I JOHAN 4:1 - Khumi Common Language Bible

¹ Ngai parai naichi awi, phailo bawibawi y ym u moh, phailochi ly Tameuh teng i nai ne mo, ny y mo, nanai cham u; ati mana nai mo nabaly khaileaung pri y ly leu thui tapawp nai neangneangchi theu bo.

I JOHAN 4:1 Iomraidhean Croise

1 ARENG KEH 13:18

Hunaibaly Bethela mary i amo miteaung pui ly ka-chawi naimy ni teng y, “Kai py nang kamta amo ne teang chybo; Areng i kani pri amtaw thau leaungrei my, nang ai yhm y palau iy pacho panei ai nai kai teng y ang thui pi,” napi.

LEU KACHENG 14:15

Khumi ka-khumchi ly ami i thui nai leuchi ai ym reng; tau cheng nai khumichi ly leu meitang teaung u reng nai ne.

JEREMIA 14:14

Na i py Areng my, “Amochi ly kai i amyn y ka-chawi thui u nai ne. Kai ly nichi ai kapato y leang. Nichi teng y ati sai py kataviu y. Ati sai py amteng hai y. Nichi i thui pi nai paleung mei hawi niu naichi ly kaimy amteng hai naichi ny y. Nichi i thui yb nai leuchi ly ati sai py ny y i, mychi phym atyhtyh nai teu.

JEREMIA 23:16

Ati cheaungkhang sa thai nai keung Areng my Jerusalem mary i khumichi teng y, “Amochi my nangchi ai athang khai hai atyhtyh nai deaungkho y, nichi i leu tangai u moh. Nichi ly mychi i paleung theung y dawn nai kamta thui u nai teu, kai i thui nai leu ny y leang.

JEREMIA 5:31

amochi ly leu kateng thui u y; pathyp pi nai keungchi ly amo my leu pei nai kamta peang u bo. Kai i khumichi my py hina nai sa naichi ai ei u y. Na i py nichi ly kangkhym kani y ati sa u ai mo?”

MARKA 13:21

Hunai khala y ly ami my nangchi teng y, ‘Khen cham, Krista ly hi y awm, hu y ho,’ ang napi baly ym u moh.

LUKA 12:57

Ati mana nai y nangmychi i hawi naira ly chih u y lawh a?

LUKA 21:8

Naibaly ni my ly, “Nangchi ai ang tapawp y ai nai tau tleaung y awm u; ati mana nai mo na balykhumi neangneangchi my, ‘Kai ne he,’ ‘Neng ang tym bo,’ nanai kai i amyn angam nai ang jeu ai; nichi teng y ly abang u moh.

AMTAW 17:11

Hu i khumichi ly Thesalonika avang i khumichi tleaung y ly hawi kyh, ati mana nai mo nabaly nichi ly paleung kawn parai naimy huni leu tangai iy, huni satang thui pi nai ly teng mo teng y mo, nanai Tameuh i cha-iu y kani tleirei hau u.

AMTAW 20:29

Kai chei nai bo y ly kasui kasichi ly nangchi theung y ang kun ai i, kanghu ai ly ang khai ai nai ny y leang, nanai kai pany.

I KORINTH 12:10

khumi takhra teng y ly atiti rengrang sa thai ai nairachi pei nai ne; khumi takhra teng y ly phailochi ai pany thai ai naira pei nai ne; naibaly khumi takhra teng y ly leu athai y nai takhra takhra thui thai ai naira pei nai ne; khumi takhra teng y ly leu athai y nai takhra takhra thui pi pachai thai ai naira pei nai ne;

I KORINTH 14:29

Naibaly leu thui nai keungchi py leaung nyhrei mo, leaung thomrei mo thui u sy ly, khumi takhrachi ly hawi hai palai dawn u pasym sy.

I THESALONIKA 5:20

leu thui nai ai ly tahm khai y nai awm u moh;

I THESALONIKA 5:21

cheaungkhangra y phai cham u; hawi nai ngiere ly patawm u ly;

II THESALONIKA 2:2

“Areng i kani ly tym yb veng bo,” napi nai, phailo deaungkho y mo, leu deaungkho y mo, kaichi teng i dengdairei cha pa nai kamta deaungkho y mo nangchi i paleung amchyh praw y ai nai hawi khru py khrukhra y ai nai kaichi kang takeng.

I TIMOTHEI 4:1

Na i py vai momang y ly phyrei khumichi ly ka-chawi thui naichi i tapawp naira deaungkho y tamang hai nai phailochi hawi,

II TIMOTHEI 3:13

Na i py khumi kamngo hawi tapawp nai keungchi ly tapawp nai hawi tapawp naira y awm nai ly kamngo naira y ty ra ty ra ai.

II PETERA 2:1

Na i py khumi humchi theung y ly tapawp nai amochi py theu u reng:hunai kamta nangchi theung y tapawp nai patiu nai keungchi awm ai mang, nichi my ly mymychi ai van nai keung Areng puipui ai malawn py apha vui iy, ang taphra pajau ai nai ym takhra nai leuchi kangviu y kun hai ai i, mymychi i tlang tleaung y tlenrei khyh my tama ai naira angtym hai ai.

I JOHAN 2:18

Bechi awi, kangkhym kangtem i neng ly tym bo; Krista ai paka nai keung ang jeu ai, nanai nangchi i thai nai kamta ly vai py Krista ai paka nai keung neangneangchi ang theu nai bo; hunai deaungkho y kangkhym kangtem i neng ly tym bo, nanai achi pany bo.

I JOHAN 2:7

Ngai parai naichi awi, leu pei nai kangtha ly nangchi teng y kang tajiu y leang; leu pei nai kangngym, angchei kha i dengdairei nangchi i nga nai katajiu nai teu; huni leu pei nai kangngym ly nangchi i thai angchi yb chum veng nai leu ne.

II JOHAN 1:7

Isu Krista ly tlang y ang jeu, nanai thai hai y nai tapawp nai keung neangneangchi ly khaileaung pri y theu u bo. Hunai kamta khumi ly tapawp nai keung hawi Krista ai paka nai keung ne.

III JOHAN 1:11

Ngai parai nai awi, kamngo ly amtiu moh ly, kahawi phai amtiu. Atiti kahawi sa nai keung ly Tameuh teng i nai ne; atiti kamngo sa nai keung ly Tameuh ai niu vai y leang.

AMTENG HAI NAI 2:2

Nang i atiti sa naichi hawi, sa akawm nai hawi, kham tanga nai sai hawi, khumi kamngochi ai kham pajau y nai sai py kapany: naibaly amtaw thau naichi ny y naimy, amtaw thau nai angam naichi ai cham iy nichi ly tapawp nai keungchi ne, nanai pany bo;