I JOHAN 4:12 - Khumi Common Language Bible

¹² Ami py mana khala y py Tameuh ai niu vai y leang: achi ly atamen u leungtang baly Tameuh ly amychi y awm jojo ai i, mymy i tamen naira py amychi y angym teang ai.

I JOHAN 4:12 Iomraidhean Croise

ATITI AWM ANGCHEI NAI 32:30

Jakob my, “Kai ly mo atha leungtang naimy Tameuh ai kaniu i py kai ly heng jo rai,” nanai thui iy, huni meingtym ai Peniel, nanai amyn patho bo.

THEU NAI 33:20

Kai ai niu nai khumi ly heng ai ny y nai deaungkho y, nang ai kai i meimai kang patei ai ny y.

Kati Nai 12:8

Hunai deaungkho y kai ly ni hawi mo atha iy chai pyn naimy kathui pi; leu aki nai kamta thui pi vai y leang. Ni ly kai i tlang apheung malawn py niu bo! Nangni ly kai i miseaung Mosi ai ati mana nai thui tamawn vam hawi lawh mo?” napi.

JOHAN 1:18

Ami py mana khala y py Tameuh ai niu vai y; Chapo leaungrei awm khyh nai, Ampo teng y awm khyp nai my ly ni i satang thai hai bo.

I KORINTH 13:13

Hunaibaly hini thomrei, ym naira hawi, athang khai naira hawi, tamen naira py awm jojo ai; naibaly hinichi theung y len keh nai ly tamen naira ne.

I TIMOTHEI 1:17

Deungtasarei awm jo nai Samrang, phra pajau y nai hawi, niu pajau y nai hawi, Tameuh harei awm khyh nai teng y ly tahm pasang naira hawi, palo naira py deungrasarei awm jojo sy. Amen

I TIMOTHEI 6:16

mymy leaungrei dei thai y nai sai awm khyh, ni ly kangvang chei kasa pajau ai nai vuilam ny y naira y ly awm nai, mymy ai ly ami py niu vai y, niu py niu pajau y; mymy teng y tahm pasang naira hawi, deungtasarei aly peang naira py awm sy. Amen.

HEBRAI 11:27

Ym naira deaungkho y mymy ly samrang i kado theu nai ly jei y naimy Aikupta pri khai su i, niu thai y nai ai ly niu thai nai kamta kham tanga bo.

I JOHAN 2:5

Na i py ami py mymy i leu patawm nai ngierei ly Tameuh ai tamen naira ly mymy teng y angym tatang nai bo. Achi ly hinira y mymy teng y awm, nanai apany nai ne.

I JOHAN 3:24

Mymy i leu pei nai patawm nai khumi ly mymy teng y awm jojo i, mymy py ni teng y awm jojo teang nai ne. Naibaly mymy ly achi teng y awm jojo nanai ly Phailo ang pei naira y ly achi pany.

I JOHAN 4:16

Tameuh my amychi i tlang tleaung y tamen naira awm nai ly achi my pany iy, ym py ym nai ne. Tameuh ly tamen naira ne; tamen naira y awm jojo nai khumi ly Tameuh y awm jojo i, Tameuh py ni y awm jojo teang.

I JOHAN 4:20

Ami my, “Kai ly Tameuh ai tamen,” napi iy, amy i amjo amnau ai niu ngai y baly, mymy ly ka-chawi thui nai teu; amy i amjo amnau niu ryhryh nai ai malawn py tamen y pui baly, Tameuh niu vai y nai ai ipsaly mana tamen thai ai mo?

I JOHAN 4:6

Achi ly Tameuh teng i nai ne; Tameuh ai pany nai khumi ly achi i leu tangai; Tameuh teng i nai ny y nai khumi ly achi i leu tangai y leang. Hunira y ly phailo meitang nai hawi, phailo meitang ny y nai py achi pany.