang.

JOHAN 17:14

“Nang i leu ly kaimy nichi teng y pei bo, naibaly kai ly khaileaung pri i ny y nai kamta nichi py khaileaung pri i ny y nai deaungkho y khaileaung prichi my nichi ai niu ngai y bo.

JOHAN 17:25

Aw Ngaai Kahawi, khaileaung prichi ly nang ai pany y bo, kai naini pany; naibaly nangmy kai ai pato, nanai py hinichi ly pany;

JOHAN 17:3

Nang, Tameuh meitang leaungrei awm khyh nai ai hawi, nang i pato nai Isu Krista ai pany nai ly deungtasarei hengra ne.

JOHAN 20:28

Thoma my ni teng y, “Kai i Areng hawi kai i Tameuh,” nanai pathang.

JOHAN 8:42

Isu my nichi teng y, “Tameuh ly nangchi i Ampo ne i khyly nangchi ly kai ai tamen ai bo: kai ly Tameuh teng i theu nai hawi, ni teng i dengdairei kang jeu nai ne:kaimy ngaingai kang jeu nai ny y leang, ni my ang pato nai teu.

AMTAW 20:28

Tameuh i palau takhra kamkawm, mymy i thi y van nai ai ly pacho ai nai amkym u, kanghuchi ai py typ u; Phailo Kachai my ly nichi tleaung y nangchi ai peang nai keung y ang khai nai bo.

ROM AVANGCHI TENG Y PAWLA I CHA PA NAI 9:5

amsi pajochi ly mymychi i ne teang, Krista ly tlang mang i molam y mymychi theung i theu nai ne teang; mymy ly atiti bawibawichi i tlang tleaung y peang nai ne i, deungtasarei palo ai ataing nai Tameuh ne. Amen.

I KORINTH 1:30

Na i py nangchi naini mymy i saho y Krista Isu y heng nai ne; ni ai ly Tameuh teng i dengdairei achi i vui cheng naira hawi, chai naira hawi, atleu naira hawi sa hai nai ne.

II KORINTH 4:6

Isu Krista i meimai y ly Tameuh i nang parai nai sai pany naira kangvang kaichi ai ang pei ai nai, “Kangveng i dengdairei kangvang theu ai,” napi nai keung Tameuh ly kaichi i paleung y kangvang ang ko hai veng bo.

II KORINTH 5:17

Huni deaungkho y ami py Krista y awm baly mymy ly kangtha lawn bo; atiti kangngymchi ly tama vui bo; khen u cham, nichi ly kangtha lawn veng bo.

EPHESI 3:18

khumi kachai bawibawichi hawi huni i kau nai sai hawi, sau nai sai hawi, asang nai sai hawi, thiu nai sai py hawihai palai pany y thai ai nai hawi,

PHILIPI 3:9

Krista ai kanga thai ai nai hawi, amy i hawi naira ly (huni ly Reita i hawi naira) by y naimy, Krista ai ym nai deaungkho y hawi naira ly (huni ly ym nai deaungkho y Tameuh teng i hawi naira) nga lawh iy, mymy y kaawm lawh thai ai nai hawi,

I TIMOTHEI 3:16

Naibaly aei ai nai vuilam ny y naimy Tameuh ai dawn ryhryh naira ly leu thiu parai nai ne. “Mymy ly tlang y amteng nai, Phailo y eaung naira nga nai, Kani pri i amtaw thau naichi my ni ai niu nai, Cheng Takhrachi theung y ni i satang aeu hai nai, Khaileaung pri i khumichi ly ni ai ym nai, Nang parai naira y ly ni ai hawi kalau vui nai,” nanai ne.

TITA 2:13

vai heng nai sala ryrei ly amkym naira y py, hawi naira y py, Tameuh ai dawn ryhryh naira y py awm ai nai tla, nanai ang patiu bo;

HEBRAI 1:8

Na i py Chapo i molam y naini hini thui nai ne; “Aw Tameuh, nang i areng atehra ly deungtasarei awm ai nai ne; Teng naira areng cheaungvawi py nang i peang naira i areng cheaungvawi ne.

