I JOHAN 4:16 - Khumi Common Language Bible

¹⁶ Tameuh my amychi i tlang tleaung y tamen naira awm nai ly achi my pany iy, ym py ym nai ne. Tameuh ly tamen naira ne; tamen naira y awm jojo nai khumi ly Tameuh y awm jojo i, Tameuh py ni y awm jojo teang.

I JOHAN 4:16 Iomraidhean Croise

SAM 31:19

Nang ai jei naimy tahm khai nai khumichi i vui pateung pi yb nai hawi nairachi ly khri pa-rei lyh ai hawi parai na ly! Nang ly hawi, nanai py, nang teng y abyh nai khumichi ai ama hai, nanai py, khumi bawibawichi my pany u bo.

ISAIA 64:4

Nangmy ai kadeaung u nai khumichi i vui y, hina nai kalopchi ai nang kamta sa pi nai Tameuh ai ly ami py niu vai y. Huni Tameuh satang thai py thai vai y.

JOHAN 6:69

Nang ly Tameuh i Khumi Kachai ne, nanai kaichi ym i, pany py pany bo,” nanai pathang.

JOHAN 9:3

Isu my, “Hini khumi my py kamngo so y, amhm ampo my py so y; Tameuh i atiti sa naichi ly mymy i tlang tleaung y amteng ai naira teu.

I KORINTH 2:9

Na i py, “Mei y niu vai y nai, kano y thai vai y nai, Khumi i paleung y kun vai y nai ly Tameuh my mymy ai tamen naichi i vui sa pi rym nai ngiereichi ly,”

I JOHAN 3:1

Khen cham achi ai Ampo my ang tamen nai ly mana tanrei na mo! Tameuh i chanauchi y ang pathi vui na ly: achi ly huni kamta ne khyp; khaileung pri my ly mymy ai pany y nai deaungho y achi ai py pany y.

I JOHAN 3:16

Mymy ly achi i vui y mymy i hengra pei vui nai deaungkho y tamen naira ly ati mo, nanai achi pany; achi py amjo amnauchi i vui y achi i hengra pei teang ai nai tla.

I JOHAN 3:24

Mymy i leu pei nai patawm nai khumi ly mymy teng y awm jojo i, mymy py ni teng y awm jojo teang nai ne. Naibaly mymy ly achi teng y awm jojo nanai ly Phailo ang pei naira y ly achi pany.

I JOHAN 4:7

Ngai parai naichi awi, atamen u leungtang sina; tamen naira ly Tameuh teng i dengdairei theu nai ne; khumi ami py tamen naira awm nai ngierei ly Tameuh i tapen nai ne, Tameuh ai py pany.