I JOHAN 3:4 - Khumi Common Language Bible

⁴ Ami py kamngo sa nai ngierei ly reita ai taphra nai keung ne; kamngo ly reita ai taphra nai ne.

I JOHAN 3:4 Iomraidhean Croise

1 ARENG KEH 8:47

Huni pri ly khri pa-rei palo teu i py, nang i khumichi chiu sa hnei takeng nai ly tangai pi kyh ba. Nichi ly huni pri y awm nai khala uikheih nai tarawi y mychi ly kamngo mana tanrei sa tamang na mo, hawi y na mo, nanai ahui iy nangmy teng y chiu sa hnei takeng lawh baly aw Areng, nichi i hnei takeng nai pathang pi kyh ba.

1 NENG SATANG 10:13

Samrang Sawla dei nai ly Areng i tlang tleaung y ka-ym by y nai deaungkho y ne. Ni ly Areng i leu tangai y.

2 NENG SATANG 24:20

Huna nai khala Tameuh i phailo ly pathyp pi nai keung Jehojada i chapo Zekhariah i tlang tleaung y tym nai deaungkho y, Zekhariah ly khumi mipuichi ka-niura angdo iy, “Nangchi ly nangmychi i tlang tleaung y ka-jeira tym hai ai nai, ati mana nai kai Areng i leu pei nai tangai u y lawh mo? Kai ai nangchi my khai su nai deaungkho y, kai py nangchi ai khai su bo!” napi.

ISAIA 53:8

Khumichi ly ni ai patiu iy, padei ai nai leu pacheang bo. Naibaly padei ai nai pahawi; na i py ni i avum ai nai khym taham ai ly ami py dawndan pi y. Ni ly achi khumichi i kamngochi deaungkho y, padei naira avum nai ne.

DANIELA 9:11

Israela cheng verei malawn py nang i reitachi ai tangai y i, leu pei naichi khai u su bo. Kaichi ly nang i tlang tleaung y kamngo sa u nai ne i, nang i miseaung Mosi i reita theung y tajiu nai vainengchi ly kaichi teng y lawi hai bo.

Kati Nai 15:31

Ati mana nai mo na baly ni ly Areng i leu pei nai khai su iy, reita taphra ta-li nai deaungkho y ne. Ni ly my i kamngolai dei ai nai tla.

MATTHAI 5:19

Hunaibaly ami py hini leu pei nai jang keh naichi theung y harei py taphra iy, hunai kamta sa teang ai nai khumichi ai patiu nai ngierei ai ly kani pri y tahm anem keh nai khumi, nanai amyn pathi ai; na i py ami py patawm iy patiu pateang nai ngierei ai ly kani pri y khumi kalen, nanai amyn pathi ai.

AMTAW 23:3

Naibaly Pawla my ly mymy teng y, “Nang an kangleung paju nai ampang awi, nangmy ai naini Tameuh my ang tabeang ai mang; nang ly Reita kamta kai ai chih ai nai ateh nai iy, Reita ny y nai kai ai tabeang ai nai leu pei lawh a?” napi.

ROM AVANGCHI TENG Y PAWLA I CHA PA NAI 3:20

hunaibaly Reita i atiti sa nai deaungkho y khumi ami py mymy i mei ka-niu y eaung naira nga ai nai by y leang; ati mana nai mo nabaly Reita deaungkho y kamngo pany angym ai naira awm nai ne lawh veng.

ROM AVANGCHI TENG Y PAWLA I CHA PA NAI 4:15

Reita ly kado theu naira sa lawh, Reita by y naira y naini taphra naira py by y.

II KORINTH 12:21

ti y baly kai kang jeu bi nai khala y kai i Tameuh my nangchi i mo y kai ai tahm panem lawh na, naibaly angchei i atiti kamngo sa nai keungchi theung y atiti chai y nai py, angai nai py, paleaung nai py sa reng nai uikhei ngai y nai khumi neangneangchi ai kai ly vo hai lawh na.

JAKOB 5:15

naibaly ym nai chiu sa nai ly no nai ai hawihai iy Areng my ly ni ai pathau ai; naibaly mymy ly atiti kamngo sa lawh baly pahen pi ai.

I JOHAN 5:17

Hawi y naira bawibawi ly kamngo ne: dei ai nai pa-rei ny y nai kamngo py awm.

1 SAMUELA 15:24

Huna nai khala Sawla ly “Ne, kai kamngo kasa bo; kai ly Areng i leu pei naichi py, nang i lam patei naichi py, tangai y nai ne. Kai ly kaimy i khumichi ai jei nai deaungkho y, nichi ngai nai kamta kasa lawh bo.