I JOHAN 2:23

Ami py Chapo ai ym y nai ngierei ly Ampo by y; Chapo ai ym nai ly Ampo py awm.

I JOHAN 2:24

Nangchi i angchei kha i dengdairei thai nai ly nangmychi y awm jojo sy. Nangchi i angchei kha i dengdairei thai nai ly nangmychi y awm jojo baly, nangchi py Chapo y hawi Ampo y py awm jojo ai.

I JOHAN 2:6

“kai ly mymy teng y kaawm jojo,” napi nai khumi ly mymy i tako nai kamta khyp my tako teang ai nai tla.

I JOHAN 4:14

Naibaly Ampo my chapo ai ly khaileaung pri ai Paheng Keung lawn ai nai ang pato nanai ly achi pany py pany, thai py thai hai bo.

I JOHAN 4:16

Tameuh my amychi i tlang tleaung y tamen naira awm nai ly achi my pany iy, ym py ym nai ne. Tameuh ly tamen naira ne; tamen naira y awm jojo nai khumi ly Tameuh y awm jojo i, Tameuh py ni y awm jojo teang.

I JOHAN 4:2

Nangchi ly hinira y ly Tameuh i Phailo ai pany pajau: Isu Krista ly satla iy ngan lawn, nanai thai hai nai phailo ngierei ly Tameuh teng i nai ne;

I JOHAN 5:1

Ami py Isu ly Krista ne, nanai ym nai ngierei ly Tameuh i tapen nai ne; ami py ni ai tapen nai keung ai tamen nai ly tapen nai ai py tamen reng.

I JOHAN 5:15

hunaibaly achi i ati py hnei nai ngierei ly ang tangai pi reng, nanai pany baly mymy teng y achi i atiti hnei nai ly nga bo, nanai achi pany.

I JOHAN 5:18

Ami py Tameuh i tapen nai ly kamngo sa nai ny y leang, nanai achi pany; Tameuh teng i awm nai my lyni ai kry jojo i, kamngo sa reng nai keung my ly ni ai nam py nam pajau y leang.

I JOHAN 5:5

Isu ly Tameuh i Chapo ne, nanai ym nai keung harei ny y baly khaileaung pri ai pajau nai keung ly ami mo?

AMTENG HAI NAI 15:3

Naibaly nichi ly Tameuh i miseaung Mosi i khulym hawi, Beram Cho i khulym py thui iy, “Aw! Atiti py Sa Thai Nai Areng Tameuh, Nang i atiti sa naichi ly nang parai nai hawi rengrang tlai nai ne: Aw! Cheng bawibawichi i Samrang, Nang i lam cheaungkhangchi ly hawi py hawi, teng py teng.

AMTENG HAI NAI 19:11

Naibaly kani am-eaung iy khen cham, keaungngo kangleung hawi, huni tleaung y atang nai Ka-ym hawi Kateng nanai keung ai ly kaniu ; ni ly teng parai naimy tara chih iy atiu lawh.

AMTENG HAI NAI 3:14

“Naibaly Leiodikeia avang i kani pri i amtaw thau nai teng y hinai kamta tajiu: ‘Areng lawn nai, pany hai nai keung ka-ym awm nai hawi meitang, Tameuh i atiti sa nai pakeung i leu thui nai ly hini ne he:

AMTENG HAI NAI 3:7

“Naibaly Philadelphia avang i kani pri i amtaw thau nai teng y hinai kamta tajiu: Chai naira awm nai hawi, meitang awm nai keung, Davida i saw awm nai, paeaung iy ami py kho pajau y nai, kho iy ami py paeaung pajau y nai i leu thui nai ly hini ne he:

AMTENG HAI NAI 6:10

naibaly nichi ly tao pajeng parai naimy, “Aw Areng, kachai hawi meitang, nang ly tara chih iy, khaileaung pri y awm naichi i tlang tleaung y kaichi i thi i kavui y vawitheung tha pi y nai ly majirei kra ai mo?” nanai aeu u bo.