I JOHAN 5:16 - Khumi Common Language Bible

¹⁶ Ami py amy i amjo amnau ai ly dei ai nai pa-rei ny y nai kamngo sa nai niu i khyly, hnei pi ai nai tla, hunaibaly dei ai nai pa-rei ny y nai kamngo sa nai keung i vui ly hengra ang nga hai ai. Dei ai nai pa-rei kamngo nai awm; huni molam y ly hnei pi ai nai tla kana nai ny y leang.

I JOHAN 5:16 Iomraidhean Croise

ATITI AWM ANGCHEI NAI 20:17

Abraham i aju Sarah molam y samrang Abimelek i yhm y awm nai neampachy bawibawichi ly deaungdi so y ai nai Areng my sa pi vui nai ne. Hunai deaungkho y Abimelek i vui Abraham my chiu sa pi i, ni ai Tameuh my no hawi hai bo. Mymy i aju py, mymy i miseaung neampachychi ai py, chanau sa ali teang ai nai no hawi sa pi bo.

ATITI AWM ANGCHEI NAI 20:7

Na i py vai ly neampachy ai juvo teng y tha pi ali teang. Mymy ly amo leaungrei ne i, nang i vui chiu so pi na mang; hunaibaly nang ly dei y ai. Na i py nangmy pei pi ali teang y baly nang i khumichi hawi nang ly dei takengkei ai, nanai kaimy leu kang pei,” napi.

SAM 106:23

Tameuh ly mymy i khumichi ai tamyh vui ai, nanai leu pei nai khala y, mymy i vawi takhra nai miseaung Mosi my paka nai deaungkho y, mymy i kado theu nai ly rym i, nichi ai tamyh y nai ne.

THEU NAI 34:9

“Aw Areng, nang ly kai ai paleung no baly, kaichi hawi vanrei chei ai nai kang takeng. Hini khumichi ly paleung tang nai cheng ne; na i py kaichi i sa tamang nai hawi kamngo naichi pahen pi kyh ly kaichi ai nang i khumichi ne, nanai palawn teang kyh ba,” napi.

JEREMIA 11:14

Jeremia awi, huni khumichi i vui hawi nichi i jeng y takeng pi moh; ahui py ahui pi moh; chiu py so pi moh. Nichi patang naira avum nai khala, sabawm ai nai kai teng y aeu u teu i py, kai ly katangai pi ai ny y,” napi.

JEREMIA 14:11

Areng my kai teng y, “Nang ly nichi ai sabawm ai nai kai teng y hnei moh.

JEREMIA 7:16

Areng my, “Aw Jeremia, hini khumichi i vui chiu so pi moh. Nichi i vui hnei takeng pi nai py, ahui pi nai py so pi moh. Kai ly nang i leu tangai pi y ai nai deaungkho y, kai teng y takeng moh.

Ezekiela 22:30

Kai ly kaimy i khumichi awm nai pri y kado theu nai hawimy taphra ai nai tau nai khala, huni pri y lengseaung apai tapang pajau nai keung hawi, mary apai sa naira y angdo iy amtang pajau nai keung ai kahau cham bo. Na i py leaungrei ai py avum y.

Kati Nai 12:13

Naibaly Mosi ly Areng teng y, “Aw Tameuh, Miriam ai ly hawi so pi teang kyh ba!” nanai aeu naimy hnei takeng pi bo.

Kati Nai 15:30

Na i py amy i pri y tapen nai Israela cheng py ne sy, cheng takhra py ne sy, kamngo sa ta-li lawh baly, huni khumi ly Areng ai tahm khai y nai deaungkho y ni ai ly padei ai nai tla.

LUKA 12:10

Naibaly Khumi i Chapo ai cheh nai ngierei ai ly pahen pi ai: na i py Phailo Kachai y khrairei thui tamawn nai khumi ai ly pahen pi y ai.

JOHAN 17:9

“Kai ly nichi i vui chiu sa pi; kai ly khaileaung prichi i vui chiu sa pi nai ny y leang: kai teng y au naichi ly nang i ne nai deaungkho y nichi i vui chiu kasa pi;

II TIMOTHEI 4:14

Kheupaja thip nai Aleksandra ly kai i tlang tleaung y khri pa-rei hawi y naira sa: Areng ly mymy i atiti sa nai kamta vawitheung tha ai:

I JOHAN 5:17

Hawi y naira bawibawi ly kamngo ne: dei ai nai pa-rei ny y nai kamngo py awm.

1 SAMUELA 12:19

Naibaly nichi my Samuela teng y, “Areng awi, kaichi dei y ai nai nang i Areng Tameuh teng y, kaichi i vui chiu so pi kyh ba; kaichi ly samrang hnei nai deaungkho y, kamngo tleaung y kamngo kasa u ra lawh bo,” napi u.

1 SAMUELA 2:25

Khumi tengtawi tamang naichi ai Areng my ama hai pajau teu i py, Areng i tlang tleaung y tamang nai khumi ai ly ami my ama hai pajau ai mo?,’ nanai parip bo. Na i py nini ly ampo i parip nai leu tangai hawi y; ati mana nai monabaly Areng my nini ai padei ai dawn yb nai deaungkho y ne.