I JOHAN 4:4 - Khumi Common Language Bible

⁴ Bechi awi, nangchi ly Tameuh i dengdairei ne i, nangmychi y awm nai keung ly khaileaung pri y awm nai keung tleaung y len keh nai deaungkho y, nangchi ly hunichi ai pajau bo.

I JOHAN 4:4 Iomraidhean Croise

JOHAN 12:31

Vai hini khaileaung pri ai chih thym rai; vai hini khaileaung pri i areng ai ly patheu vui ai.

JOHAN 14:30

Kai ly nangchi hawi leu neangneang arum ali y leang bo, khaileaung pri i areng ang jeu ai bo, ni ly kai teng y ati sai py ngo y ai;

JOHAN 16:11

khaileaung pri i areng ai ly pasum veng nai deaungkho y tara chih naira y pasum ai.

JOHAN 17:23

kai mymychi teng y awm nai, nang kai teng y awm nai, nichi bomrei awm iy angym thai ai nai, nangmy kai ai pato nanai hawi, nangmy kai ai tamen nai kamta nichi ai py nang tamen teang, nanai py khaileaung prichi my pany ai nai.

ROM AVANGCHI TENG Y PAWLA I CHA PA NAI 8:31

Hunaibaly hunichi i molam y ly achi mana thui ai mo? Tameuh my achi mang y asa baly ami my ang tiu pajau ai mo?

ROM AVANGCHI TENG Y PAWLA I CHA PA NAI 8:37

Ny y leang! Huni bawibawi y ly ang tamen nai keung deaungkho y achi ly pajau nai tleaung y pajau ra nai keung ne.

I KORINTH 2:12

Hunaibaly Tameuh i atiti jawm ang pei naichi ly achi pany thai ai nai, achi ly khaileaung pri i phailo nga nai ny y i, Tameuh teng i Phailo nga nai ne.

I KORINTH 6:13

Cha ai naichi ly kajeu i vui ne, kajeu ly cha ai naichi i vui ne; na i py Tameuh my huni ai py nichi ai py tama hai ai. naibaly tlang ly angai ai naira i vui ny y leang, Areng i vui teu; Areng py tlang i vui ne.

II KORINTH 4:4

hunichi i vui ly hini khaileaung pri i tameuh ly ym y naichi i paleung ai paju hai bo; Krista, Tameuh kamta atawm khyp nai, mymy i nang parai nai sai Satang Kahawi kangvang ly nichi ai kangvang ko thai y ai nai paju hai bo.

II KORINTH 6:16

Naibaly Tameuh i achura yhm ly mynchi hawi ati aly naira awm mo? Achi ly Tameuh kangheng i achura yhm ne; Tameuh my ly, “Mymychi teng y kaawm ai i, mymychi teng y kapavai ai; naibaly kai ly nichi i Tameuh ne ai i, nichi py kai i khumichi lawn ai,” napi nai kamta ly.

EPHESI 2:2

hunira y ly nangchi ly jangni y hini khaileaung pri i reita kamta tako u nai ly, ali y aly peang nai areng, vai ym y nai chanauchi theung y sa dudu nai phailo i reita kamta.

EPHESI 3:17

hunaibaly nangchi ly tamen naira y tangjyn pala u nai hawi amchym naira nga u iy,

EPHESI 6:10

Kangkhym i naira y ly Areng y hawi mymy i atho y ly ham parai naimy awm u.

I JOHAN 2:1

Bechi awi, nangchi ly kamngo so y ai nai hini leu ly nangchi teng y katajiu nai he. Ami py kamngo sa lawh baly, achi i Ampo teng y thui pi nai keung Isu Krista kahawi awm;

I JOHAN 2:13

Ngaaichi awi, nangchi ly angchei kha i dengdairei awm nai ai pany nai deaungkho y nangchi teng y katajiu nai he. Thawndeangchi awi, nangchi ly kamngo sa reng nai keung ai pajau nai deaungkho y nangchi teng y katajiu nai he. Bechi awi, nangchi ly Ampo ai pany nai deaungkho y nangchi teng y katajiu nai chy bo.

I JOHAN 3:20

achi i paleung my achi ai pasum khala y ly mymy i mei ka-niu y achi i paleung ai amychi my khaw hai ai; ati mana nai mo nabaly Tameuh ly achi i paleung tleaung y len keh i, mymy ly ati cheaungkhang pany.

I JOHAN 3:24

Mymy i leu pei nai patawm nai khumi ly mymy teng y awm jojo i, mymy py ni teng y awm jojo teang nai ne. Naibaly mymy ly achi teng y awm jojo nanai ly Phailo ang pei naira y ly achi pany.

I JOHAN 4:13

Mymy ly mymy i Phailo ai achi ai phyrei nga hai chum veng nai deaungkho y, achi ly mymy y awm jojo nai hawi, mymy ly amychi y awm jojo, nanai py achi pany.

I JOHAN 4:16

Tameuh my amychi i tlang tleaung y tamen naira awm nai ly achi my pany iy, ym py ym nai ne. Tameuh ly tamen naira ne; tamen naira y awm jojo nai khumi ly Tameuh y awm jojo i, Tameuh py ni y awm jojo teang.

I JOHAN 4:6

Achi ly Tameuh teng i nai ne; Tameuh ai pany nai khumi ly achi i leu tangai; Tameuh teng i nai ny y nai khumi ly achi i leu tangai y leang. Hunira y ly phailo meitang nai hawi, phailo meitang ny y nai py achi pany.

I JOHAN 5:19

Naibaly achi ly Tameuh i ne, nanai hawi khaileaung pri bomrei ly kamngo sa reng nai keung i ngaingai awm, nanai py achi pany.

I JOHAN 5:4

Tameuh i tapen nai ly khaileaung pri ai pajau jojo veng; khaileaung pri ai pajau iy eaung naira ly achi i ym naira ne.

AMTENG HAI NAI 12:11

Nichi ly Beram thi deaungkho y hawi, nichi i pany hai nai leu deaungkho y py ni ai pajau u bo:nichi ly dei ai nai pa-rei mymychi i hengra ai tama ai nai mawn y leang.